Dore byinshi ku burwayi bw’umuraperi Lil Wayne benshi batigeze bamenya.

Uyu muraperi ukomeye cyane mu mateka y’isi Dwayne Michael Carter Jr yamenyekanye mu buhanzi nka Lil Wayne, afatwa nk’umwe mu nkingi za mwamba za rap ku isi. Uyu yashoboye kumenyekana mu gihe hariho abandi baririmbyi bakomeye nka Michael Jackson ndetse n’abandi. Amaze gutsindira ibihembo bikomeye ndetse binyuranye ku isi harimo nka Grammy awards inshuro 5 ndetse BET Music award inshuro 27.

Uretse kuba ari umuririmbyi wa rap, ni umwanditsi w’indirimbo, akazitunganya ndetse akaba ari n’umushoramari ukomeye cyane. Indirimbo ye Mirror on Wall yavugishije benshi cyane ni imwe muziherutse gufata isi ndetse akaba yarayikoranye n’ikindi gihangange Bruno Mars.

Nyamara nubwo Lil Wayne amaze kwemeza benshi ninako agenda asaza kuburyo adashobora gukomeza kuririmba n’imbaraga nyinshi nkuko byahoze akiri umusore muto. Uyu kandi yagiye agawa na benshi biturutse ku kugaragara kenshi atunze intwaro muburyo bunyuranyije n’amategeko ndetse no kugaragara inshuro nyinshi muri gereza, dore ko amaze gufungwa inshuro zirenga icumi kubyaha bitandukanye.

Kuri ubu rero nyuma yibyo byose, Lil Wayne ararwaye kuburyo bukomeye ndetse n’uburwayi amaranye igihe ariko abantu bacye ku isi akaba aribo babashije kubimenya. Uyu mugabo urwaye umutima kuburyo bukomeye, ngo bitangiye kugaragarira benshi ubuzima bwe bugeze habi.

Kugeza ubu ntamuntu numwe uzi niba Lil Wayne azongera akazamuka mumuziki nkuko byahoze. Uretse umutima kandi uyu anafite ubundi burwayi arinabwo bukaze bwitwa “epileptic seizure” iyi ndwara ihindura umubiri w’umuntu cyane kuburyo wamubona ntumenye ko ariwe wahoze uzi.

[kwamamaza]

Lil Wayne ubwe yagize ati: “ni inshuro nyinshi nagiye mfatwa n’ubu burwayi si rimwe kabiri cyangwa gatatu, ahubwo ni kenshi gusa hari benshi mutabimenye, gusa kuriyi nshuro byaje aribya nyabyo. Nafashwe gatatu nikurikiranya, ubwa gatatu umutima wabaye nkaho uhagaze burundu kuko igipimo cyaramanutse kigera kuri 30%. Nakabaye narapfuye uwo munsi”.

VIDEO WAREBA