Perezida Trump yatunguye benshi avuga ko azatangira kwiyamamariza manda itaha ubwo Biden azaba ari kurahira mukwa mbere.

Perezida Donald Trump utajya ubura amakuru avuga ko ari guteganyya kuzateranya inama izahuza abaturage benshi, ubwo perezida mushya watowe azaba ari kurahira ku itariki ya 20 Mutarama 2021. Trump yavuze ko iyi nama azateranya ntakindi izaba ivuga uretse kumenyesha abayoboke be imigabo n’imigambi ye kuko ngo ashaka kuzongera kwiyamamaza mu mwaka wa 2024 ubwo Biden azaba ashoje manda ye.

Perezida Trump avuga ko afite abayoboke benshi ko ndetse bazakomeza kumushyigikira na nyuma yuko azava muri perezidanse ngo bitewe nuko Joe Biden n’ishyaka batumye abanyamerika barambirwa. Amasoko y’amakuru yegereye ibiro bya perezida avuga ko Trump ngo atiteguye kurekurira ubutegetsi Biden mu nzira zoroshye kandi azatangirira ku munsi Biden azarahiriraho amutware abantu bituma Biden abona abantu bacye bazitabira irahira rye.

Donald Trump ngo ari gupanga kuzahuza neza neza amasaha ya mitingi ye ndetse n’amasaha Joe Biden azaba ari kurahiriraho yaba kumunsi nyirizina wo kurahira ndetse n’iminsi izabanziriza icyumweru uwo muhango uzaberamo. Biramutse bigenze uku, Trump yaba ariwe mu perezida wa mbere wanze kwitabira irahira rw’uwumusimbuye kandi byari bisanzwe byerekana ko bahererekanyije ububasha ku bushake no muhoro.

Nyamara nubwo Trump nta gahunda afite yo kuzitabira irahira rya Biden mu mwaka wa 2017 ubwo yaragiye kubutegetsi, perezida Obama wari ucyuye igihe ndetse na Biden wari visi perezida we bitabiriye umuhango w’irahira rya Donald Trump. Uku guhangana kwa Trump kandi gukomeje nyuma yahoo yari amaze iminsi yiruka mu nkiko atanga ibirego ko yibwe amajwi mu matora yabaye kuwa 03/11/2020.

Perezida Trump yakomeje kwerekana ko atishimiye ibyavuye mu matora, ariko nanone muminsi yabaye nkuca amarenga ko azava muri perezidansi mu mahoro inzego zibishinzwe niziramuka zemeje ko koko Biden ariwe watsinzwe bidasubirwaho. Trump rero bivugwa ko nyuma yuko atsinzwe amatora mu mwaka wa 2024 azongera agahatana ndetse ko imbanzirizamushinga yo gutanga kandidatire ye, izatangazwa kumunsi umwe, amasaha amwe neza neza nayo perezida Biden azarahiriraho kuwa 20/01/2021.

[kwamamaza]

Perezida Trump kandi yemeza ko na nyuma yo kuva kubutegetsi ngo azakomeza kwigaragaza, ndetse ko itangazamakuru ngo ariwe rizitaho cyane bitewe nuko ngo Biden asinziriza abantu ndetse bakaba batiteguye ko hari agashya azazana mu gihugu. Nkuko bisanzwe perezida mushya wa America arahira kuwa 20 Mutarama, ninayo mpamvu Joe Biden nawe ariho azarahira akazaba abaye perezida wa 46 wa leta zunze ubumwe za America.

VIDEO WAREBA