Ubusanzwe iyo bavuze umwuga wo kwicuruza (uburaya) usanga benshi bahita bumva abakobwa bahagaze ku muhanda bategereje abagabo ngo baze bacaguremo uwo bashaka bagende baryamane maze umugabo yishyure birangirire aho. Gusa ibi siko bikimeze muriyi isi ya none kuko ibintu byahinduye isura.

Uburaya bwavuye mu bakobwa no mu bagore bwambukiranya no mu basore n’abagabo, si kenshi cyane ushobora kumva abasore bahagaze ku mihanda bigurisha ahubwo ibi bikorwa mu buryo bushya aho usanga abasore b’abanya Africa bigurisha ku bacyecuru b’abanyamahanga cyane cyane abazungu, ibi kandi ntibirangirira ku basore gusa kuko n’inkumi zo muri Africa zahurumbiye abasaza b’abazungu cyane ndetse benshi byamaze kubakiza.

Ibihugu nka Kenya na Gambia ku mugabane wa Africa byamaze kuba ikimenyabose ku isi, ariko cyane cyane muri ibi bihugu usanga abacyecuru b’abazungu baza kuhashaka abasore umuntu yakwita imashini z’imibonano mpuzabitsina. Icyakora nubwo tuvuze ibyo bihugu sibyo byonyine kuko ibihugu hafi ya byose bya Africa yirabura byamaze kwandura iyi virusi yo kwicuruza mu bazungu bageze mu zabukuru.

Kuki abazungu bakuzwe n’abany’ Africa bakiri bato? 

Nkuko bisanzwe abanyafrica benshi usanga bibwira ko abazungu bagira amafaranga menshi, ibi ninako bikunda kugenda cyane kuko abazungu benshi batemberera muri Africa bahasiga amafaranga menshi. Bitewe nuko mu bihugu by’uburayi na America kenshi usanga higanje imico inyuranye irimo ubutinganyi bukabije ndetse na za gatanya za hato na hato, imibonano mpuzabitsina cyane cyane mu bakuze usanga ari inzozi kuribo kuko bigorana ko babona uwo bayikorana. Ku mugabane wa Africa rero aho usanga urubyiruko rwinshi rutagira icyo rukora abenshi kubabwira ibyerekeye imibonano mpuzabitsina uba ubashyize igorora, noneho byakwiyongeraho ko harimo n’amafaranga biba byamaze koroha kwigarurira urubyiruko rwa Africa. Uko umuzungu cyangwa umuzungukazi rero aje akabona ibyishimo yari yarabuze iwabo, arushaho kugenda abyamamaza mubo yasize bityo nabo bagahita bagira amatsiko yo kuza gushaka ibyo byishimo baba bamaze igihe barabuze.

Uku rero niko akazi ko kwigurisha kaje guhinduka umwuga ukomeye kuri bamwe ndetse bakaza no kurenga imipaka kugeza naho ibihugu bimwe na bimwe byabaye kimenyabose ku isi, nk’ibifite abasore n’abakobwa biteguye kugurisha imibiri yabo ariko bakabona amafaranga mu buryo bwose.

Uyu mugabo witwa Simon Ndungu w’imyaka 28 asanzwe ari umushoferi akaba akomoka Nakuru muri Kenya, kuri ubu yatunguwe no kuba yujuje abana batandatu kandi akiri muto cyane.

Ibi byabaye nyuma yuko umugore we w’imyaka 25 witwa Margaret Wairimu yabyaye impanga z’abana batanu barimo abakobwa bane n’umuhungu umwe, bikaba byarabaye kuri uyu wa kabiri mu masaha y’ijoro. Uyu mugore ngo yari yajyanye ku bitaro ameze nabi cyane maze abaganga baza kubona ko inzira yoroshye ari ukumubaga kugira ngo abyare byoroshye, umuganga wamubyaje avuga ko iyo bataza kumubaga hakiri kare yashoboraga kuhahurira n’ikibazo cyangwa se abana bakabigenderamo.

Aba bana bose uko ari batanu bahise bashyirwa mu mashini igomba kubarera kuko umuganga yemeza ko bavutse igihe kitaragera, ndetse ngo bimwe mu bice by’imibiri yabo ntibiramera neza. Ubusanzwe mwene izi mashini zifasha umwana wavutse igihe kitageze gukomeza kubaho nkaho akiri mu nda, bituma rero nta ndwara zimwibasira ndetse n’imikurire igakomeza kumera nkuko byari biri akiri mu nda, umwana rero agumamo kugeza igihe cyanyacyo yari kuvukira kigeze.

