BIRATANGAJE: Hari ikigo cy’Abanyamerika kiri guha abantu akazi ko kunywa urumogi ndetse bakanabishyura buri kwezi.

Buri wese ku isi burya aba yifuza akazi keza, akazi gatuma akomeza kubaho m’ubuzima bwiza. Gusa tuzi utuzi twinshi usanga dutandukanira ku mishahara ndetse n’ikuzo akazi gashobora guha ugakora. Ariko burya akazi kose aho kava kakagera icyo abantu bahuriraho nukuba kabafasha kubaho by’ibanze.

Nubwo burya atari byiza kunenga cyangwa kwibaza cyane ku nkomoko y’amafaranga umuntu abona, ariko nanone hari henshi abantu bakura amafaranga ugasanga haratangaje ndetse bigatera benshi kubyibazaho bitandukanye.

Ninayo mpamvu kuri iyi nshuro tugiye kugaruka kuri kimwe mu binyamakuru biherereye mu mujyi wa New York, muri America. Iki kinyamakuru kitwa American Marijuana umunsi kuwundi kiba kiri guhiga abakozi ku isi hose, aba bakozi ntakindi bakora uretse kunywa urumojyi ndetse bakabyishyurirwa amadorali menshi kugira ngo bakore aka kazi.

Aka kazi uko gakorwa usanga umuntu asabwa gufata amashusho (video) anywa ndetse akanasobanura uko urumojyi rukora iyo rugeze mu mubiri. Iyo ibi birangiye basabwa kwandika uko babyumva mu by’ukuri ndetse bakanasabwa gutanga inama y’icyakorwa. Kibisubiramo ikinyamakuru American marijuana kigira kiti: “aka ni akazi keza 100% ndetse n’akazi k’ingirakamaro, ibi birenze n’akazi kurusha uko ari ukunywa urumogi byonyine”.
Bakomeje bagira bati: “niba wumva ufite umuhate wo kunywa urumogi rwa buri munsi ndetse ukaba wifuza uwabikwishyurira, niwowe mukozi dukeneye aka kanya” iki kinyamakuru kandi kivuga ko kigiye gukora ibishoboka buri mukozi bahisemo wese, buri kwezi akajya anohererezwa ibipfunyika bikubiyemo urumojyi rw’amoko yose.

Sibyo gusa umuntu ashobora kuzajya yishyurwa amadorali ibihumbi 36000 buri mwaka bitewe n’uburambe afite mu kunywa urumogi. Ushaka aka kazi kandi ngo agomba kuba afite imyaka 18 kuzamura ndetse akaba atuye muri leta zemera ikoreshwa ry’urumogi. Iki kinyamakuru kivuga ko gishaka guha abantu amahirwe bakajya bakora ibyo bakunda ndetse bakabyishyurirwa.

[kwamamaza]

Ese aka kazi wakemera bakaguhaye? Ushobora kuduha igitekerezo kuri mwene aka kazi.

VIDEO WAREBA