Umuhanzi Diamond yongeye guca agahigo kari gafitwe na Davido.

Diamond Platnumz umaze kwamamara ku mugabane wa Africa yongeye gukangura abantu nyuma yuko asohoye indirimbo nshya yiswe “Waah” yakoranye n’igihangange mu muziki “Koffi Olomide” ukomoka muri Congo Kinshasa.

Amashusho y’iyi ndirimbo yasohotse kuwa mbere w’iki cyumweru yakoze agashya cyane kuko mu gihe kitarenze amasaha 8 ishyizwe kuri youtube yari imaze kurebwa n’abarenga miliyoni. Nyuma y’amasaha 24, ikaba yari imaze kurebwa n’abasaga miliyoni 4,45. Iyi ni intambwe ikomeye muri muzika nyafurika.

Uku kurebwa ku buryo bukomeye kw’iyi ndirimbo rero byatumye Diamond aca agahigo kari gafitwe na Davido ubwo indirimbo ye yiswe “Fem” yasohoye mu ntangiriro z’uyu mwaka yarebwe n’abasaga miliyoni mu masaha 9 gusa. Ni ninshuro ya kabiri Diamond akoze agashya ku rubuga rwa YouTube nyuma yuko abaye umuririrmbyi wa mbere munsi y’ubutayu bwa sahara wujuje abantu miliyari kuri YouTube barebye indirimbo ze.

Ibi byatumye ajya hejuru y’andi mazina akomeye muri Africa nka “Burnaboy, Wizkid, Tiwa Savage, Patoranking” n’abandi… icyakora ukurebwa cyane kw’iyi ndirimbo nshya ya Diamond abantu banabihuza cyane no kuba yarayikoranye n’umuririmbyi kabuhariwe ku isi yose, ariwe “Koffi Olomide” uyu n’ubundi akaba asanzwe afite abakunzi benshi cyane mu mpande zose z’isi.

Indirimbo Fem ya Davido kandi twababwirako ubwo yasohokaga yarebwe n’abantu basaga miliyoni 14 mu mezi abiri gusa, ariko abahanga bemeza ko iyi ya diamond ishobora kwesa umuhigo wo kurebwa cyane mumezi abiri kuko bavuga ko ikomeje ku muvuduko iriho mu mezi abiri yaba yaramaze kunyura kuriyi ya Davido.

Nyuma yo kuzuza abantu miliyoni mu masaha umunani gusa, Diamond yagiye ku rukuta rwe rwa Instagram akunda kwifashisha cyane ashimira abakunzi be bahora bashyikigiye umuziki we ndetse ashimangira ko ari naryo zingiro ryo kuzamuka kwe umunsi ku wundi. Diamond akimara gushyira iyi ndirimbo kuri youtube yakomeje kugenda akurikirana uburyo iri kurebwa kuko yagendaga atanga amakuru mashya y’umubare w’abamaze kuyireba.

Diamond kandi yaje no gutangaza zimwe mu mbogamizi yagiye ahura nazo mugufata amashusho y’indirimbo “Waah” yasobanuye ko by’umwihariko bitewe nuko yayikoranye n’igihangange muri muzika byamugoye cyane mu gutunganya imyambaro, avuga ko bakoresheje imyambaro myinshi cyane, ariko ngo byose bigaturuka ku kuba yaragendaga yumvira inama za Koffi nk’umuntu ubimazemo igihe ndetse akaba azi neza uko ibintu bikorwa kurusha uko Diamond abizi.

Diamond kandi avuga ko imwe mu mpamvu Koffi yaje muri Tanzania ari uko kuri Koffi ari ibintu byoroshye gufata indege asohoka mu gihugu akaba yatembera mu bice byinshi kurusha Diamond. Nubwo atabyeruye neza, abantu bemeza ko Koffi Olomide nyine Arusha ubushobozi Diamond.

Diamond yagize ati: “impamvu namusabye ko yaza uri Tanzania, kuri we (Koffi) byari byoroshye cyane, ntabwo byari kunyorohera gufata indege ndikumwe n’abamfasha tukajya muri congo. Ibi byari kumpenda cyane kuburyo bukomeye”.

[kwamamaza]

Yakomeje agira ati: “uyu mugabo (koffi) ni umuhanga cyane, afite impano ikaze cyane ariko nyuma ya byose n’umuntu mwiza. Ahazaza he harakomeye cyane bitewe n’impano ikaze afite. Natewe ishema cyane no gukorana nawe indirimbo, kuko namwigiyeho byinshi cyane”.

VIDEO WAREBA