Ese koko telefone za Tecno zaba zizana na porogaramu izifasha kumara amafaranga byihuse?

Kuri ubu hari amakuru yagiye hanze agaragaza uburyo hari bumwe mu bwoko bwa telefone za Tecno zihariye isoko ku mugabane wa Africa zizana na porogaramu ituma izo telephone zimara amafaranga m’uburyo bwihuse ndetse bigakorwa m’uburyo nyiri telefone atabizi.

Mu nkuru yasohotse mu kinyamakuru CNN Business kuri uyu wa gatatu tariki ya 26 Kanama 2020, yerekana neza ukuntu iyo porogaramu ahanini yaje muri telefone ziri mu bwoko bwa Tecno W2. Iyi porogaramu (app) ngo izana na telefone ndetse nyiri gutunga telephone ntanakimwe aba abiziho ahubwo amafranga arashira agakeka ko yayakoresheje nyamara atariko bimeze.

Iyi porogaramu umuntu yakwita virusi muburyo bworoshye yitwa Triada, (Triada malware) ngo yandikisha umukiliya (subscription) muri gahunda nyinshi nyirubwite atabizi ndetse ngo bikaba byaravumbuwe kuri telefone za W2, mu bihugu bya ethiopia, Ghana, Cameroon na Africa yepfo. Tecno yafashe isoko rya telefone muri Africa mugihe gito bitewe nuko ikora telefone zigezweho kandi zihendutse.

Ubwo basubizaga kuriki kibazo abayobozi ba Transsion Holdings arinayo ifite mu maboko Tecno Mobile bahakanye ibyo baregwa ndetse bemeza neza ko icyo ari ikibazo cya kera ndetse cyakemutse.

Bavuga ko uretse no kuba byarasanzwe murizo telefone za W2 kitari ikibazo bihariye ahubwo cyari ikibazo cya za telefone ku isi hose. Tecno kandi ivuga ko icyo kibazo bagikemuye m’ukwezi kwa gatatu 2018 ndetse ko banashyizeho uburyo buri wese wahura nacyo yabyikemurira cyangwa se akaba yagana ku kicaro cya Tecno kiri hafi ye bakamufasha.

Triada, bivugwa ko ubundi kugira ngo itangire kurya amafaranga (airtime/unites) ibanza gushyira (install) iyindi porogaramu yitwa xHelper muri telefone nayo iyo imaze kugeramo iyo telefone ngo itangira kwinjirwamo n’amaporogaramu menshi cyane ahita atangira gukoresha y’amafaranga yawe ufite muri telephone. Ibyo byose rero ngo biba mukanya nkako guhumbya ndetse bikaba nyirubwite atabizi.

Iyi xHelper aho ikomereye ngo ntabwo ijya ipfa kuva muri telephone yagezemo kuko wayizimya, ukongera ukayatsa, wayisibamo ndetse wanayiformata ibindi byose bishobora kugenda ariko yo ntaho ijya. Ibi rero ngo bituma bigorana kuba wahangana nayo dore ko ngo n’abahanga mu ikoranabuhanga badapfa kuyihangara.

[kwamamaza]

Uru ruganda rwa Tecno rutaramara n’imyaka 15 rushinzwe bivugwa ko ubu rumaze kwiharira ijanisha rya 41% ku isoko rya telefone muri Africa ndetse rukaba rugeze ku gaciro ka miliyari enye z’amadorali. Iyi Tecno ubusanzwe ibarizwa mu ihuriro ry’ibigo bikomeye bya Infinix, na Itel arinabyo byitwa Transsion Holdings.

VIDEO WAREBA

Be the first to comment

Leave a Reply

Your email address will not be published.


*