spot_img
Ahabanza Blog Page 42

Harakurikiraho iki nyuma yuko Dr Congo yongeye kuvogera ikirere cy’u Rwanda?

Uwitonze Léonce
-
0
Harakurikiraho iki nyuma yuko Dr Congo yongeye kuvogera ikirere cy’u Rwanda?

Ku mugoroba wo kuri uyu wa kabiri tariki ya 24 Mutarama ahagana saa kumi nimwe indege y’igisirikare cya Congo Sukhoi Su-25 yongeye kwambuka umupaka igera mu kirere cy’u Rwanda idahawe uruhushya, icyakora ntibyayiguye amahoro kuko ingabo z’u Rwanda zahise ziyikorera mu ngata ziyirasaho ihita isubira muri congo yaka umuriro, amashusho yaje kugaragara nyuma yerekanye bari kuyimenaho ibisa n’amazi ku kibuga cy’indege cya Goma.

Nyuma yaho igisirikare cy’u Rwanda cyahise gisohora itangazo ryemeza ko Congo yongeye kuvogera ikirere cy’u Rwanda ndetse ko igomba guhagarika ubwo bushotoranyi bukomeje kuva mu mpera z’umwaka ushize dore ko ari inshuro ya gatatu indege ya Congo yambutse umupaka ikinjira mu Rwanda.

Ku rundi ruhande kandi naho ntabwo bemera ko indege yabo yarashwe yariri mu Rwanda, ahubwo nabo bavuga ko u Rwanda rwarashe ku butaka bwa Congo, bitewe nuko indege itigeze yambuka ahubwo yarasiwe mu kirere cyabo. Mu itangazo leta ya congo yasohoye rivuga ko yamaganye ingabo z’u Rwanda zarashe indege yaririmo yururuka ngo igwe ku kibuga cy’indege cya Goma kandi ko yari irimo igurukira mu kirere cya Congo. Leta ya Congo nayo ikaba yavuze ko ibi ari ubushotoranyi.

Leta ya Congo iti: “leta nubwo ikomeje kubahiriza inzira z’amahoro, ifite uburenganzira bwo kurinda ubutaka bwayo kandi ntabwo izabireka gutyo”

Ese ibihugu byombi nibikomeza kwitana ba mwana biraza kuganisha he?

MAKERERE: Umunyeshuri ari kugurisha amavuta adasanzwe afasha abanyeshuri gutsinda ibizami.

Uwitonze Léonce
-
0
MAKERERE: Umunyeshuri ari kugurisha amavuta adasanzwe afasha abanyeshuri gutsinda ibizami.

Umunyeshuri wiga mu mwaka wa gatatu muri kaminuza ya Makerere muri Uganda, yakoze agashya maze atangira kugurisha amavuta avuga ko abazayagura bizabafasha gutsinda ibizamini bisoza igihembwe, ndetse bakaba barabitangiye.

Uyu munyeshuri wiga mu ishami rya politike utatangajwe izina akaba yatangaje ko aya mavuga ayagurisha ibihumbi 20 by’amashilingi ya Uganda (hafi ibihumbi 7000 rwf), uyaguze bayamusiga ku gahanga maze bigatuma ahita agira ubwenge bw’ikirenga.

Umwe mu banyeshuri wayaguze yagize ati: “njye mumpe ijerekani yuzuye yaya mavuta, bitewe nuko mu mutwe wange ntakintu kirimo nkeneye amavuta menshi ngo anzanire ubwenge bwinshi, niyo mpamvu natumije ijerekani yuzuye”

Kurundi ruhande ariko abanyeshuri bagiriwe inama yo kudaha agaciro ibi kuko gutsinda ibizamini bidashingira ku kwisiga amavuta ahubwo byose bituruka ku gukurikira amasomo ndetse no kuyasubira kenshi bityo ugafata byinshi. Cyane cyane ku rwego rwa kaminuza biba bisaba ko abanyeshuri bishyira hamwe bagasobanurirana bityo uwumva byinshi akabisangiza n’abandi kurusha uko umunyeshuri yakwiringira ko azatsinda biturutse ku kwisiga amavuta.

UGANDA: Abafana ba Arsenal batawe muri yombi bazira kwishimira intsinzi.

Uwitonze Léonce
-
0
UGANDA: Abafana ba Arsenal batawe muri yombi bazira kwishimira intsinzi.

Mu mujyi wa jinja muri Uganda abafana umunani ba Arsenal batawe muri yombi bashinjwa kwishimira intsinzi iyo kipe yabo yakuye kuri Manchester United. Ni mu mukino wabaye ku cyumweru maze iyi kipe ya Gunners iza gutsinda Manchester United ibitego 3-2 bituma inakomeza kuyobora shampiona y’Ubwongereza.

