spot_img
Ahabanza Blog Page 43

MESSI: Nyuma y’igikombe cy’isi amaso ayerekeje muri Africa.

Uwitonze Léonce
-
0
MESSI: Nyuma y’igikombe cy’isi amaso ayerekeje muri Africa.

Umukinnyi wa mbere Lionel Messi uherutse kwegukana igikombe cy’isi kuri ubu yatangiye ibikorwa byo kwifatanya n’abari mubikorwa byo gufasha abanya Ethiopia bafite ibibazo byo kutabona neza.

Mu butumwa yanditse ku mbuga ze zinyuranye, Lionel Messi usanzwe ari kapiteni wa Argentine ndetse akaba n’umukinnyi wa PSG yavuze ko anejejwe cyane nuko yashyizwe kurutonde rw’abakorana n’ikigo OrCam gisanzwe gitanga ibikoresho byunganira abafite ibibazo byo kutabona neza, kuri ubu iki kigo kikaba kigiye gutanga ibi bikoresho ku banya Ethiopia ibihumbi bafite ibibazo by’amaso.

Kutabona neza nikimwe mu bibazo by’ubuzima bikomereye abanya Ethiopia, kugeza ibi imibare igaragaza ko abantu bangana na 1.18% by’abaturage bose ba Ethiopia bafite ibibazo by’ubuhumyi. Iki kigo rero cya OrCam kivuga ko iri koranabuhanga ryabo rije gufasha benshi bafite ibibazo by’ubuhumyi, ukutabona neza cyangwa se n’abafite amaso adatuma basoma biboroheye.

 

Izi ndorerwamo (lunnettes) zizatangwa na OrCam muri Ethiopia zigezweho cyane kuko zikoranye ubuhanga bugezweho benshi bamenyereye nka AI (artificial intelligence) umuntu uyambaye atabona neza, zimufasha kureba nk’amabara y’ikintu mu bice by’amasegonda maze zikamubwira ayo mabara ayariyo, sibyo gusa kandi kuko zifasha n’umuntu gusoma muburyo bworoshye adakeneye ubundi bufasha.

Icyakora izi ndorerwamo za Orcam zizwi nka “MyEye” zirahenze cyane kuburyo atari buri wese wabasha kuyigondera mu gihe byaba bibaye ngombwa ko uyagura. Nkubu ari kugurwa amadorali ibihumbi 4000 (arenga miliyoni 4 rwf)

Yahawe ibiceri byinshi n’inyandiko zinyuranye. Dore bimwe mubyo utamenye ku ishyingurwa rya Papa Benedict XVI.

Uwitonze Léonce
-
0
Yahawe ibiceri byinshi n’inyandiko zinyuranye. Dore bimwe mubyo utamenye ku ishyingurwa rya Papa Benedict XVI.

Kuwa 31 Ukuboza 2022 nibwo uwahoze ayoboye kiliziya gatolika ku isi Papa benedigito wa 16 yatabarutse, uyu mu gushyingurwa kwe yaherekejwe n’abantu babarirwa mu bihumbi Magana, mu muhango wabereye ku rubuga rwa mutagatifu Petero ruri Vatican. Papa Benedigito wa 16 yaciye agahigo yegura ku nshingano ze zo kuyobora kiliziya muri 2013 icyo gihe aba Papa wa mbere weguye kuva mu myaka irenga 700 yari ishize bibaye kuko undi waherukaga kwegura yari Papa Celestin wa 5 mu 1294.

Ariko se mu by’ukuri wamenye ibidasanzwe byabaye muri uyu muhango wo gushyingura Papa? Niba nawe warakurikiye ariko ntubone byose kuriyi nshuro tugiye kukwereka ndetse tugusobanurira bimwe mu bidasanzwe byahakorewe.

Wari uziko Papa ashyingurwa mu isanduku eshatu (3)?: ushobora kuba utarabimenye ariko ukuri guhari nuko burya Papa ashyingurwa mu isanduku eshatu aho imwe usanga irimo imbere yindi, izi sanduku eshatu buri yose igenda ikoze mu bikoresho bitandukanye nindi, ndetse buri sanduka igenda ishyirwamo ibintu binyuranye nibyagiye muyindi. Nubwo benshi babonye isanduka y’igiti yari iteruwe irimo umurambo wa Papa ariko burya imbere hari harimo izindi ebyiri.