Umugabo w’uyu mugore bwana Simon avuga ko atari yiteze ibi bintu, avuga ko umwana wabo mukuru afite imyaka ine, bityo yumvaga agiye kugira abana babiri, ariko akaba yatunguwe nuko hahise haza abana batanu icyarimwe akaba abaye se w’abana batandatu ku myaka ye 28 gusa. Umugabo ati: “ndashimira Imana ko yongeye kungira umubyeyi, hari abantu benshi baba bifuza urubyaro ariko ntibikunde kubera impamvu zitandukanye. Usanga bamwe bahitamo kwiba abana b’abandi cyangwa abandi bakajya mu bapfumu kubera urubyaro ariko njyewe Imana yarumpaye ntacyo ntanze”

Yakomeje agira ati: “ndisabira abantu bafite ineza ku mitima yabo ndetse n’ubuyobozi bwa leta mu gace kacu ko buri wese ubishoboye yazampa ubufasha nkabasha gukuza aba bana batanu Imana yangeneye, ndabizi neza ko ntabonye ubufasha bw’abagiraneza bitazanyorohera kubarera bagakura”

Uyu mugabo ashimangira ko ubwo bajyaga kwisuzumisha n’umugore we imashini yerekanaga ko afite abana batatu, ibi bivuze ko kuva muntangiriro uyu mugabo yiteguraga abana batatu aho kuba batanu, gusa avuga ko nubwo bitamworoheye ariko nanone yishimiye urubyaro rwe rushya.

Wabyifatamo ute ubyaye batanu icyarimwe.

Uyu munya Kenya wamenyekanye cyane ku mbuga zinyuranye nka tiktok yitwa Kelvin Kinuthia aherutse kuvuga ko kimwe mu bintu bimutera ishema ari ikibuno cye, uyu abishingira ku kuba mu buzima bwe bwose, ikibuno cye ngo aricyo kimaze kumwinjiriza agatubutse kurusha ikindi gice cy’umubiri icyaricyo cyose.

Kinuthia ukomoka muri Kenya ubwo yaganiraga n’ikinyamakuru Mpasho, umunyamakuru yamubajije igice cy’umubiri yemera kurusha ibindi. Nta kuzuyaza yahise avuga ati: “ntekereza ko nkunda ikibuno cyane kurusha ibindi byose, iki kibuno cyanyubakiye izina ndetse kinyinjiriza n’amafaranga menshi” uyu usanzwe yamamaza imyambaro y’abagore ndetse nibindi bikoresho bakoresha bashakisha ubwiza, avuga ko azakomeza aka kazi ke kuko agakunda cyane.

Wumvise yirata ikibuno wagira ngo ni umugore nyamara ahubwo ubusanzwe ni umugabo, gusa uyu nubwo afite igitsina cy’abagabo ku giti cye yitwara nk’umugore ndetse usanga yambaye imisatsi y’abagore, inzara ndetse akisiga nkibyo abagore bisiga na cyane cyane ko yamamaza imyambaro y’abagore ariko by’umwihariko uyu akaba ari umutinganyi. Kumurika imideli ndetse no kwamamaza imyambaro ni umurimo wakomeje kugarukwaho cyane nk’umwe mu yifashishwa mu kwamamaza ubutinganyi ku isi.

Uyu Kinuthia rero atangaza abantu cyane iyo ashimangiye ko afite ikibuno kimwinjiriza amafaranga menshi, kandi ubusanzwe ibi bizwi ku gitsina gore.

Uyu mugabo witwa Bill Morgan ubuzima bwe bwuzuye amahirwe atandukanye ndetse avanze nibyago, ariko inkuru ye nuyumva uraza gutangara cyane.

Uyu mugabo ubuzima bwe ku isi bwari kuba bwararangiye mu kwa gatandatu 1998, kandi koko uyu mugabo yarapfuye gusa yavuye mu buzima mu gihe cy’iminota 14, kubw’amahirwe abaganga bakoze ibishoboka bamugarura mu buzima. Ibi ni nyuma yuko Morgan yari afite uburwayi bukomeye bw’umutima ndetse bwaje no gutuma amara iminsi 14 muri koma (coma). Uyu mugabo nyuma yiyi minota 14 apfuye yaje kugaruka mu buzima ndetse kuva ubwo yahise ahabwa akazina k’igitangaza cy’abaganga.