Aba bafana rero bamaze kubona intsinze yikipe yabo, bukeye bihaye imihanda maze bajya kwishimira intsinzi bikomeye, aba bafashe umurongo w’imodoka (convoy) eshanu maze bajya kwishimira intsinzi umujyi wose. Bidatinze aba bahise batabwa muri yombi na police, umwe muri aba bafashwe yari yitwaje igikombe gisobanura ko ikipe yabo iri murugendo rwo kugitwara.

Police ivuga ko aba bafana bateguye ibirori byo kwishimira iyi ntsinzi muburyo butazwi bityo ko ibi birori bitari byemewe ari nayo mpamvu batawe muri yombi. Muri Uganda haba abafana bakomeye baya makipe yo mu Bwongereza ahusanga cyane hari uguhangana gukomeye kwabafana ba Manchester United na Arsenal. Subwa mbere kandi humvikanye inkuru zidasanzwe zigendanye no gufana aya makipe kuko hanagiye hasohoka amakuru mubihe binyuranye y’abafana biyahuye kubera amakipe yabo yatsinzwe.

Bitunguranye Bamporiki Edouard yamaze kugezwa muri gereza i Mageragere.

Uwitonze Léonce
-
0
Bitunguranye Bamporiki Edouard yamaze kugezwa muri gereza i Mageragere.

Ni inkuru ishobora kuba itunguranye mu matwi ya bamwe ariko nanone ni cyo cyagombaga gukurikira kuri uyu munyacyubahiro wari umaze iminsi ari mu rubanza kuva mu mwaka ushize.

Bamporiki Edouard wahoze ari umunyamabanga wa leta muri minisiteri y’umuco yahagaritswe ku kazi na perezida wa repubulika mukwezi kwa gatanu umwaka ushize, icyo gihe byatangiye guhwihwiswa ko yaba yarijanditse mu bikorwa bya ruswa ariko ntawari wakamenye ibyaha nyakuri akurikiranyweho. Byaje gutinda urwego rw’ubugenzacyaha mu Rwanda rutangaza ko koko Bamporiki akurikiranyweho ruswa ndetse ko dosiye ye yagejejwe mu bushinjacyaha.

Urubanza rwarabaye ndetse icyo gihe ibyaha bya ruswa bikurwaho ariko ahamwa nibyaha by’uburiganya ndetse no kwihesha ikintu cyundi, yahamwe kandi no gukoresha ububasha afite mu nyungu ze bwite, ibi rero byatumye ahanishwa igifungo cy’imyaka 4 n’ihazabu na miliyoni 60, iki gihano nticyanyuze Bamporiki ndetse byatumye ajurira. Ni ubujurire bwategerejwe na benshi kuko hari benshi batiyumvishaga ko uyu Bamporiki ashobora gufungwa bitewe nuko yakundaga kwigaragaza ko ari ntamakemwa ndetse agakunda kujora abakoze ibyaha cyane.

Kuri uyu wa mbere tariki ya 23 Mutarama 2023 urukiko rukuru narwo rwemeje ko Bamporiki nubundi ahamwa nibyo byaha twavuze haruguru ndetse rumuhanisha gufungwa imyaka itanu ndetse no gutanga ihazabu ya miliyoni 30.

Photo of IGIHE

Amakuru dukesha igihe aravuga ko urwego rw’ubugenzacyaha (RIB) rwemeje ko Bamporiki Edouard yamaze kugezwa muri gereza ya Mageragere kugira ngo arangize igihano cye nkuko amategeko abiteganya.

Uyu mugabo udasanzwe abakiliya be banze kumwishyura abateza inzoka.

Uwitonze Léonce
-
0
Uyu mugabo udasanzwe abakiliya be banze kumwishyura abateza inzoka.

Mu bihugu by’uburayi na America usanga haba imirimo myinshi itaba inaha muri Africa, nkubu hari abantu bazwiho gufata inzoka akaba ariko kazi kabo ka buri munsi ndetse kakabinjiriza menshi, mwene aba babita snake catcher. Aba bantu rero iyo bagukoreye mwene aka kazi uba ukwiye kubishyura utaruhanyije kuko kubambura nicyo gitekerezo cyibi cyane waba ugize mu buzima bwawe.