Isanduka y’inyuma yari ikoze muri sipure (cypre) ibi bisobanuye ukwicisha bugufi ndetse bikanagendana nuko nyakwigendera yari yarasize abitegetse ko ishyingurwa rye ryazaba ryoroheje cyane. Nyuma yiyi sanduka imbere hashyizwemo indi sanduka ikoze muri Zinc ifunze neza, isanduka ya gatatu nayo yari ikoze mu giti gikomeye cyane batigeze basobanura ubwoko bwacyo. Ubwo rero bivuze ko Papa yashyinguwe mu isanduka eshatu zikomatanyije arinayo mpamvu ababonye umurambo we uteruwe babonyeko isanduka yari nini cyane kuko imbere hari harimo izindi ebyiri.

Ibiceri n’inyandiko zinyuranye: mu isanduku kandi ya Papa ntabwo bashyiramo umurambo gusa, ahubwo hajyamo nibindi bintu ndetse byakwitwa iby’agaciro. Aha harimo agafuka kaba karimo ibiceri bihwanye n’imyaka yayoboye ari ku mwanya wa Papa, buri mwaka uba ufite igiceri cyawo, bivuze ko uyu yashyinguranywe ibiceri umunani bingana n’imyaka yamaze ayoboye Kiliziya. Sibyo gusa kandi kuko bashyiramo n’inyandiko zinyuranye zigenda zivuga ibyo yagezeho ndetse nibyo yakoze mu buzima bwe bwose.

Mbere yuko ashyingurwa kandi kiliziya yashyize hanze amateka ya nyakwigendera, aya mateka nayo yafunzwe mu gasanduku gakoze mu muringa maze gaterekwa mu isanduku y’inyuma ya gatatu mbere yuko bayifunga bakoresheje imisumali ya zahabu. Papa kandi yashyinguranywe inyandiko ziriho igitambo cya Missa yose yamusomewe mu ishyingurwa rye, bivuze ko babanje gutegura uko missa izagenda maze bayishyira mu nyandiko bazishyira mu isanduku nazo izi nyandiko ziyi missa ziba zinariho ibirango bya Vatican.

Ibi bikekwa ko bikorwa ku mpamvu zuko mu gihe hazabaho ubundi buzima nyuma yubu turimo abazabasha kugwa kurizi nyandiko bazabashe kumenya imibereho y’ababanje kuba ku isi. ni ibintu byatangiriye mu misiri ku gihe cy’ubwami bwaba farawo.

Ibara ritukura: waba warigeze wibaza impamvu ba karidinale baje mu gushyingura papa bambaye umutuku? Ubusanzwe abantu benshi usanga bambaye umukara mu gushyingura, uku ninako byari bimeze kubantu basanzwe bari baje gushyingura papa. Ariko ku bigendanye n’abakuru ba kiliziya byari bitandukanye kuko abakaridinali ndetse na papa francis wasomye misa bari bambaye umutuku. Icyo ukwiye kumenya nuko mu muco wa kiliziya gatolika mu muhango wo gushyingura papa hifashishwa ibara ry’umutuku.

Uretse kandi aba bayobozi bakuru ba kiliziya na nyakwigendera ubwe yashyinguwe mu gishura gitukura. Umuhango wo gushyingura papa rero ubusanzwe ugomba kumera kimwe, bivuze ko buri gihe papa wapfuye ashyingurwa kimwe nabandi bose kuva mu kubaho kwa kiliziya nta tandukaniro rigomba kubaho.

Nimunsubize igisirikare cyange, aya ni amagambo ya Gen Muhoozi abwira se Museveni.

Uwitonze Léonce
-
0
Nimunsubize igisirikare cyange, aya ni amagambo ya Gen Muhoozi abwira se Museveni.

Gen Muhoozi Kainerugaba umuhungu mukuru wa perezida Museveni ndetse akaba ni umujyanama wa perezida Museveni ku bikorwa bidasanzwe bya gisirikare yasabye se perezida Museveni ko yamusubiza igisirikare cye.

