Ubwoba bwibasiye abatuye isi nyuma yuko hadutse ubwoko bushya bwa Coronavirus.

Ibihugu binyuranye byatangiye gufunga inzira zose zibihuza n’ubwongereza, biturutse ku bwoba bwatewe n’ubwoko bushya bw’icyorezo cya Covid-19. Ubwo bwoko bushya bivugwa ko bwandura cyane ku kigero cya 70% ugereranyije na coronavirus yari isanzwe.

Nkubu igihugu cya Australia cyamaze gutangaza ko abaturage bacyo babiri bari bavuye mu bwongereza basanganywe ubwo bwoko bushya bwa covid-19. Nyuma yayo makuru rero ibihugu binyuranye nk’ubuhinde, uburusiya, Hong Kong, Polonye n’ubusuwisi byatangaje ko abantu baturutse mu gihugu cy’ubwongereza batemerewe gukandagira ku butaka bw’ibyo bihugu.

Minisitiri w’intebe w’ubwongereza bwana Boris Johnson yatangaje ko ubwo bwoko bushya bwandura ku kigero cyo hejuru cyane kurusha coronavirus isanzwe. Iri tangazo rya Boris ryatumye ibihugu birimo nka Koreya n’ubuyapani bitangira gukurikiranira hafi iby’iyo virusi nshya. Ibihugu bya Israel, Ubutaliyani, Ubudage, Ubufaransa, Canada, Ubuholande, Ububiligi ubu nabyo byamaze gufunga inzira zose zibihuza n’ubwongereza.

Uku kwaduka k’ubwoko bushya bwa coronavirus, kuva iminsi micye mbere yuko urukingo rwa covid-19 rukwizwa ku isi hose, byatumye benshi bagira ubwoba bukomeye, ibi ahanini nukubera ko iyi virusi nshya iramutse ikwiriye ku isi byatuma urukingo rwari rwarakozwe ruta agaciro ndetse ugasanga n’abaruhawe nta burinzi bagifite.

[kwamamaza]

Kugeza ubu abantu barenga miliyoni 77, bamaze kwandura coronavirus ndetse abasaga miliyoni imwe n’ibihumbi 700 ikaba imaze kubahitana ku isi hose.

VIDEO WAREBA