Papa Francis agereranya gukuramo inda no gukodesha umwicanyi.

Ibi umushumba wa kiliziya gatolika ku isi, yabitangaje ubwo yakanguriraga abagore bo muri Argentine ari naho avuka, gukora imyigaragambyo yamagana itegeko rishya ryagiyeho muricyo gihugu rikuraho igihano ku muntu wakuyemo inda, papa kubwe abona ibi ari nko gukodesha abicanyi babigize umwuga.

Uyu wahoze ari musenyeri mu murwa mukuru w’iwabo Buenos Aires, yabitangaje abinyujije mu rwandiko yoherereje abagore bakoraga imyigaragambyo yamagana iryo tegeko. Uyu Francis w’Imyaka 81, yavuze ko igihugu cya Argentine gifite amahirwe yo kugira abagore bafite umutima ukomeye nkabo, bakabasha kwamagana ikibi babonye, yabasabye kubikomeza ndetse bakongeramo imbaraga.

Aba bagore bari bandikiye papa Francis ko batangiye gupanga iyi myigaragambyo mu mwaka wa 2018, ubwo iri tegeko ryari rikiri munyigo mu nteko ishinga amategeko. Byongeye gukurura impaka, mu ntangiriro z’iki cyumweru, ubwo perezida Alberto Fernandez uyobora icyo gihugu yashyiraga hanze imbanzirizamushinga yanyuma yiryo tegeko ryemerera buri wese gukuramo inda kandi ntakurikiranwe.

Abagore batuye mu nkengero z’umurwa mukuru Buenos Aires rero bavuze ko ibitekerezo byabo mu nteko biri kwirengagizwa, bityo bandikira papa Francis kugira ngo abafashe kubavuganira mu nteko bityo ijwi ryabo rihabwe agaciro. mu kubasubiza papa yarabashyigikiye aho yavuze ati: “ikibazo cyerekeranye no gukuramo inda ntabwo kwikubitiro gishingiye ku myemerere n’amadini, ahubwo gishingiye ku burenganzira bw’ikiremwamuntu. Ibi rero birenze imyemerere ndetse birenze idini iryariryo ryose”
Yakomeje agira ati: “reka mbabaze ibibazo bibiri byoroshye, ese byaba bikwiye ko twahitana ubuzima bw’ikiremwamuntu kugira ngo dukemure ikibazo runaka? Ese birakwiye ko dukodesha abicanyi kugira ngo dukemure utubazo tworoshye?”

[kwamamaza]

Ubusanzwe mu gihugu cya argentine, gukuramo inda byajyaga bihanishwa gufungwa. Umuntu wabaga wemerewe gukuramo inda nuwabaga yafashwe kungufu cyangwa bikaba bigaragara ko inda ishobora kugira ingaruka k’ubuzima bwe. Perezida wa argentine kuri ubu avuga ko bagiye kwemerera buri wese agakuramo inda mu rwego rwo kugabanya abazikuramo rwihishwa bakaba bahaburira n’ubuzima.

VIDEO WAREBA