spot_img
Ahabanza Blog Page 44

Umugabo yafashe umugore we utwite ari kumuca inyuma kwa muganga.

Uwitonze Léonce
-
0
Umugabo yafashe umugore we utwite ari kumuca inyuma kwa muganga.

Uyu mugore utwite yari amaze iminsi arwaye Malaria maze biba ngombwa ko ajyanwa mu bitaro aho yari amaze iminsi itanu, ibintu rero ntibyaje kugenda neza kuko yaje gufatirwa mu cyuho ari gusambana n’umusore w’imyaka 24.

Police ubwayo yabonye ibi biba ndetse buri wese yatangaye cyane, benshi batabibonye bavuga ko ibi bintu bishobora kuba bitabayeho ari ibihimbano kuko batiyumvisha ukuntu bishoboka. Gusa abayobozi bahageze bose bipfutse ku munwa bashaka icyo bakorera abo bombi baracyibura. Uyu musore w’imyaka 24 yashinjwe guteza umutekano mucye muri rubanda.

Bivugwa ko uyu musore ngo yaba yarakoze aya mahano ubwo yanyuraga aho uyu mugore yari amaze iminsi arwariye mu cyumweru cyashize. Amahirwe macye yuyu musore yaje kuba, ubwo uyu mugabo yafataga umwanzuro wo kujya kureba uko umugore we uko amerewe nyuma y’iminsi itanu yari ishize arwaye, gusa yaje no gutungurwa no gusanga uyu mugore we ari kwisana nuwo musore w’imyaka 24 utatangajwe izina.

Umuyobozi w’ibitaro avuga ko ababajwe cyane nibyabereye mu kigo cyabo ariko kandi arahindukira ashinja uburangare umugabo wuwo mugore ndetse avuga ko iyo bitaba uwo mugabo nibyo byose bitari kuba. Umuyobozi w’ibitaro ati: “bishoboka bite ko wakohereza umugore wawe kwa muganga ukamara iminsi itanu yose utaranatekereza uti reka njye kureba uko ameze” yakomeje agira ati: “abagabo benshi usanga bitwaza ko bafite akazi kenshi kandi ko bahuze, mujye mumenya ko atari abantu bose bahora bahuze, abafite akanya bazajya babajyanira abagore mukanuye”

Uyu mugabo w’umugore nawe ubwe yemeje ko koko bamuciye inyuma kuko ariwe muntu wa mbere wabonye biba, yagize ati: “napanze urugendo rutunguranye rwo kujya kwa muganga ngo ndebe uko umugore wange amerewe, gusa natunguwe no gusanga uwo musore mu gitanda aryamanye n’umugore wange” uyu mugabo yakomeje avuga ko umugore we yari yagiye kwa muganga arembye kuko yari arwaye Malaria.

Uyu muzungukazi w’imyaka 60 yagenze kilometero 9000 aje gushaka umugabo muri Africa. Yatangaje benshi.

Uwitonze Léonce
-
0
Uyu muzungukazi w’imyaka 60 yagenze kilometero 9000 aje gushaka umugabo muri Africa. Yatangaje benshi.

Uyu mugore twakwita ko anakuze yitwa Deborah Babu w’imyaka 60, akomoka muri California muri America, uyu yafashe urugendo rutajya rupfa kwisukirwa maze feri ayifungira muri Tanzania aho yari aje gushyingiranywa n’umu masayi ukiri muto.

Uyu mukecuru yahuye na Saitoty Babu w’imyaka 30 mu gihugu cya Tanzania, ndetse bahise bakora ubukwe gakondo bwaba masayi (Masai) muri 2018 ariko kandi ejobundi muri 2022 baza no gukora ubukwe busanzwe bwa kizungu. Aba bakimara kubana, uyu mugabo Saitoty benshi baramunnyeze cyane bavuga ko atarongoye umugore ahubwo ibyo akoze ari ukwishakira ibyangombwa bizamujyana muri America, ibintu yamaganiye kure akavuga ko ari abashaka guca intege umubano we na Deborah.

