Mu by’ukuri kurota ukora imibonano mpuzabitsina bisobanuye iki? Menya byinshi kurizi nzozi.

Hafi ya buri muntu ku isi, byibuze aba yarigeze kurota inshuro imwe ari gukora imibonano mpuzabitsina mu nzozi. Ibi nibintu biba ku bantu hafi ya bose ndetse buri wese abona bimubaho gutyo gusa. Icyakora nubwo biba kubantu bose, ariko nanone usanga byiganza cyane mu rubyiruko n’abakiri bato.

Gusa nanone kurota ukora imibonano mpuzabitsina bihabwa ibisobanuro byinshi bitewe n’ubisobanura. Ariko nanone bifite ubusobanuro bwa nyabwo. Abasobanura inzozi bifashishije ijambo ry’Imana akenshi basobanura izo nzozi nk’imyuka mibi iba yateye nyiri kurota. Gusa cyane cyane muri Africa izi nzozi zihabwa ubusobanuro bwinshi rimwe na rimwe zigahuzwa n’umwaku.

Icyakora nubwo abasenga bashobora kukubwira ko watewe n’amashitani cyangwa n’imizimu, kurundi ruhande hari abashobora kukubwira ko niba warose usambana n’umuntu ngo byanze bikunze uba waraye usambana n’amadayimoni bya nyabyo. Gusa abahanga mu miterere y’ubuzima bw’ikiremwamuntu bo batangaza ibinyuranye n’ibyo, iyo bageze ku kurota ukora imibonano mpuzabitsina.

Aba bavuga ko kugira ngo umuntu arote ari gukorana imibonano mu nzozi yaba ayikorana n’umuntu azi cyangwa atazi, ntakintu kidasanzwe bisobanuye ahubwo biba bivuze ko umubiri wawe ukeneye icyo gikorwa. Bavuga ko akenshi iby’inzozi burya bishingira ku buzima busanzwe umuntu abamo buri munsi, byumvikana neza ko rero niba urose ukorana imibonano mpuzabitsina n’umuntu runaka, umubiri wawe uba ukumbuye gukora icyo gikorwa.

Nuramuka ubirose rero akenshi ujye usubiza amaso inyuma wibuke neza igihe ubiherukira. Ibi ngo biterwa nuko umubiri ufatika w’umuntu buri gihe ukorana ndetse ukuzuzanya bya hafi n’ubwonko, rero niba ushatse gukora imibonano mpuzabitsina ntubikore, nubwo umubiri wabyibagirwa ntibivuze ko ubwonko bwabyibagiwe, bituma rero iyo uryamye ugasinzira bwa bwonko bubona umwanya mwiza wo kugarura ibitekerezo fatizo bimwe na bimwe nkibyo umubiri ukeneye kurusha ibindi.

Kurota kandi ukorana imibonano n’umuntu utazi burya nabyo ngo uba ukwiye kubyitondera, ibi nukubera ko uwo muntu utazi ngo ashobora kuba ari umuntu muzabana ariko mukaba mutarahura, roho zanyu rero zo ziba zamaze guhura ndetse zikajya kure mubikorwa by’urukundo kugeza naho muryamana.

[kwamamaza]

Ese wowe waba warigeze urota uri gukorana n’umuntu imibonano mpuzabitsina? Ese ubitekerezaho iki?

VIDEO WAREBA