Dore ibinyoma abagabo benshi bubatse bakunda kwifashisha iyo bashaka kuryamana n’abandi bagore.

Abagabo bubatse benshi bakunda guca abagore babo inyuma mubihugu byose ku isi, simvuze ko ari abagabo bose ariko nanone ni benshi. Umugabo aragenda agashuka umugore w’abandi cyangwa umukobwa akamubeshyabeshya kugeza atsindiye umutima we.

Wowe mugore cyangwa umukobwa ushobora kuba uzi neza ko umugabo yubatse, ariko iyo amaze kugutera ingingo zinyuranye ibyo ntubyibuka ndetse abahanga bemeza ko biba bigoye kumucika yakwibasiye. Niyo mpamvu twabahitiyemo bimwe mubyo abagabo benshi bubatse bajya bahurizaho babeshya abagore bashakaho inyungu zinyuranye.

Ibyo binyoma nibi bikurikira:

  • Sinishimiye urugo rwanjye

Iyi niyo ngingo abagabo benshi bahurizaho bashaka gutereta umugore/kobwa wo hanze. Nyamara abagore cyangwa abakobwa bacye nibo babasha kugira ubutwari bwo kubaza impamvu atava muri urwo rugo niba koko atarwishimiye. Ukwiye kumenya ko niba atishimiye urugo yavunikiye kugira ngo arugereho atari wowe ushobora kumushimisha mubuzima bwe.

  • Ndenda kumuta

Wowe mukobwa ushobora kuba warumvise umugabo akubwira ko adakunda umugore bubakanye, abagabo benshi bubatse bifashisha iki kinyoma kugira ngo biyegereze undi mugore, wowe mukobwa rero ukicara ukiyumvisha ko agiye guta umugore we kubera wowe mwahuriye kugasozi bigatuma uta nurwo wari wambaye, nyamara benshi bajya bategereza ko koko azamuta akabasanga bagaheba ahubwo bakazasigara bimyiza imoso.

  • Mbana nawe kubera kugirira impuhwe abana

Akenshi iyo hajemo abana abantu benshi bagira impuhwe cyane, iki rero nikinyoma abagabo benshi bakoresha bashaka gutereta abandi bagore kuko umwana akeneye urukundo. Nyamara benshi mu bagabo bavuga uku akenshi usanga mungo zabo banezerewe hamwe n’abagore babo ndetse ukaba utamukekera guca inyuma uwo bashakanye. Benshi muri aba ushobora kubabona nko kumbuga nkoranyambaga ariko ugasangaho amafoto numuryango bihabanye nibyo yakubwiye.

  • Simukunda na gato

Iki kintu sinzi impamvu abakobwa n’abagore batajya bagikorera isesengura, nigute yakubeshya ko adakunda umuntu babana nyamara bagakubita imyaka 5 cyangwa 6 babana ntanumwe urasiga undi. Ese niba adakunda umuntu baruhanye bagasezerana imbere y’amategeko amureba bakarinda iyo babana wowe uba wumva azagukundamo iki? Itekerezeho.

  • Nshaka kubana nawe

Ni gute wiyumvisha ko umuntu w’umugabo wubatse ufite abana, ufite imitungo ye yabisiga akagusanga? Ibi biba gacye cyane kandi niyo bibaye akenshi uza uri uwa kabiri. Umugabo rero kuko aba azi neza ko abakobwa bashimishwa nutuntu duto akubeshya bene nkako nawe ugahita uva mubyawe.

  • Si mwiza nkawe

Iki cyo abakobwa benshi bagikunda kubi, cyane ko burya ntamuntu numwe wanga kubwirwa ko ari mwiza. Uyu rero ni umutego abagabo benshi batega abakobwa ndetse bikarangira bawuguyemo. Gusa ukwiye kumenya ko nta muntu mwiza ubaho wamurutira uwamubyariye abana.

  • Ntitukirara mu cyumba kimwe.

Abakobwa benshi iyo ubabwiye gutya bahita bumva ko haricyo ubura cya ngombwa mu buzima. Umugabo w’umuhanga mu guca inyuma rero akumvisha ko hashize imyaka myinshi atararana n’umugore we ndetse ibyo byabaye nk’amateka murugo. Gusa byagorana cyane ko abantu babana mu rugo bashobora kurara ukubiri ntakibazo cy’uburwayi gihari.

[kwamamaza]

Twabibutsa ko burya byaba byiza ufashe umwanzuro wo gushing urugo wabanje kubyigaho neza. Igitsina gore namwe nibyiza ko mubanza gushishoza mbere yuko ugendera kubyo umuntu akubwiye rimwe na rimwe nta makuru ahagije ufite kuri uri kukubeshya.

VIDEO WAREBA

Be the first to comment

Leave a Reply

Your email address will not be published.


*