Uyu mugore w’umuzungu wakoze uru rugendo rwa kilometero zibarirwa mu 9000, avuga ko nubwo abantu bakunda kwibasira umugabo we bamuziza ko yarongoye umukecuru, we ngo ntabwo bimuca intege kuko akunda cyane umugabo we ndetse ashimishwa cyane nuko barikumwe. Deborah w’imyaka 60 arusha umugabo we imyaka 30 yose, akomoka mu mujyi wa sacramento muri America, kuri we ngo ntabwo yigeze atekereza ko azigera akundana n’uyu mugabo ubwo yageraga muri Tanzania bwa mbere.

Deborah kandi ngo aza muri Tanzania yazanye n’umukobwa we w’imyaka 30, ibi bivuze ko umukobwa we angana n’umugabo baherutse gushakana. Aba bombi ubu bibera muri Tanzania ndetse barishimye cyane. Deborah ngo ababazwa cyane nuko abantu basesereza umugabo we bamushinja gushaka ibyangombwa byo kujya muri America abinyujije mu gushaka umugore w’umuzungu, kandi mu by’ukuri azi neza ko umugabo we Saitoty ngo atanakeneye kujya kuba muri America.

 

Papa Francis yavuze ko amaze imyaka 30 atareba televiziyo, Yababajwe nuko atarebye final y’igikombe cy’isi.

Uwitonze Léonce
-
0
Papa Francis yavuze ko amaze imyaka 30 atareba televiziyo, Yababajwe nuko atarebye final y’igikombe cy’isi.

Argentine yatsinze ubufaransa kuri za penaliti bituma itwara igikombe cy’isi yari itegereje imyaka irenga 30, uyu mukino Papa Francis umunya Argentine uyobora kiliziya gatolika ndetse akaba n’umufana ukomeye w’ikipe y’igihugu ya Argentine ngo ntabwo yigeze awureba, biturutse ku kuba uyu yararahiye kutazongera kureba televiziyo kuva mu 1990 kugeza nubu.

Uyu mukambwe ukunzwe na benshi avuga ko impamvu yarahiriye kutazongera kureba televiziyo by’umwihariko umupira ari umukino Argentine yatsinzwemo n’Ubudage mu mwaka wa 1990. Ubwo Argentine yatsindaga Ubufaransa rero nta kabuza ko Papa Francis ariwe gihangange gikomoka muriki gihugu kitarebye uyu mukino.

Wakwibaza uti ese byaturutse kuki ngo ahurwe television?

Papa Francis ntarongera kureba television kuva kuwa 15 Nyakanga 1990, kuriyi tariki hari hashize icyumweru kimwe gusa ikipe ya Argentine yari iyobowe na Maradona itsinzwe n’Ubudage ku mukino wa nyuma w’igikombe cy’isi, ibi ni ibyatangajwe na Papa Francis ubwe mu kinyamakuru kitwa La Voz de Pueblo. Papa asobanura ko kuva kuriyo tariki yasezeranyije Imana ko atazongera kureba televiziyo na rimwe kandi ngo iryo sezerano yararyubahirije, icyakora ntiyigeze atangaza ikiganiro cyangwa gahunda ya nyuma yarebye icyo gihe kugeza nubu iyariyo.

Kuriwe rero ngo ntabwo yari yiteze kurenga kuriryo sezerano yahaye Imana kuva mu myaka 32 ishize kugeza ubwo Argentine yahuraga n’Ubufaransa, gusa ibi ntibyakuyeho ko ari umufana ukomeye wa Argentine ndetse akaba yarashimishijwe cyane nuko igihugu cye cy’amavuko cyegukanye igikombe cy’isi. Icyakora nubwo uyu munyacyubahiro atareba televiziyo ntibimubuza kuyijyaho ngo atange ikiganiro kuko nakazi akora ubwako kagomba kumuhatira kuyijyaho kabone nubwo yaba atabikeneye, ariko ku giti cye avuga ko kureba televiziyo yabihagaritse burundu.

Wowe niki cyaguhugisha televiziyo burundu?

Bikomeje gutera urujijo ukuntu Messi yatwaye igikombe cy’isi Cristiano agahita ajya aho yari yaranze.

Uwitonze Léonce
-
0
Bikomeje gutera urujijo ukuntu Messi yatwaye igikombe cy’isi Cristiano agahita ajya aho yari yaranze.

