spot_img
Ahabanza Blog Page 39

Niwubahiriza ibi bintu telefone yawe ntuzongera kuyihoza ku muriro. Irebere nawe…

Uwitonze Léonce
-
0
Niwubahiriza ibi bintu telefone yawe ntuzongera kuyihoza ku muriro. Irebere nawe…

Mu by’ukuri aho isi igeze telefone imaze kuba igikoresho cy’ibanze kuburyo benshi bamaze kubatwa nayo ndetse hari nutiyumvisha uko yabaho adafite telefone ye mu ntoki. Ariko ibi byose ahanini byatewe nuko telefone yasimbuye ibikoresho byinshi mukazi ka buri munsi, bityo ikaba imeze nk’ibiro umuntu akoreramo akazi ke. Gusa bitewe nuko zikoresha umuriro kandi ushiramo buri kanya usanga buri wese akeneye telefone irambya umuriro koko, nyamara benshi muri twe usanga tutazi ko hari nibyo dukora bituma umuriro ushira vuba muri phone zacu. Niyo mpamvu kuriyi nshuro tugiye kukwereka zimwe mu nama zizagufasha kubungabunga ubuzima bwa bateri ya telefone yawe.

Ibi bintu tugiye kukubwira nubyubahiriza bizagufasha gutuma telefone yawe byibuze imarana umuriro hagati y’amasaha arindwi n’umunani.

Ntukarenze 80%

Mu gihe uri kongeramo umuriro muri phone yawe burya sibyiza ko uyireka ngo igere ku 100% ahubwo ibyiza nuko yagera kuri 80% ugahita uyikuraho. Ibi nukubera ko iyo irenze aha, iba yikorejwe umutwaro munini (overcharging) maze bigatuma bateri itakaza ingufu vuba.

Ntugahoze phone ku muriro

Sibyiza ko telefone yawe ihora ku muriro ukwiye kuyireka umuriro ukabanza ugashiramo, byibuze yireke imanuke igere nko kuri 20% maze ubone kuyisubiza ku muriro, ubushakashatsi bwagaragaje ko guhoza ku muriro telefone byica bateri yayo kuburyo mu gihe gito iba itagishoboye kubika umuriro umwanya munini.

Koresha sharijeri ya originale

Kwibagirwa cyangwa kutabyitaho bituma akenshi usanga duhinduranya ama sharijeri tugakoresha izindi zitazwi cyangwa zitari ku rwego rw’amatelefone yacu, gusa twirengagiza ko zigira ingaruka ku matelefone yacu, mbere yo gukoresha sharijeri nshya ujye ubanza urebe ubushobozi bwayo niba buhuye nubwa telefone.

Ntugakoreshe sharijeri za vuba vuba (fast chargers)

Bitewe nuko buri wese aba ashaka gusubirana telefone ye mu ntoki aba yumva yakoresha sharijeri yuzuza telefone mu masegonda macye, ibi rero bituma benshi bakoresha izizwi nka Fast Charger. Izi sharijeri si nziza na gato kuko zituma bateri itakaza ubushobozi vuba vuba bitewe nuko zikoresha uburyo bwa high voltage butuma na bateri ihura nubushyuhe budasanzwe (overheat) arinabyo bituma ipfa vuba.

Ntukaraze phone yawe ku muriro

Kumara umwanya munini ku muriro, kuzura birenze urugero, ibi byica bateri mu gihe gito bitewe nuko iyo uyirajeho yuzura ikabura uyikuraho.

Jya wubika phone yawe mu gihe iri ku muriro

Iyo phone iri ku muriro irashyuha cyane, icyakora kuyubika mu gihe iri kujyamo umuriro biyifasha kugabanya ubushyuhe kuko burya iyo yubitse biyifasha guhumeka ubushyuhe bukagabanuka, bityo bigafasha na bateri kudapfa vuba.

Uramutse ushaka ko harikindi twakubwiraho ku byuma by’ikoranabuhanga ushobora kutwandikira muri comments hasi.

