Irani yavuze ko itazigera itumiza inkingo za Covid-19 za Amerika n’Ubwongereza kuko itazizeye.

Kuri uyu wa gatanu umuyobozi w’ikirenga wa Iran Ayatollah Ali Khamenei, yabujije leta y’igihugu cye gutumiza, inkingo za Covid-19 zakorewe muri leta zunze ubumwe za America, no mu bwongereza.

Uyu muyobozi avuga ko ibihugu byo mu burengerazuba bw’isi atari ibyo kwizerwa. Ibi bivuzwe kandi mu gihe Iran iri mu bihugu byo muburasirazuba bwo hagati, byazahajwe na covid-19 ndetse nanubu ikaba ikiri gukwirakwira.

Ubwo yatangaga ijambo kuri televiziyo y’igihugu, uyu muyobozi yumvikanishije neza ko America n’ubwongereza bidacana uwaka na Iran, bishobora kuba bishaka gukwirakwiza Covid-19 ku bushake.
Gusa uyu muyobozi avuga ko Iran ishobora kwemerera inkingo ziturutse mu bihugu byizewe. Nta bisobanuro birenzeho yavuze kuriyi ngingo, ariko bizwi neza ko Ubushinwa n’Uburusiya bisanzwe ari inshuti zikomeye na Iran. Iran kandi ntiyicaye gutyo gusa, kuko yatangiye kugerageza urukingo rwayo rwakorewe imbere mu gihugu. Uru rukingo ruri kugeragerezwa ku bantu babihisemo kubushake bwabo guhera mukwezi kwa 12 umwaka ushize.

[kwamamaza]

Iran ivuga ko uru rukingo ubwo ruzaba rumaze kugenzurwa, rushobora kuzafasha icyo gihugu kurwanya Covid-19, dore ko icyo gihugu cyazahajwe n’ibihano cyahawe na America byanatumye gitakaza ubushobozi buhagije bwo kuba cyatumiza inkingo hanze. Iran kandi ivuga ko ititaye ku kuba ubuyobozi bushya bwa Amerika bwakuraho ibi bihano bitayishishikaje kabone niyo byavanwaho ntacyo bizahindura ku mibanire yabo.

VIDEO WAREBA