Impuzamashyirahamwe y’umupira w’amaguru muri Africa “CAF” yaraye ishyize hanze ibihembo buri kipe izatahana mu irushanwa rishya rigiye gutangira ku mugabanwe wa Africa rizwi nka African Football League (AFL) iri rushanwa twabibutsa ko rizahuza amakipe asanzwe akomeye kuri uyu mugabane wa Africa ndetse ku ntangiriro akazaba ari amakipe macye cyane.
Iri rushanwa rishya biteganyijwe ko rizatangira gukinwa kuwa 20 Ukwakira 2023, mu mujyi wa Dar Es Salaam muri Tanzania ndetse n’ikipe yaho yitwa simba ikazakina iyi mikino.
Ibihembo bizatangwa muriri rushanwa ni ibi bikurikira:
*Ikipe izaryegukana izahabwa miliyoni 4 z’amadolari (4,000,000 USD)
*ikipe izaba iya kabiri izahabwa miliyoni 3 (3,000,000 USD)
*buri kipe kandi izabasha kugera muri kimwe cya kabiri ubwo ni amakipe ane, izahabwa amadolari miliyoni imwe n’ibihumbi 700 (1,700,000 USD)
*Ni mu gihe buri kipe mu makipe azagera muri kimwe cya kane izahabwa miliyoni imwe y’idolari (1,000,000 USD)
Iri rushanwa kandi ni ryiza cyane kuko rizatuma amakipe abasha kwegeranya ubushobozi bitagoranye, ibi nukubera ko nk’ikipe izegukana iri rushanwa bizayisaba gukina imikino itandatu gusa, ubundi yagira amanota menshi kurusha andi igahita ibasha kwegukana miliyoni enye z’idolari.
Uretse Simba SC yo muri Tanzania kandi hari andi makipe asanzwe akomeye azegukana iri rushanwa, aha harimo Enyimba yo muri Nigeria, iyi aba Rayon mu Rwanda barayizi cyane kuko niyo yasezereye Rayon Sports muri kimwe cya kane cya confederation cup muri 2018, harimo kandi Wydad Athletic club yo muri Maroc, Mamelody Sundowns muri afrika y’epfo, TP Mazembe yo muri DRCongo, Esperance Sportive de Tunis muri Tunisia, Al Ahly yo mu Misr, na Atletico Petroleos de Luanda yo muri angola.
African Football League ni irushanwa ryateguwe na CAF ifatanyije na FIFA, intego nyamukuru yiri rushanwa ni ukuzamura urwego rw’amakipe yo muri Africa akaba yabasha guhatana ku rwego rw’isi ndetse no gutuma aya makipe abasha kugaragara ku ruhando mpuzamahanga. Iri rushanwa kandi ntirizagarukira ku kuzamura ubushobozi bw’amakipe asanzwe akomeye ahubwo rizanagira uruhare mu kuzamura abakiri bato ku mugabane wa Africa.
Ku ruhande rwa CAF ivuga ko intego ikomeye aruko ibihugu byose ku mugabane wa Africa, bizabona akantu gaturutse kuriri rushanwa kabone nubwo igihugu cyaba kidafite ikipe muri AFL, gusa ikomeza ishimangira ko ibi bizakunda mu gihe iri rushanwa ryagenda neza uko babiteguye.
Wowe ubona mu Rwanda ari iyihe bakohereza gukina AFL?
