Mushiki wa Diamond yatandukanye n’umugabo nyuma y’amezi 3 babanye

Esma Platnumz usanzwe ari uva inda imwe n’umuhanzi Diamond platnumz biri kuvugwa ko yatandukanye n’umugabo we witwa Msizwa Maulid, nyuma y’amezi atatu gusa bakoze ubukwe. Kuwa 05 Ugushyingo nibwo uyu mugore yanditse ku rukuta rwe rwa Instagram amenyekanisha aya makuru ku bamukurikira bose.

Mu mwaka w’ibibazo n’ibisubizo yari yahariye abakunzi be bamukurikira kuri Instagram, Esma washyingiwe kuwa 30 Nyakanga 2020 yavuze ko yiyemeje gutandukana n’umugabo we ngo kuko yirirwaga atereta abandi bagore cyane cyane abo kuri Instagram ngo bigatuma yumva adateganye na gato.

Esma platnumz, mushiki wa Diamond Platnumz

Uyu mugore yagize ati: “gushyingiranwa na Msizwa byari ibintu bibi cyane. Nubwo umusore twahoze dukundana nawe yavuganaga n’igitsina gore cyane ariko ntabwo byo byanteraga ikibazo kuko we yari icyamamare. Ibyo rero byatumaga kuba kumbuga nkoranyambaga kenshi byari bifite ishingiro. Nyuma rero naje gushyingiranwa n’umugabo udasanzwe ari icyamamare, gusa tukimara gushyingiranwa natumye amenyekana cyane”.

Msizwa Maulid n’umugore we Esma Platnumz mbere yuko batandukana

Yakomeje agira ati: “uyu mugabo wasangaga asa naho yibagiwe ko ari umugabo wundi mugore ugasanga umwanya munini awumara yandikirana n’abandi bagore abaryoshyaryoshya”. Uyu mugore usanzwe afite abana babiri yabyaranye n’abandi bagabo, yashyingiranwe na Msizwa ari umugore wa gatatu w’uyu mugabo. Uyu mugore ubwo yabazwaga impamvu yemeye gushyingiranwa n’umugabo ufite abagore barenze umwe, yavuze ko yabikoze agamije kugira amasomo yiga, kandi ko iyo umuntu gufata isomo hari igitambo atanga kugira ngo iryo somo aribone.

[kwamamaza]
Mbere Diamond na Nyina mu mihango yo gushyingira mushiki we

Reka tubibutse ko musaza w’uyu mugore ariwe Diamond Platnumz amaze gutandukana n’abagore babiri nawe, ndetse abantu bakaba bavuga ko mu muryango wabo bimaze kuba umuco gutandukana nabo bashakanye.

VIDEO WAREBA