RWANDA: Polisi yemeje itabwa muri yombi rya Idamange Iryamugwiza Yvonne, wanakubise umupolisi icupa.

Mu itangazo ryashyizwe hanze na Polisi y’u Rwanda mu masaha y’ijoro yo kuri uyu wa mbere ryemezaga ko Polisi ifatanyije n’urwego rw’iperereza RIB bataye muri yombi madamu Idamange Yvonne.
Uyu mugore amaze iminsi mu mitwe ya benshi bitewe n’amagambo akomeye yagiye avugira ku rubuga rwa YouToube.

Mu itangazo police yashyize hanze ryagiraga riti: “kuva kuwa 31/01/2021, madamu IDAMANGE IRYAMUGWIZA Yvonne yagaragaje imyitwarire idahwitse yo kwijandika muri politike, gukora ibyaha binyuranye ndetse bivanzemo n’ubusazi, akaba yarabikoreye ku mbuga zinyuranye zo gutangaza amakuru. Ibi rero byatumye inzego z’ubutegetsi zitangira kumucungira hafi”

Itangazo rikomeza rigira riti: “ibyo rero byatumye ku mugoroba wo kuri uyu wa mbere tariki ya 15/02/2021, ahagana muma saa kumi z’umugoroba, polisi y’igihugu ifatanyije n’urwego rw’ubugenzacyaha mu Rwanda (RIB) bataye muri yombi madamu Iryamgwiza, akaba akurikiranyweho ibyaha bikomeye birimo: guteza imidugararo muri rubanda, guhangana n’abagiye kumuta muri yombi, kugaba igitero kuri umwe mubagize inzego z’umutekano.

Ushinjwa (Iryamugwiza) yifashishije icupa maze akomeretsa mu mutwe umwe mu bapolisi, wahise ajyanwa kwa muganga ku bitaro bya Kacyiru kugira ngo yitabweho”.

[kwamamaza]

Polisi y’u Rwanda ikaba yemeje ko hakomeje iperereza kugira ngo dosiye y’uyu mugore itundanywe.

VIDEO WAREBA