Ese wakora iki mu gihe phone yawe iguye mu mazi kandi itavamo bateri? Dore ibyo ukwiye gukurikiza.

Telefone burya iyo iguye mumazi ikamaramo umwanya munini burya haba hari ibyago ko ishobora gupfa muburyo bwa burundu, kereka iyo ari imwe mu bwoko bw’amatelefone afite ubushobozi bwo guhangana n’amazi (water resistant).

Icyakora iyo iramutse iguyemo uri aho hafi ugahita uyikuramo byihuse ukwiye guhira ukuramo bateri, memory card ndetse na sim card ako kanya maze ukayishyira ahantu runaka kugira ngo yumuke amazi avemo neza. Ariko wakwibaza uti ko mutubwira guhita dukuramo bateri kandi telefone nyinshi zigezweho zitavamo bateri. Muriyi nkuru tugiye kubagezaho bimwe mubyo wakora kugira ngo telefone yawe itavamo bateri ibashe kurokoka amazi.

Mugihe telefone itavamo bateri ikagwa mumazi uzahite ukora ibi bikurikira:

  • Hita uyizimya

Ikintu cya mbere uzihutira ukimara kuyikura mumazi nuguhita uyizimya ako kanya. Ibi nukubera ko mu gihe umuriro w’amashanyarazi wakomeza gutembera mubyuma bitose, bishobora gutera ibindi bibazo muri telefone imbere. Iyo phone zimije rero iryo tembera ry’umuriro ntariba rihari, bivuze ko rero nicyo kibazo kidashoboka.

  • Kuramo simcard na memory card.

Kuramo burikintu cyose gishobora kuvamo, harimo memory card na simcard. Gusa wibukeko iyi phone itavamo bateri, rero ntuzagerageze gufungura ibyuma biyigize ngo ukuremo battery. Kimwe mubyo ugomba kuzirikana nuko mugihe urimo gukuramo ibikoresho twavuze utagomba kuzunguza telefone cyane, ibi nukubera ko uko ukomeza kuzunguza telephone bishobora gutuma amazi abona inzira yo kugera aho atari yageze.

  • Hanagura/umutsa telefone

Hanaguza agatambaro koroshye ndetse ubikore gacye Dyane witonze, hano icyo ugomba gukora nuguhanagura buri gice cyagezeho amazi ubasha kugeraho. Kuriyi nshuro nabwo uzirinde ibi bikurikira:

[kwamamaza]
  1. Ntuzigere ushyira icyo gitabaro cyangwa ipamba mu mwanya bacomekamo sharijeri kuri telephone
  2. Mugihe uri kuyihanagura kandi irinde gukanda akantu na kamwe
  3. Wizunguza phone
  4. Uramenye ntuyumutse ukoresheje ibyuma bitanga umuyaga (fan)
  5. Ntuyicomeke ku muriro
  6. Ntuzakoresheje ibyuma byumutsa imisatsi ngo wumutse telefone.
  • Intambwe ikurikira nukumutsa telefone

Hano ufata agatambaro kumutse neza kandi gasa neza maze ukarambikaho ya phone, uyirekeraho hagati y’isaha imwe n’ebyiri, nyuma yuwo mwanya wose noneho ushatse wakwatsa telefone yawe nkuko bisanzwe. Ibi nubikurikiza neza nta kabuza phone yawe itavamo battery izongera yake ikora neza nkuko bisanzwe.

VIDEO WAREBA

Be the first to comment

Leave a Reply

Your email address will not be published.


*