Anyuze ku rubuga rwe rwa Twitter yanditse ubutumwa bushimangira ko igisirikare cya Uganda kikiri icye ndetse asaba se kukimusubiza mu maguru mashya. Ati: “UPDF iracyari igisirikare cyange, afande Mzee (nkuko yita Museveni) ndashaka gusubirana igisirikare cyange”

Akimara kwandika aya magambo mu gitondo cyo kuri uyu wa gatatu, kuri Twitter yavugishije benshi ariko nanone benshi ntanubwo byabatunguye kuko uyu Muhoozi bimenyerewe ko ajya yandika ubutumwa budasanzwe kuri uru rubuga akurikirwaho n’abarenga ibihumbi 600. Aya magambo kandi byanageze aho perezida Museveni ubwe amusaba ko hari bimwe adakwiye kuzongera kwandika kuri Twitter cyane cyane ibigendanye n’umutekano ndetse n’igisirikare.

Mukwezi kwa cumi gushize uyu mugabo yanditse kuri Twitter ibintu byatangaje benshi ariko bikanatera urujijo, yavuze ko we n’ingabo ze yari ayoboye bafite ubushobozi bwo gufata umujyi wa Nairobi mu byumweru bibiri gusa. Aya magambo yateje urunturuntu hagati ya Uganda na Kenya ndetse bigera naho Uganda yisobanura, uretse ibyo kandi Museveni yaje no kubisabira imbabazi ariko Muhoozi ubwe yararuciye ararumira.

Ahubwo yahise akurwa ku mwanya w’umugaba w’ingabo zirwanira kubutaka yari afite, icyakora ntibyaciriye aho kuko yahise azamurwa mu ntera akurwa ku ipeti rya Lieutenant General ahabwa General ariko ntiyahabwa izindi nshingano kugeza nubu. Icyakora nyuma yibyo Muhoozi yaje kwatura avuga ko ayo magambo yerekeranye na Nairobi yayanditse muburyo bwo gutebya.

Dore ibihugu udakwiye guhubukira gukora imibonano mpuzabitsina mu gihe waba ugezeyo ndetse n’impamvu yabyo.

Uwitonze Léonce
-
0
Dore ibihugu udakwiye guhubukira gukora imibonano mpuzabitsina mu gihe waba ugezeyo ndetse n’impamvu yabyo.

Agakoko ka sida cyangwa se uburwayi bwa sida ubusanzwe si indwara runaka umuntu arwara ngo yongere ayikire gutyo gusa, ahubwo ni urusobe rw’indwara zibasira umubiri w’umuntu kuburyo uko ayimarana igihe umubiri we ugenda utakaza ubushobozi bwo kwirinda. Umuntu wanduye agakoko ka sida kagenda kamukwiramo gacye gacye kuburyo haraho bigera umubiri we ukaba utagishoboye kwirinda indwara iyariyo yose. Ibi rero bituma urwaye sida yibasirwa byoroshye nizindi ndwara zikaze nka hepatite, igituntu ndetse nizindi ndwara zandura byoroshye.

Kwaduka kwa SIDA kwatumye mu bihugu bitandukanye habaho kwandura kw’inshinge nyinshi zikoreshwa kwa muganga kuburyo hari nabantu benshi banduye iki cyago bagikuye kwa muganga aho babaga bagiye kwivuza izindi ndwara. Mu bihugu kandi byiganjemo ibiyobyabwenge usanga biba byoroshye cyane kwandura sida kuko hari ibiyobyabwenge byinshi bitera mu nshinge, izo nshinge rero iyo zikoreshejwe nabantu batandukanye, umwe wanduye ashobora kwanduza agace kose.

Ese ni ibihe bihugu byibasiwe cyane na sida ku isi? 

Nuramuka ugize amahirwe yokugera muribi bihugu tugiye kukwereka uzitondere guhiga uryamana n’umuntu waho mu gihe utaramenya uko ubuzima bwe buhagaze kuko ibi bihugu nibyo bya mbere ku isi byiganjemo agakoko gatera sida ndetse n’abarwayi ba sida. Ibyo bihugu nibi bikurikira:

South Africa: Africa yepfo ibarwa nka bimwe mu bihugu biteye imbere cyane yaba muri Africa ndetse no ku isi hose, icyakora ngo nta byera ngo de, iki gihugu kibarirwamo abantu miliyoni eshanu n’ibihumbi 600 banduye agakoko gatera sida, ni umubare munini cyane kuko ni hafi ya ½ cy’abaturage b’u Rwanda bose. Sibyo gusa kuko aba babarirwa ku ijanisha rya 12% by’abaturage ba Africa yepfo bose ndetse bikavugwa ko abantu basaga ibihumbi 310 bicwa na sida buri mwaka muriki gihugu.