Hashize igihe uyu azutse yakomeje kwiberaho ubuzima busanzwe maze umunsi umwe ubwo yari ari kwishimira ko yongeye kubaho, uyu yagiye muri tombola agura itike bashishura maze bagatombora, uyu akimara gushishura ikarita yahise atombora imodoka yo mu bwoko bwa Toyota Corolla ifite agaciro k’ibihumbi 30 by’amadolari (arenga miliyoni 30 rwf). Ibi rero byatumye abanyamakuru bahurura umugabo aza kuba ikimenyabose. Kuva ubwo itangazamakuru ryose ryahise rimwerekezaho camera ndetse amenyekana ku isi hose.

Bidatinze uyu mugabo yaje kugaruka ku makuru cyane ubwo yatangaza ko yongeye gutombora bikino maze akaza gutombora ibihumbi 250 by’amadolari muri kasha (arenga miliyoni 250 rwf). Uyu mugabo mu byishimo byinshi yaragize ati: “mfite impungenge ko umutima ushobora kongera kumfata, kubera ibyishimo byinshi byuzuye no gutungurwa”

Morgan kuri ubu ufite imyaka 59 avuga ko ubuzima bwe yahuye n’amahirwe atagirwa n’abantu benshi ariko ashimangira ko nanubu akijya muri tombola nubwo burigihe atariko amahirwe amusekera.

Wowe waba warigeze ujya gutombora na rimwe?

Uyu muhungu w’imyaka 15 yisanze yakoze urugendo runini cyane muburyo atari yiteze, uyu yavuye muri Bangladesh yisanga muri Malaysia nyuma yuko we na bagenzi be bari bari gukina umukino wo kwihishanya (ibi bizwi nka hide and seek).

Nk’ibisanzwe muri uyu mukino umuhanga cyane mu kwihisha aba azi neza ko kubona ahantu yihisha kuburyo batari bumubone arirwo rufunguzo rutuma atsinda umukino. Uyu mwana w’imyaka 15 rero ubwo yari ari gukina yagiye kwihisha ahantu azi neza ko ntawuri bumubone. Uyu akimara kubona kontineri (container) itarimo ikintu na kimwe yahise yinjiramo ajya kwihisha.

Uyu mwana yagiye kwihisha ariko ikintu atari yamenye nuko iyo kontineri yari iri ku murongo w’izigomba gupakirwa zikajyanwa ndetse umwana akimara kwinjiramo kontineri yahise ipakirwa ariko umwana ntiyamenya ibijya mbere. Icyo atari azi ni uko iyo kontineri yari ijyanywe mu rugendo ruzamara iminsi itandatu ndetse ikambutswa umupaka. Nyuma y’iminsi itandatu umuzigo warashyize ugera ahujyanywe ndetse wa mwana aza kwisanga ku cyambu cya Klang muri Malaysia, uwo mwana ubwo abashinzwe icyambu bamubonaga baratunguwe cyane.

Iyi kontineri yahagurutse muri Bangladesh kuwa 11 Mutarama ndetse yageze muri Malaysia kuri 17 Mutarama, uyu mwana witwa Fahim yafungiranywe muri kontineri nta kintu na kimwe cyo kurya afite ndetse yagiye asakuza asaba ubufasha ariko ntiyagira umutabara kugera umuzigo ugeze aho ujya. Kugira ngo bamubone nabwo nuko umwe mu bakora ku cyambu yumvise ikintu gikomanga kuri imwe muri kontineri bari bazanye maze bihutira gufungura ngo barebe ikirimo.

Abari aho bose batunguwe ariko nanone bababazwa no gusanga ari akana kakiri gato, katabashaga kuvuga bitewe no gucika intege, aka kana katabashaga kuvuga ururimi rw’igihugu kari kagezemo bahise bagakuramo bwangu kugira ngo gahabwe ubutabazi. Police ya Malaysia ikimara kubona uwo mwana babanje gukeka ko uwo mwana ashobora kuba yazanywe nabagizi ba nabi bashakaga kumugurisha ariko iperereza ryaje gusanga ntaho bihuriye nigurishwa ry’abantu ahubwo byabaye ku mpanuka.

Uyu mwana nyuma yo kwitabwaho n’abaganga bivugwa ko hari gutegurwa uburyo yasubizwa iwabo ariko noneho bitanyuze muri kontineri ahubwo agacyurwa mu ndege. Uyu mwana ngo akimara kugera muri kontineri ari kwihishanya na bagenzi be ngo yahise asinzira niko kujyanwa mu buryo atazi. Icyakora abaganga bemeza ko ameze neza ndetse ntabundi burwayi bamusanganye.