Irebere uyu mugabo utangaje wogosha abakiliya be akoresheje ishoka. Ni ubuhanga bukomeye

Uwitonze Léonce
-
0
Irebere uyu mugabo utangaje wogosha abakiliya be akoresheje ishoka. Ni ubuhanga bukomeye

Ubusanzwe ishoka (indyankwi) yifashishwa mu gutema ibiti ndetse no kwasa inkwi, gusa hari benshi batari biteze ko ishobora gukora no mu kandi kazi nkako kogosha.

Uyu mugabo witwa Julius Mwangi afite salon yogosha mu gace kitwa Thindigua muri Kenya. Uyu yatangaje benshi kubera ubuhanga yagaragaje muri uyu murimo wo kogosha, ubundi byajyaga bivugwa mu mateka ariko asa nk’ibihuha (myth) ko abagabo kera bajyaga bifashisha ishoka mu kwiyogosha ubwanwa, uyu nawe yashatse kwerekana ko izo nkuru zitari ibihuha ahubwo byari ukuri.

Uyu mugabo yatangiye aka kazi muri 2014, gusa yatangiye gukora agashya mu myaka yakurikiyeho aho yagiye yigaragaza ko afite ubuhanga budasanzwe mu kogosha ariko akoresheje ishoka. Ibi avuga ko yabikoze agamije guhimba agashya muri business kugira ngo akazi ke kagire itandukaniro n’ahandi. Uyu mugabo ngo nyuma yo kubona abantu babiteraho urwenya kumbuga nkoranyambaga abantu bogoshesha ishoka ariko bitarabayeho (memes) ngo yahise agira agatekerezo ko kugerageza ishoka muri salon ye ngo arebe ko byakunda.

Bidatinze yabatuye ishoka arayityaza koko, ubundi atangira kogosha abakiliya be akoresheje igikoresho kidasanzwe, akimara kubitangira ngo yakiriye umubare munini wabakiliya babaga bafite amatsiko yo kureba uko abikora ariko kandi banashaka kwiyogoshesha ku ishoka ngo bumve uko biba bimeze. Aganira n’umunyamakuru Mwangi yagize ati: “abakiliya bange benshi ubu baba bashaka ko mbogoshesha ishoka ngo bumve uko bimeze, ntanumwe ugishaka ko nkoresha imashini isanzwe yogosha”

Avuga kandi ko benshi mu bakiliya be bumva banyuzwe no kogosheshwa ishoka ndetse bakabikunda cyane, uretse kogosha umusatsi, anayikoresha ari kubaconga neza, kwiyogoshesha ishoka kwa Mwangi ni amadolari atanu (hafi ibihumbi 6000 Rwf).

Uyu mugabo avuga ko amaze kumenyekana cyane ndetse ko abantu bose bifuza kugera muri salon ye ngo barebe ko abikora, benshi kandi iyo bahageze nubwo batakwiyogoshesha ariko ngo byibuze bifata amafoto barikumwe nawe ndetse niyo shoka ye yogoshesha abakiliya, avuga ko hari n’abaza bafite ubwoba bwo kogosheshwa ishoka ariko benshi abamara ubwoba bikarangira babikunze.

 

Wakwemera kogosheshwa ishoka?

Dore byinshi utamenye ku kirwa kiyoborwa n’inzoka.

Uwitonze Léonce
-
0
Dore byinshi utamenye ku kirwa kiyoborwa n’inzoka.

Iki kirwa kitwa Snake Island (mu Kinyarwanda cyiza ni “ikirwa cy’inzoka) mu by’ukuri ukimara kumva izina ryaho ushobora kugira ngo ni izina gusa, ariko nyamara izina rijyana n’imiterere y’aka gace kayobeye benshi.

Isi dutuye igizwe n’ibirwa byinshi cyane, ahusanga abantu babisura bakongera bakitahira mu bihe byose by’umwaka. Icyakora hari ikindi kirwa kimwe ku isi, gituwe n’inzoka gusa ndetse nta muntu ushobora kuhakandagira. Iki kirwa kitwa “Snake Island” benshi banakizi ku izina rya “Ilha da Qaimada Graden”. Iki kirwa giherereye muri Brazil, ubusanzwe giteye amabengeza kuburyo buri wese yakwifuza kujyayo, ni agace gato cyane kuko kagizwe na hegitare 43 gusa.

