Mu marangamutima menshi Cristiano Ronaldo yavuze byinshi ku mibanire ye na Messi.

Uyu mukinnyi rurangiranwa wa Juventus Cristiano Ronaldo, yashyize arerura avuga ku mubano we, n’uyu mukinnyi w’igihangange Lionel Messi. Nyuma y’umukino Juventus yatsinzemo Barcelona ibitego 3-0, Cristiano Ronaldo yavuze ko atigeze na rimwe afata Lionel Messi nk’umukeba ahubwo ko ari inshuti ye byeruye.

Muri uyu mukino Cristiano yatsinzemo ibitego 2 bya penaliti ndetse bituma Barcelona isoza uruhererekane rw’imyaka irindwi yarimaze itaratsindirwa ku kibuga cyayo, muri champion’s league. Nibwo bwa mbere Cristiano yari yongeye guhurira na Messi mu kibuga kuva avuye muri Real Madrid muri 2018, byarangiye rero avuze byinshi ndetse aca impaka kubantu bakekaga ko aba bagabo batavuga rumwe.

Ronaldo yagize ati: “kuva kera nahoze mfitanye ubucuti bukomeye na Messi. Nkuko nabivuze na mbere, mumyaka 12, 13, 14, njye nawe twagiye dusangira ibihembo binyuranye. Niyo mpamvu rero njye ntamufata nk’umucyeba. Yakoreye ikipe ye ibishoboka byose, nikimwe nanjye nuko bimeze, uretse nibyo rero twahoze dufitanye umubano mwiza kugeza nubu. Nzi neza ko niyo nawe wamubaza azasubiramo ibi mvuze kuko ariko kuri”

Yakomeje agira ati: “icyakora mu mupira w’amaguru uzasanga abantu barema ubukeba ndetse butanahari, gusa byose babikora akenshi kugira ngo bacuruze ndetse bavugishe n’abantu byinshi” aba bagabo babiri bafatwa nkaba mbere ku isi mu mateka y’umupira w’amaguru. Ibi nukubera ko bamaze imyaka irenga 10 aribo bayoboye uruhando rw’isi mu mupira w’amaguru ndetse bakaba arinabo bihariye ibihembo byinshi.

Kugira ngo ubyumve neza mu myaka 12 ishize aba bihariye Ballon d’Or 11, aho Messi afite 6 naho Cristiano akagira 5.

[kwamamaza]

VIDEO WAREBA