Ikipe ya Chelsea imaze kwirukana uwari umutoza wayo Frank Lampard. Ese ninde ugiye kumusimbura?

Ni amakuru asakaye ku gicamunsi cyo kuri uyu wa mbere, ko ikipe ya Chelsea imaze gusezerera uwari umutoza wayo Frank Lampard.
Iyi kipe ya Chelsea yamaze kwirukana Frank Lampard ndetse biteganyijwe ko agomba guhita asimburwa n’umudage Thomas Tuchel wahoze atoza Borussia Dortmund na PSG.

Lampard yahawe uyu mwanya wo gutoza Chelsea nk’umutoza mukuru mukwezi kwa 7 2019. Mu mpeshyi ishize yatakaje amafaranga abarirwa muri miliyoni 200 z’amapawundi mu kugura abakinnyi barimo Timo Werner, Kai Havertz, ndetse n’abandi benshi

Benshi bari biteze ko nyuma yo kugura amazina akomeye y’abakinnyi uyu yashoboraga kuba agiye kwegukana igikombe n’iyi kipe yahoze akinira, gusa ntibyaje kugenda neza. Asezerewe iyi kipe ya Chelsea ihagaze habi, kuburyo bikomeje gutya byazanagorana kubona umwanya wo gukina muri champions league. Mu itangazo Chelsea yatanze bagize bati: “biragoranye cyane gufata uyu mwanzuro, gusa turashimira Lampard kubyo yagezeho ari umutoza mukuru wa Chelsea.

Icyakora imyitwarire y’ikipe muriki gihe ntabwo ihuye n’intego yacu”
Bakomeje bagira bati: “iyi myitwarire idashimishije yatumye ikipe yacu kuri ubu ihagaze mu myanya mibi, ndetse nta nikizere cyari gihari cyuko byasubira mu murongo muzima. ubundi nta buryo nabumwe nabumwe ikipe nka Chelsea yagakwiye gutandukana n’uwakanyujijeho iwacu nka Lampard, ariko nyuma y’amasuzuma twakoze twasanze hagomba kubaho impinduka kugira ngo ikipe igaruke mu murongo muzima wo kubona amanota akenewe”

[kwamamaza]

Chelsea kuri ubu iri ku mwanya wa 9, iheruka gutsindwa na Arsenal kuwa 26/12 ndetse na Man City kuwa 03/01, byatumye benshi batangira kwibaza ku hazaza ha Lampard muri Chelsea none birangiye yirukanywe.

VIDEO WAREBA