Botswana: bwa mbere umuntu wa mbere wanduye Sida muri Botswana yagaragaye mu 1985, ni igihugu cya kabiri kiganjemo abanduye iki cyorezo Botswana ituranye na Africa yepfo nayo ibarirwamo abantu miliyoni eshatu n’ibihumbi magana abiri (3,200,000), banduye agakoko ka sida.

India: bitandukanye n’ibihugu twabonye hejuru Ubuhinde bwo bubarizwa ku mugabane wa aziya, ubuhinde uretse kuba ari igihugu cya kabiri gituwe cyane ku isi, ninacyo gihugu cya gatatu ku isi gifite abantu benshi banduye sida kuko kibarirwamo abarenga miliyoni ebyiri n’ibihumbi 400 (2,400,000). Bitewe n’umubare munini w’abaturage batuye iki gihugu usanga hari benshi cyane bakennye muburyo bukomeye ndetse ntibabashe no kubona ibikenewe by’ibanze mu by’ubuvuzi.

Kenya: ihagaze ku mwanya wa kane mu kugira abanduye sida benshi, Kenya ubu ibarirwamo abarenga miliyoni imwe nigice (1,500,000) bayanduye. Icyakora bitandukanye n’ibindi bihugu Kenya yakoze ibishoboka abandura sida bagenda bagabanuka ariko nanone haracyari urugendo rurerure.

Zimbabwe: mu mwaka wa 2003 abanduye sida muri Zimbabwe babarirwaga ku ijanisha rya 22.1% byabaturage bose, bakoze ibishoboka barabigabanyaa ubu bangana na 14.9% byabatuye Zimbabwe bose. Kugeza ubu ariko Zimbabwe iracyari mu murongo utukura kuko iri ku mwanya wa gatanu ku isi mu kurwaza sida cyane.

United States: bishobora kugutungura ko leta zunze ubumwe za Amerika nayo ibarizwa kuri uru rutonde, icyakora nayo iri mubihugu byazahajwe na sida, kugeza ubu bitangazwa ko abantu miliyoni imwe n’ibihumbi 148 bafite agakoko ka sida muri Amerika bikayitereka ku mwanya wa gatandatu ku isi.

D R CONGO: iyo bavuze ibigendanye n’ubuzima butifashe neza ku isi, biragoye ko urutonde rwarangira repubulika ya demokarasi ya Congo itajemo, nkubu ihagaze ku mwanya wa karindwi ku isi mu kugira abarwayi benshi ba sida. Bivugwa ko abantu basaga miliyoni imwe n’ibihumbi 100 banduye agakoko ka sida muri Congo. Reka tubibutseko Congo aricyo gihugu cya mbere muri Africa cyagaragayemo umuntu wa mbere urwaye sida. Muri Congo bivugwa ko abantu benshi bandurira sida mu mibonano mpuzabitsina idakingiye.

Mozambique: abaturage bangana na 11.3% by’abatuye Mozambique barwaye sida. Iki gihugu nacyo kiri mu byazahajwe na sida.

Tanzania: Tanzania nayo ibarizwamo abarenga miliyoni imwe n’ibihumbi 400, abantu ibihumbi 86,000 kandi bivugwa ko bahitanwa na sida buri mwaka. Abagore cyane cyane nibo bibasiwe na sida kuko 60% by’abayirwaye ari igitsina gore.

Malawi: abagera ku 10% by’abaturage ba Malawi barwaye sida, abantu barenga ibihumbi 68,000 bicwa na sida buri mwaka muri Malawi, ndetse iki gihugu ninacyo kiza mu icumi bya mbere byibasiwe na sida ku isi.

Muri rusange rero kuri uru rutonde uretse Mozambique na DRCongo ukwiye kumenya ko ibindi bihugu byose biruriho byakolonijwe n’Ubwongereza. Icyakora ntaho twabihuriza n’igihugu cy’Ubwongereza ariko nako ni agashya. Ikindi wamenya nuko ibihugu bitanu mu icumi biruriho nibyo mumajyepfo ya Africa.