Iki kirwa kandi kizwiho kugira ibidukikiije byinshi cyane kandi bihora bitoshye ahanini bitewe nuko ntabikorwa bya muntu bihakorerwa, kigizwe n’imisozi miremire kandi kuburyo uharebye wese haba habereye ijisho rye.

Wakwibaza uti ese agashya kabarizwa aha ni akahe?

Agashya kahaboneka kurusha ibindi byose nuko haboneka ubwoko bw’inzoka zitaboneka ahandi ku isi. Uretse ibyo kandi iki kirwa kinafatwa nk’agace ka mbere ku isi gatuwemo n’inzoka zinkazi cyane. Ababizi neza bemeza ko bisa n’ibidashoboka ko umuntu yajyayo akagaruka ari muzima.

Icyakora igisirikare gisanzwe kirwanira mumazi muri Brazil, nibo bantu bonyine bemerewe kujya kuricyo kirwa. Gusa bitewe nuko umunsi kuwundi inzoka zo kuricyo kirwa zigenda, nta wundi muntu wemerewe kujyayo.

Mu nzoka zibarizwa aha usangayo nizishobora kuguruka twe tumenyereye nk’impiri, ubumara bw’izi nzoka nibubi cyane ngo kuko bushobora no gushongesha umubiri w’umuntu. Ngira ngo wahita wumva ububi bw’aka gace. Aka gace kagira ubwoko bwinshi bw’inzoka butaboneka ahandi ku isi kandi hakiyongera nizisanzwe ziba n’ahandi.

Icyakora nubwo ntamuntu wemerewe kujyayo, bitewe nibyago bihari, ariko burya abantu biragoranye ko wabumvisha bagatuza. Bitewe nuko zimwe murizi nzoka usanga zishakishwa ku isi ndetse zigurwa amafaranga menshi, ba rushimusi ntibabura kwigabiza ako gace bagiye gushimuta zimwe mu zihenze cyane.

ku bibaza uko abantu bamenya ubwoko bw’inzoka buhari kandi ntawuhakandagira, nagira ngo mbabwire ko amashusho yaho menshi afatwa hakoreshejwe indege ndetse n’ibyogajuru. Bitewe kandi ikoranabuhanga rigenda ryiyongera, ubu hasigaye hanakoreshwa indege zitagira abapolite zizwi nka Drone.

Ese wowe wumva ubishoboye wanyarukira kuriki kirwa?

Abayoboke b’idini ya shitani bari gutegura igiterane cya mbere kinini ku isi biteze ko kizabazanira abandi bashya.

Uwitonze Léonce
-
0
Abayoboke b’idini ya shitani bari gutegura igiterane cya mbere kinini ku isi biteze ko kizabazanira abandi bashya.

Uru rusengero rw’abaramya shitani ku mugaragaro ruri gutegura igiterane byitezwe ko kizahuriza hamwe abantu benshi cyane kuruta ikindi gihe mu mateka y’isi. iki giterane kizahuza abantu bose bashyira mu bikorwa amahame ya satani ariko ikifuzo cyabo cyo gukora igiterane bwa mbere kikaba cyaramaganywe n’umuyobozi w’umujyi wa Boston bateguraga kugikoreramo.

Gusa kuri ubu ntibacitse intege ndetse ubu bari gutegura iki giterane ngo kizabe mu kwezi kwa kane uyu mwaka ndetse nubundi kikazabera mu mujyi wa Boston muri America, gusa ntawuramenya amaherezo uko bizagenda kuko nanubu ntibarahabwa uruhushya rwo gukora iki giterane kidasanzwe mu mateka y’isi. bitewe nuko abayobozi biri dini bavuga ko bashaka ko buri muyoboke wabo agumana umutuzo uzitabira iki giterane wese agomba kuzaza yipfutse mu maso (masked), gusa hari ubwoko bwa za mask butazemerwa harimo nka za bandana cyangwa imyenda ahubwo hari izizakoreshwa zihariye.

