Hagiye gutangizwa irushanwa rigamije gufasha abahanzi bakizamuka

Sosiyete ya Fiesta Media Agency igiye gutangiza amarushanwa agamije kuzamura impano ku baririmbyi batandukanye , yaba abakora Hip Hop cyangwa izindi njyana. Abaririmba indirimbo zihimbaza Imana nabo ntibahejwe.

Muri iri rushanwa , kwiyandikisha bizatangira ku wa 6 Ugushyingo 2020 bikaba bizasozwa ku wa 20 Ugushyingo 2020. Kwiyandikisha ni ubuntu.

Umuyobozi wa Fiesta , Tuyisenge Jean Claude , yavuze ko bateguye iri rushanwa mu rwego rwo gukomeza kuzamura impano no kuziteza imbere , kuko babonye ko hari benshi baba bafite impano ariko ntibabone aho zigaragarizwa.

Yagize Ati:

“ Ni irushanwa twari tumaze iminsi dutekereza . Nk’umwe mu bantu baba mu itangazamakuru nashatse gufasha abahanzi bakizamuka , ntekereza ko nibigenda neza irushanwa rizagenda rikura . Twateguye rero irushanwa dushaka gukomeza guteza imbere impano zabuze abazifasha. “

Uwiyandikisha muri iri rushanwa asabwa kujya kuri Facebook , Twitter cyangwa Instagram , agashyiraho amashusho yifashe ari kuririmba indirimbo ye cyangwa iy’abandi. Ubundi ugakora tag kuri @fiestarwanda agakurikizaho hashtag ya #fiestatalentRwanda.

Uhatana agomba kuba afite imyaka iri hagati ya 18 na 30 ari Umunyarwanda kandi aba mu Rwanda.

Kanda hano hasa ubururu wiyandikishe Apply for Fiesta New Talent Awards

Uwa mbere muri iri rushanwa azahembwa gukorerwa indirimbo eshatu , ebyiri mu buryo bw’amashusho n’indi imwe mu buryo bw’amajwi , ubundi ahabwe n’ishimwe ry’amafaranga anakorane na Fiesta mu gihe cy’umwaka imufasha kumenyekanisha ibihangano bye.

Uwa kabiri n’uwa gatatu bose bazakorerwa indirimbo ebyiri mu buryo bw’amajwi.

[kwamamaza]

Kubindi bisobanuro wahamagara izi nimero 0784608679/0780067853

VIDEO WAREBA

Be the first to comment

Leave a Reply

Your email address will not be published.


*