Ikindi ukwiye kumenya nuko umurwayi wa sida atandukanye n’umuntu wanduye agakoko gatera sida kuko uwanduye agakoko gatera sida aba atararwara sida.

Gen Muhoozi yongeye gutanga gasopo ko abamurwanya bose baba barwanyije museveni.

Uwitonze Léonce
-
0
Gen Muhoozi yongeye gutanga gasopo ko abamurwanya bose baba barwanyije museveni.

Gen Muhoozi Kainerugaba asanzwe ari umujyanama wa perezida Museveni ku bikorwa bidasanzwe bya gisirikare, uyu yongeye gutanga gasopo ku bantu bose bamurwanya cyane cyane abanya politiki, ko bakwiye kwitonda kuko mu kumurwanya baba bari kurwanya perezida Museveni batabizi.

Muhoozi ati: “mureke mbabwire, mu mikorere y’ishyaka ryacu NRM mukwiye kumenya ko urwanya data (Museveni) ubwo ninjye aba arwanyije, nikimwe nuko uzandwanya wese, azaba arwanyije data” uyu kandi wanahoze ari umugaba w’ingabo zirwanira kubutaka, yatangaje ibi nyuma y’iminsi yarishize hariho gahunda yo kwamagana Muhoozi yatangijwe na minisitiri w’ubutegetsi bw’igihugu Kahinda uvuga ko hari gahunda yo kwiyamamaza kwa Muhoozi mu matora ya 2026.

Otafiire harihashize igihe gito yibasiye kuri Muhoozi muburyo bukomeye avuga ko ameze nk’imashini ihora yiteguye gukoreshwa nyamara yo yaramaze gupfa kera. Icyakora Otafiire avugako abanya Uganda bakwiye gutora Museveni, ariko Muhoozi we adakwiye gutorwa na rimwe kuko adakenewe. Otafiire ati: “burya iyufite amashanyarazi nta mpamvu yo gukenera imashini itanga umuriro (generator), ati Muhoozi nink’imashini itanga amashanyarazi yapfuye, mu gihe Museveni we ari urugomero ruduha amashanyarazi rero ntawukeneye iyo mashini, mu gihe dufite amanyarazi akora neza”

Ubusanzwe abafana ba Muhoozi nibo badukanye imvugo ya ‘Generator’ bayita Muhoozi kuko bo bavugaga ko burya amashanyarazi yose waba ufite isaha n’isaha ashobora kugenda ukayikenera. Aba rero bavugaga ko mugihe Museveni yaba atagihari Muhoozi agomba kuba ya mashini itabara abantu mu gihe umuriro usanzwe ugiye. Otafiire rero we yavuze ko iyi mashini bishingikirije yamaze gupfa kera kuburyo niyo baba bayikeneye ntacyo yabafasha.

Muhoozi we avuga ko umushinga we wo gukomeza kubaka Uganda nziza wakiriwe neza na Museveni bityo ko ntakizamubuza kuyobora Uganda. Muhoozi ati: “Omwana omukuru aba murumuna weishe” bivuga ngo: “umuhungu mukuru mu muryango burya aba ari murumuna wa se” akaba yarabivuze abinyujije mu mugani w’ikinyankore.

Otafiire ni umwe mu bakuru mu ishyaka rya NRM riyobowe na Museveni, akaba kandi ari kuruhembe rw’abarwanya umushinga wa Muhoozi ugamije kuzamushyira ku butegetsi nyuma ya Museveni. Uretse Otafiire kandi harimo nabandi bahoze ari abasirikare bakomeye badashyigikiye Muhoozi project, barimo nka Henry Tumukunde na David Sejusa.

FIFA Yatumye benshi bagira ubwoba ko Argentine ishobora kwamburwa igikombe iherutse gutwara.

Uwitonze Léonce
-
0
FIFA Yatumye benshi bagira ubwoba ko Argentine ishobora kwamburwa igikombe iherutse gutwara.

Ishyirahamwe ry’umupira ku isi FIFA rivuga ko rigiye gutangira iperereza ryimbitse ku ikipe y’igihugu ya argentine, iri perereza rikazakorerwa ku bakinnyi ndetse nabatoza biyi kipe cyangwa undi wese ugize aho ahuriye nayo, nyuma yibyo FIFA yise ibikorwa bidahwitse bakoze ku mukino wa nyuma w’igikombe cy’isi giherutse kubera muri Qatar.