Mbere yuko Cristiano Ronaldo asohoka muri Manchester United yari yaramaze gutangaza ko yifuza gukomeza gukina ku rwego rwo hejuru ndetse mu makipe akomeye ku mugabane w’uburayi cyane cyane ayakina muri Champions League. Icyakora ubwo yasezererwaga muri Manchester United nta kipe nimwe ikomeye yari yagaragaje ko yifuza kugura uyu Ronaldo kuburyo nawe byari kumukurura. Ku giti cye Cristiano yiyumvaga nk’umukinnyi ugikomeye kandi ugifite byinshi byo gukora mu kibuga ndetse bigatuma yumva ko koko akwiye gukinira ikipe ikomeye cyane.

Yerekeje mu gikombe cy’isi afite intego yo kunyomoza abashidikanyagaho akabereka ko akiri rutahizamu wakina ahariho hose ku isi. ku giti cye kandi yumvaga ko igikombe cy’isi kizatuma yongera kwifuzwa na benshi bityo yanga kugira ikipe iciriritse avugana nayo igikombe cy’isi kitarangiye cyane ko yarafite n’ibyiringiro ko agomba kukijyana. Icyakora iki gikombe cy’isi yari ategerejemo amakiriro ahubwo cyamubereye nka za nzozi mbi kuko umwanya munini yawumaze ku ntebe y’abasimbura, uku kwicazwa kwa Ronaldo kandi kwamugizeho ingaruka zikomeye zanatumye benshi basubira inyuma bibaza ko koko yarakwiye kujya mu mpaka z’ukwiye kuba umukinnyi mwiza w’ibihe byose, ni impaka zari zimaze imyaka irenga 15.

Ku rundi ruhande mukeba wa Cristiano ariwe Lionel Messi yarari gukora ibitangaza ndetse byarenze ku kwitwara neza bigera naho bamwe bavuga ko byari ikosa kugereranya Messi na Ronaldo. Nubwo ariko benshi bavuze ibi, ntawuzibagirwa ko iri gereranya ryatumye isi igira abakinnyi b’amateka aribo Messi na Cristiano bamaze imyaka myinshi bahiganwa ariko bikaza kurangira igihu kivuyeho umwiza kurushaho akigaragaza. Ugutwara igikombe cy’isi kwa Messi kwatumye hahindurwa ipaji nshya mu mateka ya ruhago ndetse hafatwa umwanzuro mushya muri uyu mukino ukurikirwa kurusha iyindi ku isi.

Byemezwa ko Cristiano koko ari umukinnyi ukomeye mu mateka ya ruhago ku birebana no gutsinda ibitego (goalscorer) ibyo rero bigatuma nawe azanwa mu bakinnyi bakomeye isi yigeze igira ariko Messi ari hejuru yibyo, Lionel Messi afatwa nk’umukinnyi wuzuye w’umupira w’amaguru, bivuze ko ashobora gutsinda ibitego ku rwego rwo hejuru rwifuzwa ariko nanone akaba afite umwihariko wo gukora nibindi mu kibuga byakozwe na bacye mu mateka y’umpira. Ibi rero byahise bituma Lionel Messi akurwa ku rwego rwa Cristiano ahubwo ashyirwa ku rwego rw’ibihangange bibiri biri hejuru cyane aribyo Diego Maradona na Pele aba bombi bamaze gutabaruka.

Abahanga bati ubundi urubanza rw’umukinnyi wa mbere mu mateka ya ruhago rwakabaye ruri hagati ya Messi, Pele na Maradona aho kuba hagati ya Messi na Cristiano. Messi yari yaratsindiye byose ariko yaburaga igikombe cy’isi, ninacyo yaje gutwarira muri Qatar ndetse ahita yandika uduhigo dushya twinshi cyane tuzagarukaho mu nkuru zacu zitaha.

Byamenyekanye ko Cristiano yagurishije kimwe mu bihembo aherutse guhabwa.

Uwitonze Léonce
-
0
Byamenyekanye ko Cristiano yagurishije kimwe mu bihembo aherutse guhabwa.

