Irebere zimwe muri telefone zitazongera gukoresha WhatsApp guhera 2021. Wasanga niyawe irimo.

Urubuga nkoranyambaga rwa whatsapp rusanzwe rumenyereweho gukora amavugurura (updates) mashya inshuro nyinshi, ibyo rero bituma telefone zifite ubushobozi bucye zitakaza amahirwe yo gukomeza gukoresha WhatsApp ndetse bigasaba ko ba nyirazo bagura izindi.

Ibi rero ninako bizagenda mu ntangiriro z’umwaka utaha wa 2021, telefone nyinshi zaba Android na iPhone zizafungirwa mu gukoresha urubuga rwa WhatsApp biturutse ku mavugurura mashya azaba yakozwe, izi telephone zitazabasha kwakira. Ninayo mpamvu tugiye kubaha urutonde rw’izi telephone kugira ngo n’abasomyi bacu bazitunze babe bitegura kugura izindi.

Duhereye nko kuri iPhones zizatakaza WhatsApp burundu harimo iPhones zose zifite iOS iri munsi ya 9. Bishatse kuvuga ko iPhones 4 zose ndetse nizayibanjirije zitemerewe gukoresha WhatsApp guhera muri 2021. Icyakora abatunze iPhones 4s,5,5s,6 na 6s bo bazakenera gusazura gahunda za telefone zabo (updates operating system) bazishyire ku 9 maze bakomezee kwikoreshereza WhatsApp.

WhatsApp kandi ntabwo izongera gukora muri telefone za android zikurikira harimo telefone zose zifite android iri munsi ya 4.0.3 nka: HTC Desire, LG Optimus Black, Motorola Droid Razr, ndetse tudasize na Samsung Galaxy S2. Izi zose ntizizongera gukoresha WhatsApp ukundi.

Wakwibaza uti ese nakomeza gukoresha WhatsApp gute mugihe mfite imwe murizi phone?

Hari abantu bafite izi telefone ariko bakazabasha gukoresha WhatsApp nyamara abandi bazaba bayitakaje, bamwe muri aba ni abamaze kuvugurura (gusazura) imikorere ya telefone harimo nka android security patch level niba waramaze gukora updates ndetse ukaba ufite patch level ya vuba ushobora kuzagumana WhatsApp ikindi gihe nyamara abandi bamaze kuyitakaza, bitabaye ibyo byazagusaba kugura indi phone.

[kwamamaza]

Ese wowe utunze iyihe telefone?

VIDEO WAREBA