Covid-19 ikomeje kugabanuka muri afurika ari nako yiyongera hakurya y’inyanja. Ese bihagaze bite?

Nkuko tubikesha imibare ya kaminuza ya Johns Hopkins isanzwe ikurikirana amakuru y’icyorezo cya coronavirus umunsi ku munsi ndetse ikanagikoraho ubushakashatsi, igaragaza ko abanduye icyo cyorezo ku isi hose, kuri ubu basaga miliyoni 40, n’ibihumbi 200, ni mugihe abamaze guhitanwa nicyo cyorezo bo b’amaze kurenga miliyoni imwe.

Gusa imibare mishya igenda ijya hanze yerekana neza ko leta zunze ubumwe za Amerika ikiri imbere mu kwibasirwa kurusha ahandi hose ku isi. Kugeza ubu abanduye muriki gihugu bamaze kurenga miliyoni umunani, nyuma ya America hakurikiranye igihugu cy’Ubuhinde arinacyo cya kabiri ku isi mubituwe cyane, ubuhinde bumaze kugira abarwayi ba coronavirus basaga miliyoni zirindwi ndetse abamaze gupfa barengaho gato ibihumbi 110.

Iburayi naho ntibyoroshye kuko nko mu mujyi wa Paris mu bufaransa mu ijoro ryo kuri uyu wa gatandatu ntaninyoni yatambaga biturutse kukuba harashyizweho amasaha y’umukwabu mu ijoro ibyo byose bikaba byaratewe nuko imibare mishya y’abandura yazamutse kuburyo bukomeye. Si Paris gusa kandi kuko n’indi mijyi ikomeye nka Lille na Lyon yashyizeho amategeko nkayo kandi akazamara byibuze ibyumweru bine.

Mu bubiligi naho nuko, dore nkubu kuri uyu wa mbere utubari twose ndetse n’amaresitora bigomba kongera gufungwa ndetse n’amasaha yo kwidegembya akagabanuka kugira ngo bagabanye ikwirakwira ry’ubwandu bushya bukomeje kuzamuka. Kugira ngo umenyeko bitoroshye nkubu minisitiri w’ububanyi n’amahanga w’Ububiligi ndetse na mugenzi we wa Autriche basanzwemo iki cyorezo. Aba uko ari babiri bakaba barahuriye mu nama kuwa mbere wicyumweru gishize yaberaga muri Luxembourg.

Umwami ndetse n’umwamikazi b’Ubuholandi bo byabaye ngombwa ko bacamo kabiri urugendo rwabo rw’ikiruhuko bagiriraga mu bugereki bagaruka mugihugu igitaraganya mu rwego rwo gutanga urugero rwiza rwo kurwanya icyorezo.

Hagati aho ku mugabane wa Africa bakomeje kugenda batsinda icyorezo umunsi kuwundi, nkubu muri miliyoni zirenga 40 z’abamaze kwandura ku isi hose Africa ifitemo miliyoni imwe n’ibihumbi 600 gusa.

[kwamamaza]

Ni mugihe mu bamaze gupfa ku isi hose basaga miliyoni n’ibihumbi 100 africa ifitemo ibihumbi 39 gusa. Ibi rero byerekana neza ukuntu Africa yabashije guhagarara kigabo ndetse ikabasha guhangana n’iki cyorezo kiyogoje iyindi migabane.

VIDEO WAREBA

Be the first to comment

Leave a Reply

Your email address will not be published.


*