Iki giterane kigamije kwizihiza isabukuru y’imyaka 10 uru rusengero rumaze rushinzwe, ndetse bikaba biteganyijwe ko abayoboke bose bazagira ijoro ry’umusangiro w’abarozi” bizwi nka “Hexennacht” (witches night) mu mujyi wa Boston. Ubusanzwe iki nigikorwa cyari gisanzwe kizwiho gukorwa n’abiyita abapagani ariko by’umwihariko muri uyu mwaka bazongeramo ibikorwa bimwe na bimwe bya shitani.

Uru rusengero rwa shitani rufite ikicaro mu gace kitwa Salem muri leta ya Massachusetts, benshi baba baziko ari ibihuha nyamara siko biri hubwo rubaho ndetse rurakora umunsi kuwundi ndetse rukaba runafite abayoboke benshi cyane kurusha uko buri wese yabikeka. Iki giterane nikiramuka kibaye nkuko babitekereza, izaba ari inzira nziza yo gukora ibikorwa bikurura abayoboke bashya baturutse impande zose, ariko cyane cyane muri leta zunze ubumwe za America.

 

DRC: Leta yahagaritse televiziyo zose zikorera ku butaka bw’u Rwanda.

Uwitonze Léonce
-
0
DRC: Leta yahagaritse televiziyo zose zikorera ku butaka bw’u Rwanda.

Ikigo gishinzwe itangazamakuru muri repubulika ya demokarasi ya Congo, cyategetse sosiyete ya canal+ gukura televiziyo zo mu Rwanda zose ku rutonde rw’izigomba kugaragara muricyo gihugu. Uku guhagarika television zo mu Rwanda kugaragara ku butaka bwa Congo ni icyemezo kizamara iminsi 90 ariko ishobora kuzongerwa cyangwa kigaharikwa bitewe nuko bizaba byifashe, nkuko byatangajwe niki kigo cya CSAC RDC.

Leta ya Congo ishinja television zo mu Rwanda gukangurira abaturage bicyo gihugu kutubaha inzego za leta ndetse n’ibindi ngo bishobora gushyira mukaga leta ya Congo. Ku rutonde rwa za television canal+ yerekana muri Congo habonekaho televiziyo zigera ku icumi (10) zirimo na televiziyo ya leta RTV (RBA) inavuga umunsi ku munsi ibigendanye n’intambara ya FARDC na M23. Hashize igihe Congo ishinja u Rwanda gukorana n’umutwe wa M23 ariko u Rwanda rukabihakana, ahubwo narwo rugashinja Congo gukorana byeruye n’umutwe wa FDLR urwanya ubutegetsi bw’u Rwanda.

Imirwano ikaze imaze iminsi mu nkengero z’umujyi wa Goma yatumye umutwe wa M23 wongera gufata ibice bishyashya, ibyatumye muri Goma haduka imyigaragambyo ikaze yamagana ingabo za ONU ndetse niza EAC.

Irebere zimwe mu mfungwa zitinyitse na za leta zirabatinya cyane.

Uwitonze Léonce
-
0
Irebere zimwe mu mfungwa zitinyitse na za leta zirabatinya cyane.

Iyi si dutuye usanga ari ahantu habi cyane aho usanga hari abantu badashaka kubana n’abandi amahoro. Usanga umuntu yica abantu umunsi kuwundi akangiza iby’abandi, kuburyo ahinduka ikibazo ku bandi. Icyakora hari igihe amategeko abafata mu biganza maze akajya kubaryoza ibyo bakoze. Muri gereza ubusanzwe aba ari ahantu hatinyitse ahanini icyakujyanyeyo ndetse n’imiterere n’imibereho yaho ituma haba ahantu habi, icyakora hari abagerayo ahubwo gereza zikaba arizo zibatinya.

Kuriyi nshuro rero tugiye kurebera hamwe zimwe mu mfungwa zitinyitse ku isi ndetse n’impamvu yabyo:

1. Eyeball Man

Uyu mugabo ubusanzwe yitwa Jason Barnum, yakatiwe gufungwa imyaka 22 muri gereza ahamijwe icyaha cyo kwica arashe umupolisi mu mujyi wa Alaska muri America. Icyo gihe byemejwe ko yakoze icyi cyaha yanyweye ibiyobyabwenge bikaze bya heroine byari byaramugize imbata. No kumureba uyu aratinyitse cyane ahanini bitewe n’ibintu yishushanyijeho umubiri wose, kugeza no mu mboni y’ijisho niyo mpamvu yiswe “eyeball man”

