Kuri ubu haribazwa icyo inkingo za Covid-19 zizakoreshwa nyuma yuko abaganga zari zigenewe banze kuzifata.

Nubwo abantu bakomeje guhitanwa na Covid-19 muri leta zunze ubumwe za America, abaganga ndetse n’abandi bakora mu nzego z’ubuzima nka bamwe mu bari bahiswemo ngo bazahabwe urukingo rwa covid-19 banze gufata urukingo rwa covid-19 mu gihe abandi bari kubigendamo gacye, nyamara aba bari kwanga uru rukingo mu gihe abahanga mu bushakashatsi bamaze kwemeza ko uru rukingo ntakibazo na kimwe rufite ku buzima bw’umuntu.

Guverineri wa leta ya ohio muri America bwana Mike DeWine avuga ko ahangayikishijwe n’ukuntu abaganga ndetse n’abakora mu nzego z’ubuzima benshi, banze gufata uru rukingo mu gihe byari byitezwe ko bazabyitabira. Uyu guverineri avuga ko byibuze abaganga n’ababafasha mu nzego z’ubuzima basaga 60 ku ijana banze gufata uru rukingo. Hari umuganga w’inzobere witwa Dr. Joseph Varon we yemeje ko kimwe cya kabiri cy’abaganga ayoboye bamaze kwemeza ko batazigera bemera gufata urwo rukingo.
Uretse abaganga kandi, bamwe mu bakora mu mirimo y’ubutabazi bwihuse nabo bavuze ko batazigera bemera guterwa urwo rukingo.

Nk’abazimya imiriro, abagera kuri 55 ku ijana bavuze ko batazigera bafata bemera guterwa urwo rukingo rwa Covid-19. Ndetse kuri ubu hari gutekerezwa icyo inkingo zisigaye zizakoreshwa nyuma yuko abari bazigenewe banze kuzifata.

[kwamamaza]

Muri rusange abaganga ndetse n’abakora mu nzego z’ubuzima bavuga ko imwe mu mpamvu banze gufata urukingo rwa Covid-19 ari uko batazi neza ingaruka rushobora kubagiraho nyuma yo kuruhabwa, uretse nibyo kandi aba bavuga ko batazi niba koko izo nkingo zizewe.

VIDEO WAREBA