OMS: Irasaba ko kwikingiza Covid-19 bidakwiye kuba itegeko ku baturage.

Ishami rya ONU ryita ku buzima OMS, ryemeje ko kwigisha no gusobanurira abantu ibyiza byo kwiteza urukingo rwa Covid-19 bishobora kuzatanga umusaruro mwiza kurusha gutegeka abantu kurufata ku itegeko. Gusa ivuga ko kuriyo ngingo buri gihugu gifite uko kizatunganya umugambi wo gukingira abaturage bacyo.

Umuyobozi mukuru ushinzwe urwego rw’inkingo muri OMS bwana Kate O’Brien yavuze ko guhatira abantu kwiteza urukingo ku ngufu yaba ari inzira idakwiye ndetse ko byagaragaye ku zindi nkingo zagiye zikoreshwa mu bihe byashize.
Icyakora O’Brien yavuze ko bishobora kuba ibwirizwa ntakuka ku bakozi bakora mu birebana n’ubuzima bose, mu rwego rwo gusigasira ubuzima bw’abarwayi bakurikirana. Gusa OMS ivuga ko hakwiye gushyirwaho uburyo bwo kwigisha no gusobanurira abantu inyungu zo kwikingiza.

Mu gihe inkingo za Covid-19 zigiye gutangira guterwa abaturage yaba mu minsi micye ndetse no mumezi azakurikira, umuyobozi wa OMS bwana Adhanom Ghebreyesus yasabye ibihugu kuzatangirira ku babangamiwe cyane kurusha abandi.

Adhanom yavuze ko cyane cyane abakozi bo kwa muganga ndetse n’abafite indwara zikomereye imibiri yabo cyane cyane abafite imyaka yigiye hejuru bari mu babangamiwe kandi bagomba kwitabwaho mbere yabandi.

[kwamamaza]

Urukingo rwa covid-19 rukomeje kutavugwaho rumwe, aho bamwe bavuga ko rushobora kuba rubitse ibindi bintu kurusha uko ari ukuvura. Abandi barufiteho impungenge biturutse kukuba ngo rwarabonetse mu gihe gito, ibintu bitamenyerewe mu kuvumbura urukingo kuko ubusanzwe byajyaga bifata imyaka iri hejuru y’icumi.

VIDEO WAREBA