Argentine yatsinze Ubufaransa kuri penaliti nyuma yuko amakipe yombi anganyije ibitego 3-3. Umuzamu Emi Martinez yagize uruhare runini cyane mu gufasha Argentine gutwara iki gikombe ahanini bitewe n’imipira yahagaritse yagombaga kuba ibitego ariko kandi na za penaliti yagiye akuramo z’ubufaransa. Ibi rero byatumye Martinez yegukana igihembo cy’umuzamu mwiza ibintu byatumye yishimira iki gihembo muburyo butanyuze abanyaburayi.

FIFA ivuga ko abakinnyi ndetse na bamwe bari baherekeje ikipe ya Argentine barenze ku mategeko anyuranye ari mu ngingo za fifa za 11, 12 na 14 zirimo ubworoherane, imyitwarire ndetse n’imikoranire n’itangazamakuru. Izi ngingo uko ari eshatu ngo ntabwo abanya Argentine bazubahirije ndetse bishobora no kubagiraho ingaruka kuburyo bamwe muribo bashobora kubihanirwa mu gihe iperereza ryaba ribihamije. Icyakora iri perereza ntabwo rireba Argentine gusa ahubwo harimo nandi makipe nkiya Croatia aho bivugwa ko nabo barenze ku itegeko riri mu ngingo ya 13 na 16 ku bijyanye n’ivangura ndetse n’umutekano ku kibuga.

Fifa kandi ikaba yatangaje ibihano ku bihugu bitatu birimo Ecuador, Serbia na Mexico, birimo gucibwa amafaranga ndetse guhagarika abafana kwitabira imikino kuribyo bihugu.

Emi Martinez uretse kwishimira igihembo muburyo butakunzwe n’abanyaburayi, ashinjwa kwibasira abakinnyi barimo Kylian Mbappe ubwo yishimiraga igikombe iwabo muri Argentine aho yafashe igipupe akagishyiraho isura ya Mbappe, ibi nabyo byatumye abafaransa barakara bikomeye.

Abanyeshuri barahiye ko batazongera gusiba ishuri nyuma yo kubona ubwiza bwa mwalimu wabo.

Uwitonze Léonce
-
0
Abanyeshuri barahiye ko batazongera gusiba ishuri nyuma yo kubona ubwiza bwa mwalimu wabo.

Aya mashusho y’uyu mwalimu yateye benshi amagambo ku mbuga za internet zitandukanye biturutse ku bwiza n’imiterere ye, ariko udasize n’imyambarire ye. Aya mashusho agaragaza uyu mwalimu wambaye imyenda imugaragaza wese n’imiterere y’umubiri we ndetse uwayabonye wese akaba yacitse ururondogoro biturutse ku kuba abarimu nkaba baba batamenyerewe.

Ahagaze imbere y’abanyeshuri ku kibaho, yakoze ibishoboka byose kuburyo abanyeshuri bamubona neza ndetse nawe ubwe yari azi neza ko ishusho ryose ryaramuka risohotse rimwerekana ryatuma aba ikimenyabose. Ibi rero byatumye ibinyamakuru byinshi bimugarukaho yaba imyambarire ye, imiterere ye y’umubiri ndetse n’ubwiza bwe maze barandika karahava.

Uretse kandi abanyamakuru, abanyeshuri b’uyu mwalimu bose cyane cyane abahungu barahiye ko ntanumwe uzongera gusiba ishuri, biturutse ku kuba amaso yabo yabonye ibidasanzwe kuri mwalimu. Icyakora nanone ababyeyi bamwe na bamwe bavuga ko nubwo abanyeshuri bashobora kubikunda ariko bidakwiye ko umwalimu yakagiye imbere y’abanyeshuri yambaye nk’umuntu werekana imideli. Bavuga ko ahubwo bishobora kuvamo kurangaza abanyeshuri kurusha uko byaba ari ukubigisha.

Gerard Pique yihimuye kuri Shakira wamusebeje abinyujije mu ndirimbo.

Uwitonze Léonce
-
0
Gerard Pique yihimuye kuri Shakira wamusebeje abinyujije mu ndirimbo.

Gerard Pique usanzwe uzwiho gusetsa cyane yasubije Shakira wahoze ari umugore we ariko bakaza gutandukana, ni nyuma yuko Shakira akoze indirimbo yibasira Gerard Pique n’umukunzi we mushya.