2. Red Ripper

Yitwa Andrei Romanovich yamenyekanye cyane kubera ukuntu yari umwicanyi ruharwa (serial Killer) akaba akomoka mu burusiya. Yahimbwe butcher of Rostov (umubazi wa Rostov) uyu uretse kwica abantu, bivugwa ko yasambanyije ku ngufu abagore bagera kuri 52 ndetse bamwe yarangiza akabakata imyanya yabo y’ibanga. Uyu bivugwa ko ashobora kuba yarishe abantu 56 (ni benshi cyane ku muntu utari mu ntambara) ndetse akaba arumwe mu mfungwa zikaze ku isi.

3. Aileen Wuornos

Uyu we ni umugore, uyu bavuga ko arenze no kuba inyamaswa kuko uyu yafunzwe ahamijwe no kugira uruhare mu bwicanyi bwahitanye abagabo bagera kuri barindwi hagati ya 1989 na 1990. Uyu burigihe yahoraga ashinja buri mugabo bakundanye ko yamufashe kungufu bityo agahita anamurasa nuko yahitanye abagera kuri barindwi. Uyu yaje gufatwa arafungwa ndetse aza gukatirwa igihano cy’urupfu cyaje no gushyirwa mu bikorwa hifashishijwe urushinge.

4. John Wayne Gacy

Uyu mugabo waje no gukinwaho filimi yasohotse muri 2017 ubusanzwe yatangiye akora imikino yo gushimisha abana ku muhanda ariko amafaranga avuyemo akayafashisha abababaye. Uyu nubwo abana bamukundaga cyane, ariko inyuma y’imyenda yambaraga ashimisha abana yabaga arimo undi mugabo mubi cyane w’umunyabyaha. Kugira ngo wumve icyatumye aba umuntu utinyitse nuko wamenyako yahamijwe ibyaha byo gufata kungufu ndetse no gukorera abantu iyicarubozo, uyu yahamwe nicyaha cyo kwica abantu 33 biganjemo abana ndetse n’abasore bakiri bato hagati ya 1972 na 1978, yakatiwe igihano cy’urupfu ndetse yicishwa urushinge mu 1994.

5. Rodney Alcala

Uyu mugabo yari mubi cyane kuko yakundaga cyane cyane abagore yabanje no kubatereta cyane kuburyo bamwiyumvamo ndetse bakamukunda. Uyu iyo umugore yamaraga kumukunda cyane yahitaga amwica nkaho bidahagije yamara kumwica akamufotora ndetse n’amafoto akayashyira hanze. Yafashwe amaze kwica abagore bakabakaba 130 ndetse aza gukatirwa igihano cy’urupfu mu 1980.

 

Bitunguranye umugabo yaguze bank yari yaramwimye inguzanyo.

Uwitonze Léonce
-
0
Bitunguranye umugabo yaguze bank yari yaramwimye inguzanyo.

Uyu mugabo witwa Adam Deering w’imyaka 39, kuri ubu ni umushoramari ukomeye hari bank yigeze kumwima inguzanyo imuziza ko yari akiri mutoya ndetse nta n’uburambe yari afite mu ishoramari, uyu ntiyigeze acika intege ahubwo nyuma y’imyaka 17 ibyo bibaye yaje kwihorera kuri ya bank ndetse nawe aza kuyiseka cyane, ibi yabikoze ubwo yahindukiraga akagura inzu iyo bank yakoreragamo ndetse nibiyigize byose yaba imbere n’inyuma.

Muri 2002 Adam Deering nibwo yagiye kwaka inguzanyo y’ibihumbi 10,000 by’ama pound (ubu angana na miliyoni zirenga 12RWF) uyu yashakaga gushinga ikigo gifasha abantu gucunga neza imyenda (amadeni) nubwo yimwe inguzanyo ariko ntiyahagaze yaje gushinga icyo kigo ndetse aza kukigurisha miliyoni eshanu z’amapawundi muri 2014. Uyu yakomeje gukora ijoro n’amanywa ubutaruhuka ndetse aza kugira amahirwe ishoramari riramuhira aho yaje kugira amafaranga afatika.

