Rwanda: Umupadiri wa gatatu yishwe na Covid-19

Padiri Herménégilde Twagirumukiza wo muri diyoseze gatolika ya Butare mu majyepfo y’u Rwanda yapfuye azize Covid-19, nk’uko bivugwa n’umushumba w’iyo diyoseze.

Mu cyumweru gishize, Padiri Ubald Rugirangoga, umwe mu bazwi cyane mu Rwanda, yaguye muri Amerika azize indwara zazamuwe na Covid-19 nk’uko ibinyamakuru muri leta ya Utah aho yaguye byabivuze.

Uyu munsi, itangazo rya Musenyeri Philippe Rukamba wa Diyoseze ya Butare rivuga ko Padiri Herménégilde Twagirumukiza “yitabye Imana mu gitondo cyo kuri uyu wa gatatu azize Covid-19”.

[kwamamaza]

Uyu mupadiri wari mu zabukuru, muri uyu mwaka yari kuzuza imyaka 60 ari umusaserdoti, yakoze imirimo itandukanye muri Butare, no muri paruwasi za Ngoma na Nyanza.

VIDEO WAREBA