Ubusanzwe iyo umuntu runaka ahawe igihembo mu nzego zitandukanye usanga akibika ahantu hihariye kugira ngo kijye kimubera urwibutso mu buzima bwe bwose. Icyakora ku mpamvu zinyuranye uwo muntu nanone ashobora kugurisha cya gihembo kugira ngo akemure ikibazo runaka.

Byamenyekanye rero ko Cristiano Ronaldo umunya Portugal ukinira Al Nassr yo muri Arabia Saudite nawe yagurishije igihembo cye cya Ballon D’or yahawe muri 2013, uyu mugabo ngo yashyize iki gihembo mu cyamunara agamije gufashisha aya mafaranga yavuyemo kimwe mu bigo byita ku bababaye bikaba byarabaye muri 2017. Ayishyira ku isoko iyi Ballon D’or ye ngo yayikuyemo amapawundi ibihumbi 532 (ahwanye na miliyoni zikabakaba 600 rwf)

Icyakora ushobora kumva aya mafaranga yayigurishije ukibaza impamvu ari macye, ariko nanone ukwiye kumenya ko iyi Ballon D’or yagurishije atari iy’umwimerere, ahubwo yakoresheje indi ijya gusa nkiyo yari afite kuko iy’umwimerere yari yarayijyanye iwabo muri Portugal. Aya mafaranga Cristiano Ronaldo yose yahise ayaha ikigo kizwi nka make a wish foundation ndetse akaba yarafashije mu kuvura abana bari barwaye kuburyo bukomeye ariko bari barabuze ubuvuzi.

Ronaldo ubu aritegura gukina umukino we wa mbere mu ikipe ye nshya ya Al Nassr ndetse abakunzi be ubu bafite inyota yo kongera kumubona mu kibuga, nubwo benshi batizeye neza ko bazamubona akina, bitewe nuko shampiona akinamo itanyura ku bitangazamakuru bikomeye ku isi.

Hagiye gukorwa iperereza ku basirikare boherejwe muri Mozambique bagaragaye batwika imirambo.

Uwitonze Léonce
-
0
Hagiye gukorwa iperereza ku basirikare boherejwe muri Mozambique bagaragaye batwika imirambo.

Ubuyobozi bw’ingabo zo mu karere zagiye guhangana n’ibyihebe mu gihugu cya Mozambique, bugiye gutangira iperereza ryimbitse nyuma y’amashusho yagaragaye ku mbuga nkoranyambaga yerekana abasirikare bajugunya umurambo mu kibatsi cy’umuriro maze bakawutwika.

Igisirikare cya afrika y’epfo (SANDF) by’umwihariko bavuga ko bagiye gukora iryo perereza cyane ku mashusho agaragaza ko hari umusirikare wabo uri muribyo bikorwa bigayitse, ibi byasohotse mu nyandiko y’igisirikare cya afrika yepfo, inafite abasirikare muri Mozambique.

Aya mashusho agaragaza aba basirikare bajugunya umurambo mukibatsi cy’umuriro mu gihe kandi hari nundi waruri gushya. Muraya mashusho undi musirikare utaramenyekanye aho akomoka agaragara amena ibisukika mu muriro bikekwa ko ari lisansi, ndetse abandi kuruhande barimo nuwambaye ibirango bya gisirikare bya Afurika y’epfo bari gufata amashusho bakoresheje telephone. SANDF kandi ikomeza ivuga ko bikekwa ko iki gikorwa kigayitse cyabaye hagati mu kwezi kwa 11 mu mwaka ushize.

Afrika yepfo ivuga ko byanze bikunze abagaragaye muri aya mashusho nibamenyekana amazina bazagezwa imbere y’inkiko, ishyaka ritavuka rumwe n’ubutegetsi muriki gihugu ryarakaye bikomeye rivuga ko iki gikorwa gikojeje igihugu cyabo isoni ndetse kirimo ibikorwa bihonyora amategeko mpuzamahanga arimo ko umurambo w’ikiremwamuntu ugomba kubungabungwa kabone niyo yaba ari uw’umwanzi muhuriye ku rugamba.

