Ubushakashatsi bushya bwerekanye ko koza mukanwa byica tumwe mu dukoko twa Covid-19.

Ubu bushakashatsi bushya bugaragaza neza ko koza mukanwa (mouthwash) bishobora kwica udukoko twa coronavirus mu gihe cy’amasegonda 30. mu ntangiriro z’uyu mwaka ikipe y’abahanga bo muri kaminuza ya Cardiff mu bwongereza, yahamagariye gukora ubushakashatsi bwimbitse mu kureba niba koza mukanwa bushobora kuba bumwe muburyo bukora neza bwo kugabanya ikwirakwira ry’icyorezo cya coronavirus.

Bahereye ku kureba uruhare ry’umuhogo ndetse n’amacandwe mu gukwirakwiza agakoko ka Covid-19, ndetse bavuga ko bashingiye ku kuba covid-19 yoroherezwa n’amacandwe kororoka, gukaraba mukanwa kuburyo buhoraho kandi bwiza bishobora gufasha mu kwica tumwe mu dukoko twa covid-19. Ibi nukubera ko bifasha kurwanya imyororokere ya coronavirus ibera mukanwa ndetse no mu muhogo nka hamwe mu hantu heza covid-19 yororokera.

Kuri ubu rero iri tsinda ry’abashakashatsi ryashyize hanze bimwe mu byerekana ko koko koza mukanwa ari ukuri ko byafasha mu kugabanya kororoka kw’agakoko. Ibi babishingira ku kuba imiti myinshi yoza amenyo, iba igizwe na 0.07% bya “cetylpyridinium chloride” (CPC) ndetse ibi bikaba byerekana neza ko byica udukoko twa covid-19.

Ubu bushakashatsi bwakorewe muri laboratwari, bwerekana neza inzira zose zo mu muhogo agakoko kororocyeramo ndetse hifashishijwe umwe mu miti yoza mukanwa, ugashyirwa mukanwa k’umuntu urwaye covid-19 byica kuburyo bugaragara agakoko ka coronavirus.

Ishami ryita ku buzima ku isi OMS, rivuga ko koza mukanwa cyangwa kunyuguza mukanwa ukoresheje imiti yoza mukanwa nta bimenyetso bifatika byerekana ko birinda umuntu kwandura, gusa aho hari mukwezi kwa kabiri. Ubu rero bivugwa neza ko gukaraba mukanwa neza ukoresheje umuti wabugenewe bishobora kukugabanyiriza ibyago byo kwandura ariko nanone bakavuga ko bitakurinda 100% kwandura.

[kwamamaza]

KANDA HANO HASA UBURURU UREBE VIDEO

VIDEO WAREBA

Be the first to comment

Leave a Reply

Your email address will not be published.


*