Uyu mugabo wahoze akinira Barcelona ku myaka ye 35 ndetse na Shakira w’imyaka 45 inkuru yo gutandukana kwabo yasakaye mu kwezi kwa gatandatu umwaka ushize, aba bakaba bari bamaranye imyaka 11. Aba kandi bari bafitanye abana babiri ariko ibi ntibyababujije gutandukana ndetse na nyuma bakaza kwinjira mu ntambara y’amagambo nubwo Pique abikora yiturije.

Mu kwezi kwa cumi kwa 2022 nibwo Pique yagaragaje umukunzi we mushya witwa Clara w’imyaka 23, ibyo rero byateye umutwe Shakira ndetse kwihangana biranga ayoboka iy’inganzo abahimbira indirimbo ariko ibasebya bombi. Mu ndirimbo ye Shakira ati: “njyewe meze nk’umwana w’imyaka 22, warekuye Ferrari uyigurana Twingo (Renault), warekuye Rolex uyigurana Casio, ukora imyitozo myinshi y’umubiri ariko uzagerageje uyikoreshe n’ubwonko bwawe”

Iyi ndirimbo ikimara gusohoka yarakunzwe cyane ndetse Pique aricecekera amera nkaho atanabimenye, uyu Pique wahise ashinga icyiciro gishya cy’umupira w’amaguru akimara gusezera umupira muri Barcelona, yasubije Shakira atera abantu urwenya rukomeye. Yahise agana uruganda rukora amasaha ya Casio maze agirana narwo amasezerano yo gutera inkunga iyi mikino ya Pique. Sibyo gusa kandi Pique kuriki cyumweru yagaragaye atwaye imodoka ya Twingo (Renault), ibi byose Shakira yaririmbye abigaragaza nkaho ari ibintu biciriritse cyane Pique yahise abikora kugira ngo yereke Shakira ko naho yasubira inyuma mu gukundana ntacyo bimutwaye.

Gusa Shakira we yabiririmbye agamije kumvikanisha ko Pique kureka Shakira agakundana nundi mukobwa uwariwe wese ari intambwe yateye isubira inyuma. Video ya Pique atwaye iyi modoka ya twingo kuri twitter yahise ikundwa n’abantu ibihumbi 60 mu masegonda macye, sibyo gusa kuko Pique iyi ndirimbo ya Shakira yahise ayibyaza umusaruro abinyujije mu kwamamaza amasaha ya Casio, aho yahise atangira gutanga amasaha y’ubuntu mu bantu benshi.

 

Bitunguranye Messi nawe agiye kujya gukina muri Arabia Saudite.

Uwitonze Léonce
-
0
Bitunguranye Messi nawe agiye kujya gukina muri Arabia Saudite.

Umubyeyi ubyara Lionel Messi ariwe Jorge Messi ndetse akaba arinawe uhagarariye umuhungu we mu mategeko (agent) biravugwa ko yaba amaze iminsi mu mujyi wa Riyadh umurwa mukuru wa Arabia Saudite, bitangazwa ko uyu ari mu biganiro n’ikipe ya Al Hilal mukeba ukomeye wa Al Nassr ya Cristiano, ibi biganiro rero ngo bigamije gukora ibishoboka byose uyu Jorge Messi akemeza umuhungu we Lionel Messi kuza gukinira Al Hilal, Messi aramutse yemeye kuza ngo azakubirwa kabiri umushahara Cristiano yahawe muri Al Nassr.

Kuva Messi yatwara igikombe cy’isi na Argentine ye kuwa 18 Ukuboza umwaka ushize, yongeye gukandagira mu kibuga kuwa gatatu mu ikipe ye ya PSG ndetse anatsinda igitego nyuma yuko PSG yari imaze itsindwa Messi adahari. Nubwo rero ari gutsindira PSG nanubu ntibizwi niba azaguma mu bufaransa yaramazemo umwaka cyangwa se niba ari kwishakira indi kipe. Ubusanzwe amasezerano Messi yasinye muri PSG biteganyijwe ko azarangira mukwezi kwa 6 uyu mwaka, hari hashize iminsi bivuzwe ko azaguma muriyi kipe ndetse yabibasezeranyije ariko kuva hajemo ikipe zo muri Arabia Saudite imvugo ishobora guhinduka igihe cyose.