Ni nako byagenze kuri uyu mugabo witwa Colin Shoemark wo muri Australia watangiye gufata inzoka akiri umwana muto cyane ariko akaba yaratangiye uyu murimo muburyo bwa kinyamwuga muri 2016. Uyu rero aherutse kujya gufatira umuntu inzoka, maze umukiliya we arangije yanga kwishyura. Colin ati: “nafashe inzoka ya metero zirenga ebyiri yariri mu gikoni cye maze nyishyira mugikapu cyange, amaze kubona mbisoje atangira kwivugisha ngo byagakwiye kuba ari ubuntu, ngo cyangwa ikaba ariyo yishyura, yaje kwerura ati sinkwishyura”

Colin amaze kubwirwa ko atari bwishyurwe yahise afata ya nzoka ayirekurira hasi, maze wa mukiliya agira ubwoba bukomeye cyane. Atangiye kumubaza ibyo ari gukora colin ati: “nutanyishyura ndayita hano nigendere” umuturage yakangishije guhamagara police colin nawe ati ngaho yihamagare.

Ubusanzwe uyu murimo wo gufata inzoka sikintu cyoroshye, ndetse bisaba umutima ukomeye. Ahanini biterwa nuko inzoka ari inyamaswa abantu batinya cyane.

Polisi yo mu muhanda yahannye minisitiri w’intebe azira kutambara umukandara atwaye.

Uwitonze Léonce
-
0
Polisi yo mu muhanda yahannye minisitiri w’intebe azira kutambara umukandara atwaye.

Ubusanzwe usanga umuntu uri ku rwego rwa minisitiri w’intebe abarirwa mu rwego rw’abanyacyubahiro, kuburyo usanga hari igitinyiro aba afite yaba mubantu ndetse no mu rwego rw’amategeko. Nyamara ibi siko biri mu gihugu cy’Ubwongereza kuko niyo waba uri umunyacyubahiro kajana iyo ukoze ikosa muzindi nzego baraguhana ntakabuza.

Ministiri w’intebe w’Ubwongereza Rishi Sunak yahanwe na polisi yo mu muhanda imuziza gutwara imodoka atambaye umukandara (seatbelt) mu gihe yari ari gukora amashusho yo gushyira ku mbuga nkoranyambaga. Uyu mugabo ubwo yari ari kuzenguruka imwe mu mijyi itatu mu majyaruguru y’Ubwongereza yaje gushyira video kuri Instagram ikangurira abantu kurwanya ubusumbane. Uyu ari muri gahunda yo gukuraho ubusumbane bushingiye ku karere umuntu akomokamo.

Uyu mugabo rero nubwo imodoka ye yagendaga gacye ntibyabujije ko ahanirwa gutwara kuba yarari mu modoka igenda atambaye umukandara, ubusanzwe umuntu utambaye umukandara mu Bwongereza ahanishwa gutanga amapawundi 100 cyangwa 123, ariko aya ashobora kwiyongera akaba 500 cyangwa 620 iyo ikirego cye cyajyanywe mu rukiko.

Icyakora ikirego cya Sunak ntibyitezwe ko kizajyanwa mu rukiko bityo akaba agomba kwishyura amapawundi 100 cyangwa 123.

Uyu mugore ufite ubwanwa buruta ubw’abagabo akomeje gutangaza isi. Irebere amafoto

Uwitonze Léonce
-
0
Uyu mugore ufite ubwanwa buruta ubw’abagabo akomeje gutangaza isi. Irebere amafoto

Ubusanzwe igitsina gore kimenyereweho kugira isura itagira akantu na kamwe kitambitsemo (ubwoya/umusatsi). Iyo tuvuze ubwanwa akenshi buri wese ahita yumva abagabo nubwo atari bose babugira ndetse n’ababufite bukaba butari kurugero rumwe.

Gusa hari abagore bamwe batandukanye nibyo tuvuga ahubwo bo ugasanga bafite ubwanwa bwinshi cyane yaba hasi no hejuru y’umunwa (beard and moustache). Nyamara igiteye inkeke kurushaho aba bagore bagira ubwanwa bwinshi cyane mugihe hari abagabo bahanganye no gukora ibishoboka byose ngo bazane ubwanwa niyo bwaba bucye, ugasanga bafite amoko menshi y’imiti bisiga iyindi bakayinywa kugira ngo barebe ko hari na ducye bashobora kuzana.

Hari abagore benshi bagiye bamenyekana bafite ubwanwa gusa kuriyi nshuro tugiye kurebera hamwe uwitwa Rose Geil, ufatwa nkaho ariwe mugore wa mbere ufite ubwanwa bwinshi ku isi. Rose Geil kuri ubu afite imyaka 43, ndetse akaba akomoka mu mujyi wa Oregon muri leta zunze ubumwe za America. Uyu ntateye nk’aba bakobwa/abagore bose usanzwe uzi cyangwa wigeze gutereta.