Intara ya cabo Delgado muri Mozambique kuva muri 2017 yibasiwe nibyihebe byaba jihadiste, kuva icyo gihe iyo ntambara yayogoje ako gace kuko imibare ivuga ko byibuze abantu 4500 bayiguyemo harimo abasivili bakabakaba ibihumbi 2000, ndetse abarenga miliyoni imwe bakaba barataye ibyabo bagahunga. Ibyo rero byatumye umutwe w’ingabo ugizwe n’abasirikare n’abapolisi bakabakaba 3000 boherezwa muri ako gace gahana imbibi na Tanzania ndetse bikaba byaratumye ibitero bigabanuka nubwo hagikorwa udutero shuma ariko ntitubuza abaturage kugaruka mu byabo.

Twabibutsa ko zimwe mu ngabo ziri muri Mozambique harimo niz’u Rwanda ndetse n’izumuryango uhuriweho nibihugu byo mu majyepfo ya Africa uzwi nka ‘SADEC’

Elon Musk yahawe igihembo cy’umuntu wahombye amafaranga menshi kurusha abandi mu mateka y’isi.

Uwitonze Léonce
-
0
Elon Musk yahawe igihembo cy’umuntu wahombye amafaranga menshi kurusha abandi mu mateka y’isi.

Burya buri wese agira agahigo yihariye, usanga benshi bagira impano zitadukanye ndetse bakazihemberwa, ariko hari nabandi bandika izina biturutse ku bintu byababayeho mu buzima bwabo.

Uyu Elon Musk umaze kumenyekana cyane ku isi cyane cyane nyuma yaho yaguriye urubuga rwa Twitter, asanzwe azwi cyane mu bikorwa bikomeye by’ubucuruzi bwo kurwego rwo hejuru. Uyu yazamutse mu kanya gato cyane ndetse ahita afata umwanya wa mbere mu baherwe ku isi, ahanini biturutse ku bucuruzi bwe bw’imodoka zigezweho ndetse ku ruganda rwe rukora ibyogajuru.

Kuri ubu rero uyu mugabo yanditse amateka mashya maze yandikwa mu gitabo cy’abakoze uduhigo tudasanzwe. Musk uyu mwaka awutangiye aca agahigo k’umuntu wahombye amafaranga menshi icyarimwe mu mateka y’isi ndetse ibi byatumye yandikwa mu gitabo cyizwi nka Guinness World Records. Uyu bidasubirwaho niwe wibitseho agahigo k’umuntu wa mbere mu mateka wabuze amafaranga menshi icyarimwe nkuko byatangajwe n’ubuyobozi bw’iki kigo cyandika uduhigo tudasanzwe.

Uyu mugabo bivugwa ko yatakaje amafaranga ari hagati ya miliyari 180 na 200 mu mwaka umwe gusa. Ikinyamakuru Forbes cyandika ko uyu yatakaje miliyari 180 z’amadorali, mu gihe icya Bloomberg cyo cyanditse ko yatakaje miliyari 200 z’amadorali mu gihe cy’umwaka umwe gusa.

Aka gahigo kari gasanzwe gafitwe n’uwitwa Masayoshi Son washinze bank izwi cyane ya Softbank mu mwaka wa 2000 aho uyu nawe yatakaje miliyari 58.6 z’amadorali, aya rero nimacye kuyo Musk yahombye.

Ese wowe ni angahe wigeze uhomba ukumva utaye umutwe?

Irebere urutonde rw’abana bakize cyane ku isi. Hari n’abafite za miliyari mu madorali.

Uwitonze Léonce
-
0
Irebere urutonde rw’abana bakize cyane ku isi. Hari n’abafite za miliyari mu madorali.

Ubusanzwe tumenyereye ko abaherwe ku isi, usanga ari abantu bakuru baba bakura amafaranga mubyo bakora cyangwa bafite indi soko ikomeye y’amafaranga. Nyamara ibintu biri kugenda bifata isura kuko hadutse ikindi gice cy’abaherwe kigizwe n’abana bato benshi bataragira n’imyaka 15.

Kenshi usanga aba bana uyu mutungo barawurazwe n’ababyeyi babo baba basanzwe ari abaherwe ariko kandi hari nabandi usanga baragize amahirwe yo kugira impano zituma binjiza amafaranga bakiri bato mu myaka. Niyo mpamvu kuriyi nshuro tugiye kubereka urutonde rw’abana bakize cyane kurusha abandi ku isi.

