Nkuko Uburusiya budasiba gutungura isi, nanubu bagarukanye ikoranabuhanga ryo ku rwego rwo hejuru, nyuma yuko bumuritse igifaru kidasanzwe gishobora kwikoresha ku rugamba (AI Tanks).
Iki gifaru kidasanzwe bivuze ko kidakenera umushoferi numwe cyangwa umuntu ukirashisha ahubwo byose kibikora kugiti cyacyo. Iki gifaru kandi ngo kizakora akazi gakomeye cyane kuko kitezweho ubushobozi bwo gutahura ahantu hose ibifaru Ubudage na America baherutse kwemerera Ukraine ndetse kikazajya gihita kibisenya, ibi byose ni inzira zinyuranye Uburusiya bushaka gukoresha mu rwego rwo gukomeza guhangana na America yifatanyije n’abanyaburayi bakihisha mu mutaka wa Ukraine.
Ubudage buzaha Ukraine ibifaru 14 byitwa Leopard 2, mu gihe America yemereye Ukraine ibifaru 31 byitwa Abrams cyane cyane biriya by’Ubudage ni ibifaru bikomeye cyane kandi biteye imbere ariko Uburusiya nabwo bwanze kwicara ubusa budafite intwaro yo guhangana n’umwanzi. Hagiye gushira umwaka Uburusiya butangiye ibikorwa bidasanzwe bya gisirikare muri Ukraine kuva icyo gihe America ninshuti zayo zi burayi ntabwo zirigera ziryama umunsi kuwundi bakora ibishoboka ngo barebe ko bagamburuza Uburusiya bukava muri Ukraine nubwo nayo yakomeje kubabera ibamba.