Uyu Rose afite ubwanwa bwinshi cyane kugeza naho yazanye nubwo hejuru y’umunwa ndetse bugahura nubwo hasi byose bikazamuka bigahura n’umusatsi. Ku myaka 13 gusa ubwo yari ageze mu gihe cy’ubwangavu ngo nibwo yatangiye kumera n’ubwanwa. Uyu akimara kubibona yagerageje kujya abwogosha kugira ngo hatazagira ubona ko afite ubwanwa kandi ari umukobwa, nyamara uko yogoshaga niko bwarushagaho gusara, kugeza ubwo ku myaka 20 yabonye nta garuriro agahitamo kubureka ndetse agashimishwa no kuba abufite.

Yaba umuhungu bakundanaga, inshuti ze cyangwa ababyeyi be ntanumwe wari wakamenya ko afite ubwanwa kuko yarabibahishaga, gusa kuri ubu yemeye guhebera urwaje ndetse ashimishwa n’imiterere ye, ntagifata umwanya wo guhisha uko ateye ahubwo asigaye abureka bugakura kuburyo utapfa kumenya ko ari umugore.

Ikibazo asigaranye nicyo kugenda yisobanura ko atari umugabo kuko benshi bamwitiranya n’umugabo ariko we agasigara akumvisha ukuntu ari umugore.

Ishusho ya Lionel Messi yabonetse mu murima w’ibigori ikomeje gutangaza benshi. Irebere nawe.

Uwitonze Léonce
-
0
Ishusho ya Lionel Messi yabonetse mu murima w’ibigori ikomeje gutangaza benshi. Irebere nawe.

Iyi shusho ya Lionel Messi yakozwe mu murima w’ibigori ariko ni ubuhanga bukomeye cyane kuko byakozwe ibigori bari kubitera, maze babikora mu buryo nibimara kumera bizazamuka mu ishusho ya Lionel Messi. Ni ishusho yasohotse kuwa 15/01/2023 ikaba yarafatiwe mu gace ka Los Condores mu mujyi wa Cordoba muri Argentine.

Iyi shusho ije yiyongera kubindi byinshi bimaze iminsi byibanda kuri Messi cyane cyane iwabo muri Argentine nyuma yo kwegukana igikombe cy’isi, abantu benshi cyane biyanditseho amazina ye abandi bishushanyaho ishusho ye, sibyo gusa kandi kuko ibikuta byinshi mu mijyi igiye itandukanye byagiye bishushanywaho uyu mugabo ufatwa nkaho ariwe uharariye abandi mu mateka y’umupira w’amaguru. None bivuye aho hose bigeze mu mirima irimo ibihingwa ubu iyo shusho ye ibonwa neza n’umuntu uri mu ndege cyangwa se hakoreshejwe ikoranabuhanga rya drone.

Uyu murima bivugwa ko mbere yo kuwushyiramo iyi mbuto y’ibigori babanje gukora imibare itunganyije neza babanza kureba aho buri rubuto bazarutera kuburyo zose nizimera zizakora ishusho igaragara neza ya Lionel Messi ndetse n’ubwanwa bwe bwinshi cyane. Nyir’uyu murima witwa Maximiliano Spinazze avuga ko kuriwe Messi ari ntasimburwa ndetse ari umwe rukumbi ku isi, uyu avuga ko ibi yabikoze ngo akomeze kwishimira igikombe Messi yabahesheje nyuma y’imyaka 36 bagitegereje.

Uyu musaza ati: “kuri ubu batuzaniye igikombe cy’isi, byaranejeje cyane ndetse nshimishwa nuko nabigaragaje mbinyujije mu buhinzi nkoramo”

 

Uyu mukinnyi w’imyaka 40 avuga ko akiri isugi kuko atigeze abona igihe cyo gukundana.

Uwitonze Léonce
-
0
Uyu mukinnyi w’imyaka 40 avuga ko akiri isugi kuko atigeze abona igihe cyo gukundana.

Ubusanzwe uyu mukobwa Lolo Jones ni umukinnyi kabuhariwe mu mikino ngororamubiri, by’umwihariko amaze kwegukana ibihembo 14 ndetse azwi cyane mu mikino olympique. Icyakora burya ngo ntawuhirwa na byose, nubwo yakoze byinshi mu mikino iby’urukundo rwe ntabwo byagenze neza kuko ubuzima bwe bwose yabuhariye umwuga. Kuva yaje kwiva imuzi muruhame atangaza ko noneho ari gushakisha umukunzi ndetse ko ku myaka ye 40 akiri isugi.

