Umuhanzi don jazzy yashinze ihuriro ry’abantu b’ibisambo.

Bitewe naho umuvuduko w’ikoranabuhanga ugeze ku isi, usanga isi yarabaye nk’umudugudu kuburyo aho ikintu kimwe kiba nahandi hose bihita bihagera. Mu isi tubamo y’uyu munsi usanga buri wese akora ibishoboka ngo yigwizeho ifaranga bityo abe yabasha kujya avugana n’abandi babashije kurigwiza.

Uko bamwe bagwiza ifaranga rero bituma bagira aho bahurira n’abandi barifite bakaba bakora nk’amatsinda y’ikintu runaka bahuriyeho, gusa kurundi ruhande abatayafite cyangwa bafite macye nabo usanga bakora amatsinda yabo bahuje imibereho n’ubushobozi. Gusa ntawaruzi ko haraho bizagera hakabaho ihuriro umuntu yakwita iry’abantu bagira ubugugu.

Kuri uyu wa kabiri ku mbuga nkoranyambaga hakwirakwiye amafoto agaragaza umuhanzi uzwi cyane ku isi ariwe Don Jazzy ukomoka muri Nigeria aho ayo mafoto yagaragazaga ko icyo gihangange mu muziko cyashinze ishyirahamwe ry’abantu batajya batanga ifaranga niyo ryaba ari rimwe, ibi bimaze kumenyekana nk’ikiswe “Stingy Men Association”

Don Jazzy rero iri shyirahamwe ngo yarishinze muri Nigeria ndetse riza ryitwa SMAN (stingy men association of Nigeria). Hagendewe ku byatangajwe mu magambo uyu mugabo yanditse kurubuga rwe Twitter asobanura neza ko umuntu uri muriri huriro adakwiye gutanga amafaranga y’ubusa uko yaba ari macye kose. Nyuma yibyo Don Jazzy yashyizeho amafoto agaragaza ikarita y’ubunyamuryango muriryo shyirahamwe.

Uretse ibyo kandi uyu mugabo wamenyekanye mu ndirimbo nyinshi nka Dorobucci nizindi, yakomeje yandikaho ari nawe muyobozi mukuru w’iryo shyirahamwe. Icyivugo cy’iryo huriro kiragira kiti: “reka ndebe icyo nakora” mu magambo yaherekeje ayo kandi harimo ko ukwiyandikisha kwe muriryo huriro byarangiye ubu ari umunyamuryango.

[kwamamaza]

Gusa akimara kwandika ibyo kuri Instagram ye abanya Nigeria basanzwe bazwiho kwitabira imbuga nkoranyambaga ku bwinshi, ntibazuyaje kumusubiza. Bamwe bagize bati: “boss ntabwo ukwiriye kuba umunyabugugu, ndabyamaganye mu izina rya yezu”
Benshi mu bamwandikiye bagiye bagaragaza nkaho ibyo yakoze bidakwiye ahanini bitewe n’ubutunzi uyu yigwijeho bityo ko adakwiye kuba umwe mu bagize ihuriro ry’abagira ubugugu. Uyu Don Jazzy twakwibutsa ko ari mu baririmbyi ba mbere bakize ku mugabane wa Africa.

VIDEO WAREBA