1. Princess Charlotte of Cambridge (miliyari 5 ku myaka 7)

Princess Charlotte Elisabeth Diana niwe mwana ukize kurusha abandi ku isi, uyu kuva yagira imyaka itandatu gusa nibwo yatangiye kubarirwa ko afite umutungo uhagaze miliyari 7 z’amadorali (miliyari 7000 Rwf) kugirango wumve uyu mwana uwariwe, ukwiye kumenya ko ari umwana wa kabiri w’igikomangoma cy’Ubwongereza William ndetse akaba arinawe mukobwa wenyine yibarutse.

Uyu mwana sumukire gusa ahubwo ari no kurutonde rwa kane mu bashobora gufata ingoma y’ubwami bw’Ubwongereza.

2. Prince Alexander Louis (miliyari 3 ku myaka 9)

Uyu nawe ni musaza w’uriya mukobwa twabonye haruguru, Alexander Louis niwe mwana mukuru muri uyu muryango ndetse ku myaka 9 gusa nawe akaba ahagaze akayabo ka miliyari eshatu z’amadorali.

3. Stormi Webster (miliyoni 726 ku myaka 4)

Bitandukanye na bariya bana twabonye hejuru, uyu webster ntabwo we ari uwibwami. Ahubwo ni umwana w’umuririmbyi ukomeye Kylie Jenner na Travis Scott, aba ni abantu bazwi cyane ku isi. uyu mwana wavutse muri 2018 yahise ajya ku karubanda ako kanya ndetse atangira no kwinjiza akayabo k’amadorali.

Biturutse ku kuba ababyeyi be bombi ari abaririmbyi bakomeye ndetse n’abashoramari nta kabuza uyu mwana nawe ntiyabura kwinjiza amafaranga menshi.

Webster rero ubu abarirwa akayabo ka miliyoni 726 z’amadorali ku myaka ye ine gusa.

4. Blue Ivy Carter (miliyoni 500 ku myaka 11)

Abantu bakurikira umuziki byanze bikunze bazi uyu mwana kuva yavuka muri 2011. Uyu mwana w’umukobwa ni umuririmbyi ndetse akaba yaravutse ku bihangange bibiri mu muziki aribo Jay Z na Beyoncé, Jay Z ubwe yamaze igihe kinini ayoboye abandi baririmbyi mu gutunga akayabo ndetse azwiho kuba ariwe muririmbyi wa mbere watunze miliyari y’amadorali. Beyonce nawe yigeze kuba ariwe muririmbyi w’umugore ukize kurusha bagenzi be. Uyu mwaka wabo rero abarirwa akayabo ka miliyoni 500 z’amadorali harimo izo yakuye ku babyeyi be ndetse nayo yakoreye ku giti cye.

5. Prince Charles Arthur Louis (miliyoni 400 ku myaka 4)

Tugarutse gato I bwami uyu nawe akurikira abo twabonye ku mwanya wa mbere nuwa kabiri. Uyu mwana nawe kimwe n’abavandimwe be, umwanya ababyeyi babo bafite mu gihugu wonyine utuma bagira amafaranga menshi ku mazina yabo, kabone nubwo baba bataratangira kwikorera ku giti cyabo.

Muri rusange rero urutonde rwakabaye ari rurerure ariko twabahitiyemo batanu ba mbere batunze menshi ku isi. ese wowe ubona mu Rwanda ari nde mwana waza ku rutonde rw’abaherwe?

Umugabo afunzwe azira kunyarira umugore mu ndege.

Uwitonze Léonce
-
0
Umugabo afunzwe azira kunyarira umugore mu ndege.

Police mu gihugu cy’Ubuhinde yataye muri yombi umugabo, nyuma yuko umugore atanze ikirego avuga ko uwo mugabo yamunyariye mundege yavaga muri America yerekeza mu buhinde.

Uyu mugabo witwa Shankar Mishra yafashwe na Police yo mu ntara ya Bangalore ariko nyuma aza kuzanwa mu murwa mukuru wa New Delhi kuriki cyumweru ari naho atuye. Kugeza ubu uwo mugabo ntacyo aratangaza kubyo aregwa, gusa amakuru avuga ko uyu mugabo ashobora kuba yari yasinze bityo ibyo yakoze byose akaba yabikoze atazi ibyo arimo.