Uyu mukobwa ukomoka muri leta ya IOWA muri Amerika asanzwe ari umukristu ukomeye cyane ndetse agakunda n’umwuga we, uyu avuga ko ubuzima bwe bwose yari yaravuze ko azategereza agashyingirwa akabona gukora imibonano mpuzabitsina ku nshuro ya mbere. Icyakora kuri ubu aribaza niba icyemezo cye yafashe kitazamugiraho ingaruka mubuzima bwe bwose bw’urukundo ahanini bitewe n’imyaka ndetse no kuba agikomeje gushaka umukunzi ariko ataramubona.

Uyu mukobwa atangaza ibi bwa mbere hari muri 2012 ubwo yari agiye mu mikino olempike mu Bwongereza, uyu yavugaga ko akiri isugi ndetse ko azakomeza kuba yo bitewe nuko ubusugi bwe yabubikiye umugabo umwe rukumbi bazabana muburyo bwemewe ndetse ariyo mpano ikomeye yumva azagenera uwo mugabo bazabana. kuva ubwo yakomeje gushaka umukunzi ariko buri umwe bahuye akamubera ikigusha bigatuma batandukana. Uyu avuga ko benshi mubo bahuye bashakaga kumwambura ubusugi bwe nyamara we ataribyo yashakaga.

Nkubu avuga ko mu mwaka ushize gusa yatandukanye na batatu bose bashaka kurenga umurongo, ariko bikaza kurangira abananiye. Ese waba witeguye kwibanira n’uyu mukobwa ngo nawe ugerageze amahirwe.

Uburusiya buravuga ko bumaze gutegura ibisasu byayo bya kirimbuzi, Ku buryo bibaye ngombwa byaraswa.

Uwitonze Léonce
-
0
Uburusiya buravuga ko bumaze gutegura ibisasu byayo bya kirimbuzi, Ku buryo bibaye ngombwa byaraswa.

Uwahoze ari perezida w’uburusiya Dmitry Medvedev ndetse akaba n’inshuti ikomeye ya perezida Vladimir Putin yavuze ko ibihugu byo muburengerazuba bikwiye kwitwararika bikomeye ku ntambara ya Ukraine. Yavuze ko gutsindwa k’Uburusiya muri Ukraine nta kabuza byahita bitangiza intambara kirimbuzi ya nikleyeri kandi ko azi neza ko ntawuyifuza.

Medvedev: “twese turabizi, gutsindwa mu ntambara ku gihugu gitunze ibisasu kirimbuzi, bivuze gutangiza intambara kirimbuzi nta kabuza” uyu mugabo wahoze ari perezida, yabaye na minisitiri w’intebe w’Uburusiya ndetse ubu akaba ari mu kanama ngishwanama mu by’umutekano ka perezida Putin. Ibi akaba yabyanditse ku rubuga rwa telegram rukunda gukoreshwa cyane n’abarusiya.

Yakomeje agira ati: “nta gihugu na kimwe gitunze kirimbuzi cyari cyatsindwa kurugamba” avuga ko ibihugu bya NATO ndetse nundi wese ufatanyije nabyo, bagomba gutekereza kabiri kubufasha bwose bateganya guha Ukraine dore ko kuri uyu wa gatanu nubundi bari buteranire m’Ubudage bakiga ku bufasha bushya bagomba gufashisha Ukraine. Ibiro by’umukuru w’igihugu mu Burusiya bizwi nka kremlin byasamiye hejuru aya magambo ya Medvedev bivugako ukobyamera kose Uburusiya bufite intego zabwo kandi ziri ntakuka.

Mu itegeko ry’Uburusiya, bavuga ko mugihe igihugu cyaba gisumbirijwe cyangwa bigaragara ko kubaho kw’igihugu cyabo kuri mu kangaratete, bagomba guhita bakoresha intwaro kirimbuzi mu rwego rwo kurinda ubusugire bw’igihugu. Twabibutsa ko Uburusiya ubu buhagaze kumwanya w’imbere mu bihugu bitunze intwaro nyinshi kirimbuzi aho bukurikiwe na America ndetse ibi bihugu uko ari bibiri bikaba byikubiye ibirenga 90 ku ijana by’ibisasu byose biri ku isi.

1...414243...56Page 42 of 56

Ikinyamakuru gikorera mu Rwanda mu mujyi wa Kigali, Kigamije kukugezaho amakuru yose agezweho hirya no hino ku isi mu kinyarwanda

Twandikire: pamakiopress@gmail.com

© Copyright - PamakioPress