Amaze gutuza ntakindi yakoze uretse gusubira hahandi ya bank yakoreraga ubundi agahita agura ya nzu yose ndetse n’ibiyizengurutse, yishyuye akayabo k’ibihumbi 450 by’amapawundi (miliyoni zirenga 500 rwf). Adam ati: “mu buzima bwange bwose nahoze nizera ko iyo umuntu ashyizeho umuhate ibintu byose biba bishoboka. Ku myaka 21 nasezeye kukazi narimfite ko gucururiza abandi kuko narimfite indoto zo gushinga ikigo gikomeye kinafite amafaranga menshi, icyari kigoye cya mbere nuko nta n’igiceri narimfite kitwa icyange”

Ati: “iyi bank nayishyiriye umushinga wange wari ukoze neza cyane nishakira inguzanyo, gusa uwari umucungamari wayo yanteye utwatsi maze sinabasha guhabwa ibihumbi 10 nashakaga, nkimara kuhagera numvaga nataye umutwe maze ndicara ntegereje ko dosiye yange ayinyuzamo amaso, naje kubabazwa cyane nuko uwo mugore yavuze ko nkiri muto ndetse nta bunararibonye ndagira mu ishoramari, bityo ngo ntiyagombaga kwishyira mukaga kuri njyewe. Bakimara kunyima amafaranga nasubiye inyuma, namaze amezi ane nkonje cyane kuko ntagiraga naho nkorera, gusa ibyo byose sinacitse intege ahubwo nakomeje kurwana ku mushinga wange kugeza bikunze”

Nyuma yo kugura iyi nzu avuga ko agiye kuyihindura ndetse agahindura n’ibyakorerwagamo, bivuze ko niyi bank azahita ayirukana.

DRC: Abagera kuri batatu baguye mu bikorwa by’ubusahuzi

Uwitonze Léonce
-
0
DRC: Abagera kuri batatu baguye mu bikorwa by’ubusahuzi

Muri repubulika ya demokarasi ya Congo abaturage batatu bapfiriye mu gitero cyibasiye umurongo w’imodoka z’ingabo za MONUSCO, byabereye ahitwa Munigi ni nko muri kilometero 7 uvuye mu mujyi wa Goma mu majyaruguru yawo.

MONUSCO yo ivuga ko abaturage bafunze umuhanda imodoka zabo zari ziri kunyuramo zivuye kiwanja, maze batambikamo amabuye manini cyane, zikihagera batangiye kuzitwika dore ko enye murizo zakongotse. Si ugutwika gusa kuko abaturage bahise bigabiza ibintu byari biri murizo modoka maze batangira kubisahura, ari nako ingabo za MONUSCO zigerageza kubirinda, uko gutana mu mitwe kwatumye izo ngabo zirasa amasasu ya nyayo maze abagera kuri batatu bahasiga ubuzima.

Monusco ivuga ko izo modoka zari zivuye gushyira ubufasha abavuye mu byabo ndetse zikaba zari zigarutse I Goma, muri aka gace kandi twabibutsa ko hamaze iminsi haba imyigaragambyo yamagana ingabo z’umuryango wa Africa y’uburasirazuba zitwa EACRF ndetse niza ONU zitwa MONUSCO, bashinja izi ngabo kunanirwa kugarura amahoro kandi aricyo cyabazanye. Goma hamaze iminsi haba imyigaragambyo ariko ivanze no gusenya ndetse no gusahura aho umutwe wa M23 ushimangira ko ibi bikorwa byibasiye gusa ibikorwa by’abatutsi b’abanye-Congo.

Ese waba uri Goma cyangwa hafi yaho ngo udusangize uko byifashe?

AFRICA: Ibihugu bibiri bigiye kwihuza bibe igihugu kimwe

Uwitonze Léonce
-
0
AFRICA: Ibihugu bibiri bigiye kwihuza bibe igihugu kimwe

Ubwo minisitiri w’intebe wa Burkina Faso yasuraga igihugu cya Mali baturanye yatanze igitekerezo cyuko ibi bihugu byakwihuriza hamwe bikaba igihugu kimwe (federation) ibi ngo bikazabafasha kuzamura igihagararo cy’ubukungu bw’ibi bihugu butari hejuru cyane.

