Irebere ubuhanga buhanitse bw’umushushanyi wa mbere ku isi, akomeje gutangaza benshi.

Uyu munyabugeni ukoresha amarangi amaze kwandika amateka ku isi nzima, yitwa Sergio Odeith akaba akomoka mu mujyi wa Lisbon, mu gihugu cya Portugal. Uyu aratangaje cyane kuko akoresheje amarangi arashushanya kuburyo ikintu yashushanyije benshi bacyibeshyaho baziko ari icya nyacyo.

Mu by’ukuri ibishushanyo bigira benshi kwemera ko bishushanyije, cyane cyane bijyanye nuko biba bigaragara nkaho ari ibya nyabyo. Gusa nubwo ibye byose birimo ubuhanga butangaje icyavugishije benshi ku isi ndetse kikazenguruka kumbuga zitandukanye ni ahantu yagiye ku nzu itagikoreshwa akoresheje amarangi akayihinduramo imodoka yo mu bwoko bwa bisi (bus) yashaje cyane, benshi bagiye bakubita imitwe ku gikuta baziko bagiye kwinjira mukimodoka cyasaziye ahantu.

Mu by’ukuri iki gishushanyo cya Odeith ukikibona ubu ubona ari imodoka yatawe ahantu ikahasazira. Gusa benshi bamenya ko ari igishushanyo gihari iyo beretswe ifoto yaho atarahashushanya ari inzu igaragara gusa ndetse bakabereka nindi foto yaramaze kuhashushanya. Uyu mugabo kandi aratangaje kuko bwa mbere ajya gukora ibi yabanje kwandika ku rukuta rwe rwa Instagram ashyiraho ifoto yiyo nzu, arababaza ati nimufore ikintu nzabyazamo hano. Bidatinze nyuma y’iminsi itatu icyari inzu yaje yagihinduyemo imodoka yajugunywe.

Benshi mu babona ibishushanyo kumbuga zinyuranye hari n’igihe birangira batabashije gutandukanya igishushanyo n’ifoto y’ikintu. Uyu mugabo amaze kwerekana neza ko irangi ryonyine rishobora gukora byinshi abantu batajya batekereza. Amaze kugera kurundi rwego kuburyo ibishushanyo bye biba bihenze cyane ariko kandi ntanubwo bimara umwanya ku isoko kuko bahita babigura.

[kwamamaza]

Nka kimwe mu byamenyekanye cyane aho yashushanyije ikivumvuri, icyo gishushanyo yakigurishije ama euro 1500, ni amafranga y’u Rwanda asaga miliyoni imwe n’igice. Odeith

VIDEO WAREBA