Clarisee Karasira umusore wamwambitse impeta yamenyekanye. Dore amafoto

Umuhanzikazi Clarisse Karasira abinyujije ku rukuta rwe rwa Twitter yahishuye ko yambitswe impeta n’umusore wamusabye kumubera umugore, na we ahita abimwemerera nta mananiza.

Ubwo yahishuraga ko yambitswe impeta, ntiyigeze agaragaza umusore wayimwambitse. Ni ibanga kimwe n’uko urukundo rwabo rumaze igihe gikabakaba imyaka itatu rwaragizwe ibanga.

Uyu musore wambitse impeta Karasira yitwa Ifashabayo Sylvain Dejoie ubusanzwe utuye muri Leta Zunze Ubumwe za Amerika, muri Leta ya Colorado, ni umwe mu bagize komite y’umuryango w’Abanyarwanda bahatuye.

Amakuru avuga ko uyu musore yaje mu Rwanda mu minsi ishize nk’umwe mu bahagarariye inyungu z’umuziki wa Clarisse Karasira, by’umwihariko kumufasha gutegura neza igitaramo cyo kumurika album ye ya mbere cyari giteganyijwe mu mpera za 2020 ariko kikaza gusubikwa mu kwirinda Coronavirus.

Nyuma Karasira Clarisse abinyujije ku rukuta rwe rwa Twitter yatangaje uwo musore amurata ibigwi Ati:

“Nguyu uwo Imana yandemeye. UMUTWARE nkundira ubuhizi, ingabo idatatira IGIHANGO, Imfura ikunda u Rwanda ikarukorera ubutiganda, undutira bose muri ubu buzima. Ndagukunda King Dejoie.”

[kwamamaza]

VIDEO WAREBA