Ibi bihugu uko ari bibiri bihuriye ku ngingo nyinshi zirimo kuba byombi bihanganye n’ibyihebe byaba Jihadistes ndetse byose bikaba biyoborwa n’abakuru b’ibihugu bafashe ubutegetsi ku ngufu kuko babanje guhirika abayoboraga ibi bihugu, sibyo gusa kuko ibi bihugu biherutse no kwitandukanya n’Ubufaransa bwahoze bubikolonije byombi.

Apollinaire Kyelem de Tambela minisitiri w’intebe wa Burkina Faso ati: “twakwihuza tugakora igihugu kimwe kuburyo dufashanya mu mpande zose kandi ibyo bigakorwa hubahirijwe uburenganzira n’icyubahiro bya buri ruhande. Uyu mugabo avuga ko ibi bihugu uko ari bibiri kandi byombi bihuriye ku kuba bitunze imitungo inyuranye irimo ipamba ryinshi, ubworozi bwo kurwego rwo hejuru ndetse n’amabuye ya zahabu. Avuga ko mu gihe buri gihugu kizakomeza gukora cyonyine iyi mitungo ntacyo izabamarira kuko ijambo bafite ku isoko mpuzamahanga ritakumvikana byoroshye.

Ariko ashimangira ko mu gihe bakwihuza bakaba igihugu kimwe, bahuza umusaruro kuburyo bagurishiriza hamwe ndetse n’ijwi ryabo rikagira imbaraga. Si ubwa mbere ibihugu byo mu burengerazuba bwa Africa byashatse gukora federation ariko nta narimwe byakunze. Ibi bihugu uko ari bibiri byombi nta na kimwe gikora ku Nyanja, bibarirwa kandi ku rutonde rw’ibikennye ku isi ndetse ntabwo byigeze bigira amahoro asesuye kuva byabona ubwigenge muri za 60.

DR CONGO Yateye utwatsi amasezerano ya Bujumbura, yongera gushimangira ko itazaganira na M23.

Uwitonze Léonce
-
0
DR CONGO Yateye utwatsi amasezerano ya Bujumbura, yongera gushimangira ko itazaganira na M23.

Umuvugizi wa leta congo Patrick Muyaya yatangaje ko batazigera baganira n’umutwe wa M23 mu gihe itarakurikiza ibyo yasabwe mu masezerano ya Luanda. Yakomeje kandi abwira abanyamakuru ko mu nama yabereye I Bujumbura mu cyumweru gishize nta nyandiko iyariyo yose perezida wa Congo yigeze asinya, ko bo icyo bemera gusa ari amasezerano ya Luanda.

Ibi abivuze mu gihe benshi bari biteze ko iyi nama yabereye Bujumbura mu Burundi igahuza abakuru b’ibihugu byose bya EAC hari imyanzuro mishya yaba yaratanze. Kuri uyu wa mbere twasoje ibintu byongeye gusubira irudubi kuko imirwano ikaze yongeye gukomeza hagati ya M23 na leta ya Congo muri kilometero 25 muburengerazuba bwa Goma. Ni mugihe I Goma rwa gati hari hari kuba imyigaragambyo ikaze yamagana ingabo za EAC bazishinja ko zitari guhangana na M23 kandi aricyo cyabazanye.

Iyi myigaragambyo yabayemo ubusahuzi bukomeye yasize hari abapfuye bari muribyo bikorwa byibasiye cyane ubucuruzi nibindi bikorwa by’abavuga ikinyarwanda. Ubwo Muyaya yabazwaga niba hari icyizere bafitiye ingabo za EAC yavuze ko atakwemeza niba gihari cyangwa nta gihari ati: “baje bafite inshingano yo gutera (bakarwana) nanubu ntibarabikora, uburakari bw’abatuye Goma bufite ishingiro rero”

 

1...383940...56Page 39 of 56

Ikinyamakuru gikorera mu Rwanda mu mujyi wa Kigali, Kigamije kukugezaho amakuru yose agezweho hirya no hino ku isi mu kinyarwanda

Twandikire: pamakiopress@gmail.com

© Copyright - PamakioPress