MEXIQUE: Umuganga arembeye mu bitaro nyuma yo guhabwa urukingo rwa Covid-19.

Ubuyobozi mu gihugu cya Mexique buri gukora iperereza ku makuru yuko umuganga w’imyaka 32 arembeye mu bitaro, nyuma yuko ahawe urukingo rwa Covid-19 rwakozwe na Pfizer-BioNTech.

Uyu mugangakazi utatangajwe izina, bivugwa ko yajyanwe mu cyumba cy’indembe mu bitaro bya leta muri leta ya Nuevo Leon muricyo gihugu cya Mexique. Ibi bikaba byakozwe nyuma yuko uyu muganga agaragaje ibimenyetso birimo nko kubura umwuka ndetse no kubabuka uruhu, akimara gufata urukingo rwa Covid-19.

Uretse ibyo kandi uyu muganga ngo yabanje kugira ibimeze nk’ibikomere ku bwonko, ndetse aza kubabara no murutirigongo. Nyuma yuko ibyo bibaye ibigo bibiri byakozwe urwo rukingo aribyo Pfizer na BioNTech ntakintu nakimwe byigeze bitangaza nkuko nahandi hose byagenze habaye iki kibazo.

Muri Mexique abantu ibihumbi 126,500 bamaze guhitanwa na Covid-19. Iki gihugu kikaba cyatatangiye gukwirakwiza urukingo rwa Covid-19 gihereye kubakora mu nzego z’ubuzima, guhera kuwa 24 Ukuboza 2020.

[kwamamaza]

Ese wowe urukingo rwa Covid-19 witeguye kurufata mu gihe rwaba rugejejwe mu Rwanda?

VIDEO WAREBA