Mu magambo ababaje Wema Sepetu yavuze ukuntu yababajwe n’umubano wa Diamond na Zari umwaka wose

Mu gihe muri iyi minsi Zari Hasani yagarutse muri Tanzania ndetse hagasohoka amashusho menshi ari kumwe na Diamond, undi mugore wahoze akundana na Diamond wanigeze kuba Miss wa Tanzania ariwe Wema Sepetu, yavuze ukuntu yababajwe cyane nukuntu Diamond yamutaye ndetse akajya kwikundanira na Zarinah Hassan (Zari).

Diamond na Zari n’abana babo babiri ubwo barebaga umupira muri iyi minsi barikugaragara kenshi bari kumwe.

Sepetu yagize ati: “diamond ni umugabo w’urukundo rwinshi. Gusa uyu yari uwanjye wese wese, ibyo mvuga ndabisubiramo yari uwanjye wese wese. Twagiranye indahiro ntazibagirwa ndetse iyo ndahiro yari irimo no kuvanga amaraso. Kugira ngo byumvikane neza, mwamenya ko njye na Diamond twafashe icyuma tukikeba kurutoki maze tukavanga amaraso yacu. Icyo gihe twagiranye igihango ndetse duhana indahiro ko tubaye umwe kandi umwe azahora ari umurinzi w’undi”

Diamond na Wema Sepetu kera bagikundana


Yakomeje agira ati: “tumaze kurahira indahiro hagati yacu ndetse no kuvanga amaraso yarigase amaraso yanjye yari ari kurutoki rwe nanjye ndigata aye yari ari ku rutoki rwanjye”.

Uyu mugore w’imyaka 30, avuga ko nyuma yaje kugira agahinda gakomeye, amaze kumva ko Diamond yateye inda Zari, ndetse akaba yaramaze umwaka urenga agahinda kakimushengura.
Uyu mugore avuga ko amezi abiri ya mbere yamubereye ukuzimu ndetse bigakomeza mu gihe kirenga umwaka, uyu avuga ko iyo yarebaga Zari na Diamond ubuzima babanyemo ngo yibukaga ko yakagombye kuba ariwe uri mu mwanya wa Zari ngo bigatuma ashegeshwa kurushaho. Gusa ngo yaje kugeraho abona ko ari ubuzima ndetse agomba kubyakira.

Gusa nubwo aba bamaze igihe kinini ntaho bahurira, mu mwaka wa 2018 ubwo Diamond yatandukanaga na Zari byavuzwe cyane ko Sepetu na Diamond bagiye gusubirana. Gusa nyina wa Sepetu yaje kunyomoza aya makuru ndetse avuga ko adatekereza ko umukobwa we azigera asubirana na Diamond. Nyina yavuze ko nubwo diamond ari inshuti n’umukobwa we ariko mu buryo busanzwe, ariko ibyo kongera gukundana ntabihari ndetse ko abizi neza.

Diamond nyuma yo gutandukana na Zari ntibyarangiriye aho yaje no kubana nundi mukobwa wo muri Kenya Tanasha ndetse banabyarana umwana umwe, byanavuzwe cyane ko bagiye gukora ubukwe ariko buza gupfa ku munota wa nyuma kumpamvu zitigeze zitangazwa. Aba nabwo baje gutandukana ndetse kugeza ubu ntawundi mukobwa cyangwa umugore Diamond yari yatangaza ko bakundana.

[kwamamaza]
Tannasha Donna hamwe na Diamond. Uyu mukobwa niwe baherutse gutandukana babyaranye umwana w’umuhungu

VIDEO WAREBA

Be the first to comment

Leave a Reply

Your email address will not be published.


*