Perezida Museveni yerekanye ubuhanga yihariye mu mupira w’amaguru bose baratangara.

Mu muhango wo gufungura ishuri ry’umupira w’amaguru rya Tororo, perezida Yoweri Kaguta Museveni wa Uganda yatunguye benshi ubwo yateraga umupira abantu bakumirwa.
Perezida Museveni we ubwe yemeza ko ibyo akora byose abikora neza kandi vuba, akaba yahisemo gufata umupira akawutera ku kirenge inshuro nyinshi cyane (Keepie Uppie).

Mu ijambo ryo gufungura iryo shuri perezida Museveni yasezeranyije abanya Uganda ko leta igiye gushyira ingufu mu mikino mu gihe cy’imyaka itanu ikurikiye. Perezida Museveni avuga ko ibi bigomba gukorwa bahereye ku gushyiraho gahunda iboneye kandi inyuze mu mucyo yo gushakisha ndetse no kuzamura impano mu bakiri bato kandi bikagera kuri bose ntakuvangura.
Avuga ko kandi imikino n’imyidagaduro bigomba gushinga umuzi bihereye mu mashuri mato n’amakuru ndetse hagashyirwaho amarushanwa ahuza amashuri yose.

Museveni abinyujije ku rubuga rwe rwa twitter yagize ati: “mu myaka itanu iri imbere, intego yacu ikomeye nukuzamura urwego rwa siporo, by’umwihariko imikino nk’umupira w’amaguru, ngororamubiri na Netball nibimwe mubyo tuzibandaho. Ibi bizakorwa twibanda ku gushyiraho gahunda iboneye yo gushakisha no kuzamura impano, ndetse no gushyiraho gahunda z’imikino mu mashuri yose”

[kwamamaza]

Muriyi myaka ishize siporo muri Uganda yateye imbere cyane kuburyo nko mu mupira w’amaguru ikipe y’igihugu imaze kujya mu gikombe cya afurika inshuro ebyiri yikurikiranya. Mu mikino ngororamubiri abakinnyi bakomoka muri Uganda begukanye imidari ikomeye ku rwego rw’isi

VIDEO WAREBA