Al Hilal ngo yiteguye kwishyura Messi miliyoni 300 z’amadorali buri mwaka kugira ngo yemere kuyikinira, amakuru kandi avuga ko Messi ngo yaba yiteguye kuvugana n’ikipe iyariyo yose, hatitawe ko yari yarabwiye PSG ko ahari uwundi mwaka ugiye kuza. Ubusanzwe iyi kipe ishaka Messi ntabwo yemerewe kugura abakinnyi, ariko ishaka ko Messi ayisinyira maze akazaza gukina mu kwezi kwa karindwi ubwo bazaba bamaze kwemererwa kongeramo abakinnyi.

Biramutse bibaye byaba ari inkuru nshya y’umwaka ndetse byaba byongeye kubyutsa uguhangana gukomeye hagati ya Messi na Cristiano dore ko noneho baba basubiye gukina muri shampiona imwe, ibintu abantu bataherukaga. Ronaldo aherutse gusinyira Al Nassr bituma aba umukinnyi wa mbere ku isi ugiye kuzajya ahembwa menshi miliyoni $200 ku mwaka, ariko bigaragara ko Messi naramuka yemeye azahita anyura kuwahoze ari mukeba we.

Umwana w’imyaka 17 afite uruganda rukora abana aho atera inda abagore maze bakazagurisha abana.

Uwitonze Léonce
-
0
Umwana w’imyaka 17 afite uruganda rukora abana aho atera inda abagore maze bakazagurisha abana.

Uyu musore w’imyaka 17 witwa Noble Uzuchi akomoka muri Nigeria mu ntara ya Rivers, yatawe muri yombi ashinjwa gutera inda abagore icumi police muriyo ntara ivuga ko yavumbuye ndetse igafunga uruganda rukora abana.

Abantu bane bacyekwa mu gutegura ibyo bikorwa batawe muri yombi ndetse abakobwa bagera ku icumi bari batwite nabo bakaba barokowe muribyo bikorwa. Police kandi ivuga ko uyu Uzuchi w’imyaka 17 na mugenzi we Chigozie Ogbona w’imyaka 29 bahawe akazi ko kujya batera inda abagore mu kiswe marathon sex, kuburyo akazi kabo kari ako gutera inda gusa.

Umuyobozi wicyo kigo kiswe uruganda rw’abana witwa Peace Alikoi w’imyaka 40 ngo nawe yakoraga ibikorwa byo kwita ku bana bavutse ndetse agahemba buri mugore wese wabyaye amafaranga angana n’ibihumbi 500 byama Naira akoreshwa muri Nigeria (aya akabakaba 1,200,000 RWF). Uretse kandi kuba hari abana bamwe bakomezaga kurererwa muriki kigo, ngo hari nabandi bana bahitaga bagurishwa ako kanya uretse aba batatu twavuze haruguru kandi hari nundi watawe muri yombi nawe akaba yafashaga muribi bikorwa bitemewe.

Police ivuga ko ikimara guhabwa amakuru yibyo bikorwa, ngo yahise igaba ibitero ku nzu ebyiri ndetse koko basanga ibyo bikorwa bihabera, ngo bahasanze abagore benshi batwite, ndetse n’abana. Aba bagore bahise bakurwa aho ariko bagumishwa muri police kugira ngo iperereza rikomeze. Bamwe mu batawe muri yombi nabo ubwabo biyemerera ko koko bagurishaga abana kugira ngo bibonere amafaranga, ibi byose bikaba byaraturutse ku mpamvu z’ubukene ngo babagamo butari gutuma bakomeza kwihanganira kubaho nta mafaranga.

Ibi kandi ngo ntibirangiriye aha kuko police ya Nigeria ivuga ko bagiye gukora ibishoboka bagafata abantu baguze abana binyuze muriyi nzira kuburyo abo bana bose bazagarurwa ndetse nababaguze bakabazwa n’amategeko ibyo bakoze.

1...424344...56Page 43 of 56

Ikinyamakuru gikorera mu Rwanda mu mujyi wa Kigali, Kigamije kukugezaho amakuru yose agezweho hirya no hino ku isi mu kinyarwanda

Twandikire: pamakiopress@gmail.com

© Copyright - PamakioPress