Mohamed Ibrahim ukomoka mu Misiri yigeze kuba iciro ry’imigani ubwo yagaragaraga ku mbuga zinyuranye za internet avuga ko yashakanye n’umukecuru ukomoka mu Bwongereza w’imyaka irenga 80. Kuri ubu yongeye kwiharira imbuga nyuma yuko yatangaje ko yatangaje nuwo mukecuru we witwa Iris Jones, akavuga ko batandukanye kuko uwo mukecuru yamufataga nk’umucakara we agahora ashaka ko bahora baryamye.
Muri 2019 nibwo aba bombi bakwirakwiye ku mbuga za internet berekana amafoto bameranye neza cyane mu mubano wabo warurimo imyaka 46 hagati yabo. Mohamed Ibrahim w’imyaka 37 na Iris Jones w’imyaka 83 ubu bamaze gutandukana umugabo ashinja umugore kumugira igikoresho cy’imibonano mpuzabitsina ndetse n’umugore agashinja umugabo kuba umuntu wikunda cyane ugamije kwishakira ifaranga gusa.
Icyakora uyu musore ntiyabuze byose kuko gushyingiranwa nuyu mukecuru byatumye yibonera Visa yo kuza gutura mu Bwongereza, aba batangaje ko batandukanye mu kwezi kwa karindwi uyu mwaka maze bongera kuba igitaramo ku mbuga zinyuranye. Umukecuru akomeza avuga ko ku ntangiriro bari bafite ubuzima bwiza bwuzuye urukundo, ariko uko iminsi yagiye ihita wasangaga ahubwo bari mu ntonganya kuri burikintu cyose.
Umukecuru avuga ko uyu musore yari yaramugize nka bank kuko buri munsi yamwakaga ikarita ngo ajye gukura amafaranga kuri bank, ndetse akanavuga ko yamuruhije cyane kuko buri munsi yamutekeraga ndetse akamukorera n’utundi turimo nkaho ari umwana arera, uyu musore nawe mu kumusubiza, yavuze ko uyu bwa mbere na mbere uyu mukecuru yamwiciye izina, ndetse akajya anamukoresha nk’igikoresho cy’imibonano mpuzabitsina kuko ngo atajyaga amuha agahenge mu buriri, ahakana ibivugwa ko yari agamije kumukuraho amafaranga cyangwa se visa ndetse agakomeza gushinja uyu mukecuru ko yashakaga kumuteramo ibitekerezo bye kandi bidashoboka.
Wowe urabona arinde wahemukiye undi?