Uyu mugabo yafunzwe byagateganyo mu gihe cy’iminsi 14 aramutse ahamwe niki cyaha azahanishwa gufungwa imyaka itatu mu gihome. Amakuru y’uyu mugabo kandi avugwaho cyane n’undi mugenzi waruri mu ndege imwe n’uyu mugabo yemeza ko koko Mishra yanyweye inzoga nyinshi cyane zo mu bwoko bwa likeli (liquor) ndetse amaze gusinda yakomeje amubaza ibibazo abisubiramo kenshi.

Ubuyobozi bwa Air India yari ifite mu nshingano uru rugendo buvuga ko bwahanishije uyu mugabo igihano cyo kutongera kugenda mu ndege yabo mu gihe cy’iminsi 30, ndetse ko bahise batanga iki kibazo mu nzego zibishinzwe ngo zibikurikirane.

Uyu mugabo ashinjwa kwandagaza undi muntu mu ruhame, kwerekana ibice ndagagitsina mu ruhame ndetse no kunyarira umuntu, benshi mu babonye aya makuru bagaye ubuyobozi bwa Air India buvuga ko iminsi 30 idahagije ku muntu nkuyu wakoze igikorwa kigayitse mu ndege bityo ko bari gufata ingamba zirenzeho.

Umuririmbyi Harmonize yerekanye amafoto y’umukunzi we mushya w’ikizungerezi.DORE AMAFOTO

Uwitonze Léonce
-
0
Umuririmbyi Harmonize yerekanye amafoto y’umukunzi we mushya w’ikizungerezi.DORE AMAFOTO

Uyu muririmbyi ukomeye cyane muri Tanzania Harmonize yagiye ku mbuga nkoranyambaga maze ashyiraho amafoto ari kurya ubuzima n’umukunzi we mushya abantu bahita bamukurira ingofero.

Uyu Harmonize yerekanye umukunzi we Feza Kessy nyuma y’iminsi micye atandukanye nuwo yigeze kwambika impeta ariwe Kajala Masaja. Hashize igihe gito amakuru avuga ko Harmonize yatandukanye n’umukunzi we Kajala, byavuye ku kuba ngo Harmonize yari amaze iminsi abakobwa bamwirukaho cyane bityo Kajala agacyeka ko umugabo we amuca inyuma.

Itandukana ryaba babiri ryanyeganyeje imbuga zinyuranye za internet, na cyane ko aba bongeye gukundana hari hashize igihe batandukanye nabwo Harmonize ashinjwa gushaka gutereta umuvandimwe wa Kajala. Icyo gihe Harmonize yakoze ibishoboka byose ngo yigarurire Kajala ndetse biza no gukunda barasubirana. Icyo gihe byamutwaye imbaraga zikomeye kuko yamuhaye impano nyinshi indabo, amwandika ku byapa byamamaza ndetse aza no kumugurira imodoka nshya kugira ngo Kajala akunde agaruke.

Bamaze gusubirana Kajala yanahise aba umugenzuzi w’imitungo ya Harmonize bigera aho amwambika n’impeta imusaba ko bazabana mbese byagaragaraga ko bari kubaho ubuzima bwiza batigeze bagira kuva bamenyana. Bidatinze uyu mukobwa yatunguye abantu bikomeye ubwo yandikaga kumbuga ko bongeye gutandukana na Harmonize ndetse akavuga ko yicuza kuba yaremeye gusubirana n’uyu muririmbyi.

Byaje kurangira rero Harmonize yerekanye umukunzi we mushya ndetse ubu abafana bategereje kureba no kumenya byinshi kuri uyu mukunzi mushya wa Harmonize ariwe Feza Kessy.

1...434445...56Page 44 of 56

Ikinyamakuru gikorera mu Rwanda mu mujyi wa Kigali, Kigamije kukugezaho amakuru yose agezweho hirya no hino ku isi mu kinyarwanda

Twandikire: pamakiopress@gmail.com

© Copyright - PamakioPress