Ibi bintu bidasanzwe byabereye mu iguriro rihuriyemo abantu benshi cyane mu gihugu cya Nigeria, aho umugabo yaje yariye umwanda yambura umukunzi we telefone ya iPhone yari yaramuguriye nk’impano ndetse n’umusatsi mwiza uhenze (wig), uyu mugabo akaba yaratewe n’umujinya ugeze aha nyuma yuko atereye ivi uyu mukobwa amusaba kuzabana maze umukobwa akamutera utwatsi (akabyanga).
Amashusho agaragaza uyu musore muriryo guriro apfukamye asaba umukobwa ko bazabana ndetse afite n’impeta mu ntoki.
Gusa umukobwa we nubwo bagenzi be bakomeje kumusunikira kwemera ubwo busabe, we siko yabitekerezaga ahubwo yahise yanga kwambara impeta yuwo musore, ntabyo gutinda umusore yahise ahaguruka n’umujinya mwinshi maze ashikuza umusatsi uwo mukobwa yari yambaye ku mutwe nkaho bidahagije umukobwa yashatse guhita ava aho ariko umusore amubera ibamba ahubwo nawe yahise amukurikira amubwira gusubiza na telefone ya iPhone 15 yari amaze iminsi amuguriye nk’impano ku muntu akunda, umukobwa yabanje kwanga kuyitanga ariko nyuma y’akanya gato abonye ukuntu umusore yarubiye yemeye gusubiza telefone baba bamuteje ingaru ako kanya.
Ntibyatinze umusore amaze gusubirana utwe, yahise yigendera abari aho bose bifata ku munwa batangazwa n’ukuntu uwo musore adashobora gushyiramo imiyaga na gato. Bamwe mubari aho bavuganiye umusore abandi bavuganira umukobwa, bati nk’umusore uba ugomba kumenya ibitangwa mu rukundo byose bitajya bisubizwa, ahubwo wakabaye utekereza cyane mbere yo gutanga impano kuko ibintu bidahora bimeze neza mu rukundo. Icyakora abandi nabo bise uwo mukobwa umujura wishakira indonke ku musore kandi atamukunda, bityo ko niba atamukunda atagombaga no kwakira ibivuye ku muntu adakunda by’ukuri, abandi nabo bakemeza ko uyu mukobwa yagendaga mu basore benshi asarura utuntu nk’utwo bityo atari kwemera kugumana n’umuntu ngo bakundane byo kubana.
